cineperu

Nesta sesión amosaranse os traballos máis destacados que se realizaron en centros educativos de Galicia durante o último ano. Trátase ademais dunha actividade solidaria coa promoción do cinema en aldeas peruanas.

O acceso non terá unha cota de entrada, pero se habilitará un “bote” para que as e os asistentes que o desexen poidan colaborar. A recadación destinarase aos proxectos de La Combi – Arte Rodante, plataforma cultural peruana que achega o mundo do cinema a diferentes poboacións de América Latina. Talleres audiovisuais para mozos, proxeccións ao aire libre ou festivais pola liberdade de expresión atópanse entre as actividades que organizan, habitualmente en zonas desfavorecidas ou en comunidades afastadas.

Proxectarase unha mostra das obras realizadas nos centros de ensino galegos, dende colexios ata universidades, a fin de dar a coñecer os novos valores do audiovisual. As curtas seleccionadas ofrecerán unha panorámica heteroxénea, pois mostraranse traballos procedentes de diferentes zonas e de distintas etapas educativas. Con esta actividade queremos recoñecer o esforzo e o bo labor que se está a facer nas escolas e animalas a seguir traballando, ao tempo que solidarizarnos con quen pon a mesma ilusión á outra beira do Atlántico.

DOMINGO 18, 18H

Consulta aquí el programa completo del festival Volver arriba