Please ensure Javascript is enabled for purposes of website accessibility Agosto 2022 • FICBUEU
FESTIVAL INTERNACIONAL DE CINEMA DE BUEU

As curtas do Instituto de Investigaciones y Experiencias Cinematográficas e da Escuela Oficial de Cinematografía protagonizan o CADERNO FICBUEU #3

← Volver

As curtas do Instituto de Investigaciones y Experiencias Cinematográficas e da Escuela Oficial de Cinematografía protagonizan o CADERNO FICBUEU #3

FICBUEU

O novo monográfico analiza os filmes das escolas de cinema españolas, nos que tamén está baseada a Sección Retrospectiva deste 2022

O Festival Internacional de Cinema de Bueu inaugurou no 2019 a Sección Retrospectiva, un apartado adicado aos fitos máis importantes da historia do cinema en formato curto a través das súas obras. Froito de todo o traballo de documentación posto en marcha para crear esta categoría naceu o proxecto Cadernos FICBUEU, publicacións recompilatorias paralelas ao contido da sección.

O primeiro ano analizouse a influencia da Nouvelle Vague e a súa importancia no posterior desenvolvemento desta corrente cinematográfica, mentras que o ano pasado púxose o foco na maior produtora pública do mundo, a National Film Board of Canada, contando coa participación de Marc Bertrand, un dos seus produtores, no festival.

Nesta 15ª edición tanto a Sección Restrospectiva do FICBUEU 2022 como o Caderno #3 centraránse en España, analizando as pezas feitas no Instituto de Investigaciones y Experiencias Cinematográficas e na Escuela Oficial de Cinematografía entre 1947 e 1976, sendo unha das semenetes do actual cinema español ao dar paso aos diversos cineastas que reformularon a industria durante eses anos.

As interesadas e os interesados poderán asistir de xeito gratuíto as proxeccións da Sección Retrospectiva do luns 12 ao xoves 15 ás 17 horas, retirando previamente o convite no despacho de billetes. Coa entrada para estas proxeccións entregrarase de agasallo un exemplar do Caderno FICBUEU #3.

O monográfico, titulado “As prácticas do Instituto de Investigaciones y Experiencias Cinematográficas e a Escuela Oficial de Cinematografía como primordio dun novo cinema español (1947-1956)”,  tamén será presentado polo seu autor, Severiano Casalderrey, durante a presente edición do FICBUEU. Será o sábado 17 ás 11 horas no Punto de Encontro.

A obra está editada en galego e en inglés e conta co apoio da Secretaría Xeral de Política Lingüística da Xunta de Galicia dende o inicio deste proxecto. Na actualidade pódense atopar os cadernos en bibliotecas públicas e diversas institucións e escolas relacionadas co cinema. Ademais, os Cadernos tamén están dispoñibles para a súa compra na  tenda en liña do FICBUEU e durante o festival na tenda física.

  • O FICBUEU achega as prácticas da EOC e o IIEC a Oporto

    Severiano Casalderrey, autor del Cuaderno FICBUEU#3, presentará su contenido al público luso El pasado 16 de noviembre comenzó el Porto/Post/Doc, festival que tiene lugar en Oporto (Portugal) y que dedica su programación al mundo del documental. Con origen en 2014, el certamen ofrece en esta nueva edición una programación de hasta 11 días en la […]

    21/11/2022
  • O FICBUEU continúa co seu compromiso co desenvolvemento sostible

    Durante a 15ª edición do festival e máis aló do evento a organización leva a cabo diferentes iniciativas relacionadas coa Axenda 2030 Cada ano o equipo traballa na mellora destas medidas e na implantación de novidades que supoñan avances cara a consecución dos ODS Un dos compromisos do Festival Internacional de Cinema de Bueu é […]

    14/10/2022
  • As I Xornadas Cinematográficas achegaron ata Bueu as experiencias de diferentes profesionais do sector

    Esta primeira edición estivo centrada no tratamento do tempo no cinema. O Festival Internacional de Cinema de Bueu puxo en marcha na 15ª edición deste 2022 o novo proxecto das Xornadas Cinematográficas, un espazo de reflexión e pensamento sobre a arte do cinema que reuniu en Bueu a varias e varios profesionais do sector (cineastas, […]

    05/10/2022
← Volver

O FICBUEU e o Banco de Alimentos de Vigo-Pontevedra organizan unha recollida de alimentos durante o festival

FICBUEU

Poderase doar durante as dúas semanas do evento.

O Festival Internacional de Cinema de Bueu e o Banco de Alimentos de Vigo-Pontevedra anuncian unha nova colaboración para realizar unha recollida de alimentos de cara á 15ª edición, que terá lugar do 11 ao 24 de setembro. 

Poderanse doar diferentes produtos non perecedoiros durante as dúas semanas do festival no Centro Social do Mar, sede principal do evento, no mesmo horario das actividades programadas.

Os artigos que máis se precisan adoitan ser leite, cacao, galletas, aceite e todo tipo de conservas, aínda que toda doazón será ben recibida. Outra clase de alimentos moi útiles neste tipo de iniciativas son os de almacenamento sinxelo, os de alta densidade nutricional ou os que se poden consumir sen elaboración previa, sempre e cando sexan saudables.

Deste xeito, e ao igual que en pasadas edicións, o FICBUEU tratará de colaborar na loita por diminuír as desigualdades sociais, en consonancia cos valores e as ideas que identifican á organización, continuando e mesmo ampliando a labor realizada en anos anteriores.

Cartel informativo extraído da web midietacojea.com

En 2021, ano de comezo desta colaboración, a campaña realizouse únicamente durante as proxeccións da Sección Panorama. Nesta ocasión, a organización amplia as datas de recollida, incluíndo ás visitas dos colexios durante a semana do MiniFIC, coa intención de mellorar e de aumentar o número de alimentos recollidos.

O Banco de Alimentos de Vigo-Pontevedra é un das 54 organizacións que pertencen á Federación Española de Bancos de Alimentos (FESBAL), unha entidade con máis de 20 anos de percorrido que ten por obxectivo loitar contra a fame, a pobreza e o desperdicio de alimentos mediante o seu correcto aproveitamento e reparto, contribuíndo tamén a mellorar o medio ambiente. Grazas ao seu traballo, repártense produtos entre máis de 7.000 entidades benéficas e a máis dun millón de persoas.

  • O FICBUEU achega as prácticas da EOC e o IIEC a Oporto

    Severiano Casalderrey, autor del Cuaderno FICBUEU#3, presentará su contenido al público luso El pasado 16 de noviembre comenzó el Porto/Post/Doc, festival que tiene lugar en Oporto (Portugal) y que dedica su programación al mundo del documental. Con origen en 2014, el certamen ofrece en esta nueva edición una programación de hasta 11 días en la […]

    21/11/2022
  • O FICBUEU continúa co seu compromiso co desenvolvemento sostible

    Durante a 15ª edición do festival e máis aló do evento a organización leva a cabo diferentes iniciativas relacionadas coa Axenda 2030 Cada ano o equipo traballa na mellora destas medidas e na implantación de novidades que supoñan avances cara a consecución dos ODS Un dos compromisos do Festival Internacional de Cinema de Bueu é […]

    14/10/2022
  • As I Xornadas Cinematográficas achegaron ata Bueu as experiencias de diferentes profesionais do sector

    Esta primeira edición estivo centrada no tratamento do tempo no cinema. O Festival Internacional de Cinema de Bueu puxo en marcha na 15ª edición deste 2022 o novo proxecto das Xornadas Cinematográficas, un espazo de reflexión e pensamento sobre a arte do cinema que reuniu en Bueu a varias e varios profesionais do sector (cineastas, […]

    05/10/2022
← Volver

Seis pezas competirán polo premio á Mellor Curtametraxe de Escolas Internacionais do FICBUEU 2022

FICBUEU

Será o terceiro ano no que o festival bueuense entregue o galardón nesta categoría.

O Festival Internacional de Cinema de Bueu premiará na súa 15ª edición á mellor curtametraxe da Sección Escolas Internacionais, nunha categoría que está asentada na programación dende que se creou no ano 2020.

Dos miles de traballos recibidos polo FICBUEU para a Sección Oficial, o equipo do festival tivo que realizar unha escolma previa entre aqueles procedentes de escolas de cine internacionais para poder anunciar aos seis finalistas da presente edición. A decisión final correspondeulle ao Xurado Escolas, conformado pola escritora e editora Olalla González, o pedagogo, docente e investigador Álvaro Dosil, e polo produtor, director de cine e docente Sergio Clavero, quenes resolveron entre unha destacada selección de curtametraxes chegadas de diferentes partes do mundo.

Fotograma da curta Fruto do vosso ventre

Dende a Escola Superior de Teatro e Cinema de Portugal Fábio Silva presenta Fruto do vosso ventre, que conta a historia dun fillo que descobre as vellas cintas de 8mm do seu pai e comeza a descubrir a realidade sobre os seus pais e a súa vida.

A segunda finalista é a singapurense Yi Yi de Giselle Lin da Lasalle College of Arts, que narra a vida dunha nai atrapada na comodidade do recordo e do loito que se ten que enfrontar á súa dor chegado o momento.

Mikai Geronimo e Josh O’Caoimh firman dende a National Film School at IADT de Irlanda Fall of the Ibis king, na que o antagonista dunha ópera escura vólvese cada vez máis inquieto tras o improbable regreso do antigo actor principal.

En Joy de Alexandra Brodski, da escola NFTS de Reino Unido, poderemos asistir á vida de Jacob, un rapaz en réxime de internamento de menores desesperado por volver ao mundo exterior, unha situación que cambia cando coñece a Joy, unha nena de 10 anos misteriosamente magnética.

Outra das obras finalistas é An ostrich told me the world is fake and I think I believe it do alumno da Griffith Film School australiana Lachlan Pendragon. Nesta curta, un mozo teleoperador enfrontarase a unha misteriosa avestruz parlante e decatarase de que o universo é unha animación en stop motion, o que o leva a tratar de espallar o seu descubremento.

Fotograma da curta Joy

A sexta nomeada é a suíza Es muss de Jumana Issa e Flavio Luca Marano, da  Zürcher Hochschule der Künste, que contará a complicada xornada de Silvia, unha moza que no mesmo día perde o papel de solista no seu coro, é despedida do seu traballo e é multada pola policía, o que desata a súa resistencia silenciosa.

Todos os traballos proxectaranse durante a segunda semana do festival, nunha sesión que terá lugar o luns 19 ás 11 horas no Centro Social do Mar, con entrada de balde para todas as persoas interesadas.

A curta gañadora da Sección Escolas Internacionais anunciarase o mesmo luns 19 de setembro ás 13.30 horas, nunha entrega de premios aberta o público onde tamén se coñecerá o nome do traballo gañador na Sección Escolas de Imaxe e Son e Facultades Galegas.

Será a terceira ocasión na que o FICBUEU repartirá este galardón. As obras gañadoras nos anos anteriores foron a francesa Avant notre heure, da directora e xefa de fotografía Chloé Terren, quen continúa traballando en proxectos similares, e a finesa Hiljaisuus de  Saara Hakkarainen, peza gañadora noutros festivais como o Tampere Film Festival ou o Santorini Film Festival.

  • O FICBUEU achega as prácticas da EOC e o IIEC a Oporto

    Severiano Casalderrey, autor del Cuaderno FICBUEU#3, presentará su contenido al público luso El pasado 16 de noviembre comenzó el Porto/Post/Doc, festival que tiene lugar en Oporto (Portugal) y que dedica su programación al mundo del documental. Con origen en 2014, el certamen ofrece en esta nueva edición una programación de hasta 11 días en la […]

    21/11/2022
  • O FICBUEU continúa co seu compromiso co desenvolvemento sostible

    Durante a 15ª edición do festival e máis aló do evento a organización leva a cabo diferentes iniciativas relacionadas coa Axenda 2030 Cada ano o equipo traballa na mellora destas medidas e na implantación de novidades que supoñan avances cara a consecución dos ODS Un dos compromisos do Festival Internacional de Cinema de Bueu é […]

    14/10/2022
  • As I Xornadas Cinematográficas achegaron ata Bueu as experiencias de diferentes profesionais do sector

    Esta primeira edición estivo centrada no tratamento do tempo no cinema. O Festival Internacional de Cinema de Bueu puxo en marcha na 15ª edición deste 2022 o novo proxecto das Xornadas Cinematográficas, un espazo de reflexión e pensamento sobre a arte do cinema que reuniu en Bueu a varias e varios profesionais do sector (cineastas, […]

    05/10/2022
← Volver

Miguel de Lira será o Premio Cinema Galego do FICBUEU 2022

FICBUEU

O actor, coñecido pola súa ampla traxectoria en cinema, televisión e teatro recibirá o galardón e será entrevistado polo xornalista e produtor Gaspar Broullón.

O actor Miguel de Lira (Miguel Domingo García), que debe o seu nome artístico aos seus orixes na parroquia de Santa María de Lira, no concello de Carnota, recibirá o Premio Cinema Galego do FICBUEU 2022. Un galardón creado co obxectivo de recoñecer a traxectoria e a labor realizada na industria audiovisual galega das actrices e actores da terra, uníndose a premiados en anteriores edicións como Alfonso Agra, Antonio Durán ‘Morris’, Mabel Rivera, Luis Zahera ou Melania Cruz.

A súa extensa carreira deu comezo durante a etapa universitaria, momento no que se adentra no mundo teatral, fundando en 1986 xunto a outras compañeiras e compañeiros o grupo Chévere, todavía vixente a día de hoxe. Nesta agrupación, distinguida co Premio Nacional de Teatro en 2014, desenvolveuse como director, actor e produtor. Pouco despois, en 1989, daría o salto á televisión e ao cinema, debutando no programa de humor da TVG Velaí… e na película Urxa.

A partir dese momento compaxinou actuacións en televisión, participando en series como Mareas Vivas, Pepe o inglés ou Los hombres de Paco, con outras en cinema, actuando en Entre bateas, Crebinsky ou Eroski Paraíso. Aínda así, de Lira non descoidou outros formatos como o teatro ou a curtametraxe, contando en ambos cun interesante número de obras as súas costas.

Recentemente destacan os seus papeis en longametraxes como Cuñados de Toño López, Ons de Alfonso Zarazuza, Dhogs de Andrés Goteira ou A esmorga de Ignacio Vilar, ademais doutros en series recoñecidas como Vivir sin permiso ou Matadero.

As máis de vinte películas nas que participou e innumerables traballos noutros ámbitos valéronlle para estar nomeado ata en seis ocasións aos Mestre Mateo, levándose o premio a Mellor Actor un total de tres veces. Deste xeito, de Lira aumentará o seu palmarés cun Premio Cinema Galego que recoñece a súa prolífera traxectoria e a súa contribución e compromiso coa sociedade e cultura galega.

O actor participará nesta 15ª edición do Festival Internacional de Cinema de Bueu nunha interesante entrevista co xornalista e produtor Gaspar Broullón, co que repasará os momentos máis destacables da súa carreira. Esta conversa estará dispoñible en liña despois do festival a través da nova Canle FICBUEU.

  • O FICBUEU achega as prácticas da EOC e o IIEC a Oporto

    Severiano Casalderrey, autor del Cuaderno FICBUEU#3, presentará su contenido al público luso El pasado 16 de noviembre comenzó el Porto/Post/Doc, festival que tiene lugar en Oporto (Portugal) y que dedica su programación al mundo del documental. Con origen en 2014, el certamen ofrece en esta nueva edición una programación de hasta 11 días en la […]

    21/11/2022
  • O FICBUEU continúa co seu compromiso co desenvolvemento sostible

    Durante a 15ª edición do festival e máis aló do evento a organización leva a cabo diferentes iniciativas relacionadas coa Axenda 2030 Cada ano o equipo traballa na mellora destas medidas e na implantación de novidades que supoñan avances cara a consecución dos ODS Un dos compromisos do Festival Internacional de Cinema de Bueu é […]

    14/10/2022
  • As I Xornadas Cinematográficas achegaron ata Bueu as experiencias de diferentes profesionais do sector

    Esta primeira edición estivo centrada no tratamento do tempo no cinema. O Festival Internacional de Cinema de Bueu puxo en marcha na 15ª edición deste 2022 o novo proxecto das Xornadas Cinematográficas, un espazo de reflexión e pensamento sobre a arte do cinema que reuniu en Bueu a varias e varios profesionais do sector (cineastas, […]

    05/10/2022
← Volver

Ábrese a tenda do FICBUEU e saen á venda as entradas para a 15ª edición do festival

FICBUEU

Os abonos e as entradas estarán dispoñibles dende hoxe na tenda en liña e no despacho de billetes durante o festival

O Festival Internacional de Cinema de Bueu abre a súa tenda en liña de cara á 15ª edición do evento, sacando á venda as diferentes entradas e abonos para as proxeccións e actividades programadas este ano.

Do mesmo xeito, na tenda en liña tamén estarán dispoñibles diferentes artigos relacionados coa 15ª edición do festival, como camisetas, chapas ou bolsas, ademais dos diferentes Cadernos protagonistas das Seccións Retrospectiva do FICBUEU.

As entradas e abonos para o festival, que se celebrará entre o Centro Social do Mar e o Punto de Encontro do 11 ao 24 de setembro, xa están á venda en www.ficbueu.com/tenda. O abono da Sección Oficial terá un custo de 12 euros e dará acceso ás cinco sesións de proxección que están programadas dende o luns 12 ata o venres 16, coa posibilidade de seleccionar o horario das 19 horas ou o das 21 horas.

Tamén será posible adquirir a entrada individual, cun prezo de 3 euros, que dará acceso a unha única sesión da Sección Oficial ou para asistir a outras Seccións do FICBUEU (como son os casos de Descubertas, Galicia R ou España).

A Sección Descubertas terá lugar o venres 16 ás 17 horas, mentres que as Seccións España e Galicia R celebraranse o sábado 17, a primeira ás 17 horas e a segunda ás 19 horas. Nestas dúas últimas o público poderá acceder aos correspondentes coloquios coas e cos cineastas.

Por outra banda, a asistencia ao programa Carne Cruda, que se realizará en directo o sábado 17 ás 12.00 horas, terá un prezo de 5 euros, ao igual que en pasadas edicións.

Terán carácter de balde aínda que será preciso retirar convite previo o Acto Inaugural (domingo 11 ás 19 horas), a Gala Escolas Galegas (venres 23 ás 11.30 horas), a Sección Curtas en Familia (venres 23 ás 18.30 horas) e as proxeccións da Sección Retrospectiva (do luns 12 ao xoves 15 ás 17 horas).

O protagonismo da Sección Retrospectiva deste ano recae nas obras realizadas polo IIEC e a EOC durante os anos 1947 e 1976, sendo de igual forma o tema tratado no Caderno FICBUEU#3, que será regalado a todas as persoas que merquen os boletos de dita Sección. De balde tamén serán outras actividades como a propia presentación do Caderno (sábado 17 ás 11 horas) ou o concerto de Tulsa (sábado 17 ás 22.30 horas).

Durante a segunda semana celebrarase o MiniFIC, empezando coas proxeccións das Seccións Escolas Internacionais e Escolas de Imaxe e Son e Facultades o día 19 (ás 11 horas e ás 13 horas, respectivamente). Durante esta xornada tamén se entregarán os correspondentes premios (13.30 horas), contando as tres actividades con acceso libre ao público.

Do martes 20 ao xoves 22 haberá xornada de portas pechadas, coas proxeccións das Seccións Cativa, Infantil e Xuvenil, reservadas para os centros de estudo e o alumnado. Xa o venres 23 abrirase de novo o acceso ao público en actividades como a Gala Escolas Galegas (11.30 horas), na que será preciso retirar convite, o obradoiro de storyboard (16 horas), o Consertasso na horta (17 horas) e a Sección Curtas en Familia (18.30 horas), na que tamén haberá que pasar a polo convite.

Mesma situación que se da na I Xornada Cinematográfica (sábado 24), unha das novidades da presente edición, para a que o único requisito será reservar praza a través do formulario web. A proxección da obra de Andrei Tarkovski Zerkalo’ (21 horas)  será a única de pago, cun prezo de 3 euros.

Outra das novidades da edición deste 2022 será a posibilidade de seguir en directo algunha das actividades do FICBUEU a través da canle de Twitch, o que permitirá estar ao tanto do evento de forma telemática.

Para as interesadas e os interesados en asistir de forma presencial ao FICBUEU outra alternativa será retirar os boletos no despacho de billetes, situado no Centro Social do Mar. Este abrirase a partir do 5 de setembro e ata o próximo día 10, xusto antes do inicio do festival, cun horario de 18 horas a 20 horas. Durante o evento, o despacho estará aberto unha hora antes do inicio de cada actividade.

En caso de dúbidas coa tenda en liña ou co despacho de billetes, pódese escribir ao correo electrónico info@ficbueu.com ou contactar a través dos diferentes perfís en redes sociais (@FICBUEU).

  • O FICBUEU achega as prácticas da EOC e o IIEC a Oporto

    Severiano Casalderrey, autor del Cuaderno FICBUEU#3, presentará su contenido al público luso El pasado 16 de noviembre comenzó el Porto/Post/Doc, festival que tiene lugar en Oporto (Portugal) y que dedica su programación al mundo del documental. Con origen en 2014, el certamen ofrece en esta nueva edición una programación de hasta 11 días en la […]

    21/11/2022
  • O FICBUEU continúa co seu compromiso co desenvolvemento sostible

    Durante a 15ª edición do festival e máis aló do evento a organización leva a cabo diferentes iniciativas relacionadas coa Axenda 2030 Cada ano o equipo traballa na mellora destas medidas e na implantación de novidades que supoñan avances cara a consecución dos ODS Un dos compromisos do Festival Internacional de Cinema de Bueu é […]

    14/10/2022
  • As I Xornadas Cinematográficas achegaron ata Bueu as experiencias de diferentes profesionais do sector

    Esta primeira edición estivo centrada no tratamento do tempo no cinema. O Festival Internacional de Cinema de Bueu puxo en marcha na 15ª edición deste 2022 o novo proxecto das Xornadas Cinematográficas, un espazo de reflexión e pensamento sobre a arte do cinema que reuniu en Bueu a varias e varios profesionais do sector (cineastas, […]

    05/10/2022
← Volver

O xurado da Sección Escolas elixirá as curtas gañadoras do FICBUEU 2022

FICBUEU

Ata 86 traballos de centros de Galicia foron presentados para a 15ª edición do festival, cun gran número de pezas procedentes de Educación Secundaria.

O xurado da Sección Escolas da 15ª edición do Festival Internacional de Cinema de Bueu reuniuse hoxe para seleccionar, de entre as 15 obras finalistas, ás tres gañadoras das correspondentes categorías (Educación Especial, Infantil e Primaria, Educación Secundaria e Escolas de Imaxe e Son e Facultades), ademais da vencedora no apartado de Escolas Internacionais.

O Xurado Escolas para o FICBUEU 2022

Despois dunha primeira preselección por parte do equipo do FICBUEU, que se encargou de escoller ata cinco pezas por categoría de entre os 86 traballos recibidos para as Escolas Galegas, agora será a quenda das tres persoas que conforman o Xurado Escolas deste ano, a quenes corresponde a decisión final.

Este xurado,  formado pola escritora e editora Olalla González, o pedagogo, docente e investigador especializado en cinema na USC Álvaro Dosil, e polo produtor, director de cine de animación e docente Sergio Clavero, será o responsable de elixir os traballos gañadores que se coñecerán durante a Gala Escolas Galegas, na que colaboran a Fundación Novas e Kalandraka.

Unha decisión que seguro non será sinxela, tendo en conta que o número de obras foi similar ao recibido en anos anteriores e que a calidade e a variedade das mesmas é máis que destacable. Case a metade (42) corresponden a centros de Educación Secundaria, mentres que no caso da Educación Especial, Infantil e Primaria e das Escolas de Imaxe e Son e Facultades o número foi similar (23 e 21, respectivamente).

Estas cifras amosan non só a gran participación e o compromiso do alumnado e dos centros de ensino, senón tamén o potencial do audiovisual e do cinema como ferramenta de traballo, apredizaxe e de transmisión de valores, premisas baixo as que se creou o MiniFIC. As curtas finalistas son as seguintes:

Mellor Curtametraxe de Educación Especial, Infantil e Primaria:

  • A coroa da raíña – CEIP Plurilingüe San Marcos (Abegondo)
  • Carolina e o corvo de ás brancas – CEIP Do Hío (Cangas)
  • Mergullo nas rías – CEIP Do Carballal (Marín)
  • Oso atrapabolboretas – CEIP Plurilingüe A Pedra (Bueu)
  • Salvar a carballeira – CRA Amencer (San Paio)

Mellor Curtametraxe de Educación Secundaria:

  • Cores – IES As Barxas (Moaña)
  • Migrando – IES Praia Barraña (Boiro)
  • Non tes prezo – CPI Eusebio Lorenzo Baleirón (Dodro)
  • Psicología semanal – IES Terra de Trasancos (Narón)
  • Que van dicir de nós – CPI Alcalde Xosé Pichel (Coristanco)

Mellor Curtametraxe de Escolas de Imaxe e Son e Facultades:

  • Algas negras – IES Audiovisual de Vigo
  • Galleria. Never hug the fence – Escola de Imaxe e Son de Vigo-EISV. CE Marcote
  • Separados por unha barreira – CIFP Imaxe e Son A Coruña
  • Versos post mortem – Facultade de Ciencias Sociais e da Comunicación (Universidade de Vigo)
  • 42º 47 ́ 38.9”N – 8º 30 ́ 15.8”O – Universidade de Vigo-Universidade de Santiago de Compostela

Por outra banda, este xurado tamén será o que designará a Mellor Curtametraxe da Sección Escolas Internacionais, logo de que o equipo do FICBUEU escollese as 6 mellores pezas enviadas nos últimos meses. As finalistas neste apartado son as seguintes:

  • Fruto do vosso ventre – Fábio Silva (Portugal)
  • Yi Yi – Giselle Lin (Singapur)
  • Fall of the Ibis king – Mikai Geronimo, Josh O’Caoimh (Irlanda)
  • Joy – Alexandra Brodski (Reino Unido)
  • An ostrich told me the world is fake and I think I believe it – Lachlan Pendragon (Australia)
  • Es muss – Jumana Issa, Flavio Luca Marano (Suíza)

As curtas gañadoras das categorías Educación Secundaria e Educación Especial, Infantil e Primaria daranse a coñecer durante a Gala Escolas Galegas, que se celebrará o 23 de setembro ás 11.30 horas. Doutra banda, as pezas premiadas da Sección Escolas Internacionais e Escolas e Facultades Galegas, anunciaranse durante unha cerimonia que terá lugar o luns 19 de setembro ás 13.30 horas. Ambos actos contarán con entrada e balde.

  • O FICBUEU achega as prácticas da EOC e o IIEC a Oporto

    Severiano Casalderrey, autor del Cuaderno FICBUEU#3, presentará su contenido al público luso El pasado 16 de noviembre comenzó el Porto/Post/Doc, festival que tiene lugar en Oporto (Portugal) y que dedica su programación al mundo del documental. Con origen en 2014, el certamen ofrece en esta nueva edición una programación de hasta 11 días en la […]

    21/11/2022
  • O FICBUEU continúa co seu compromiso co desenvolvemento sostible

    Durante a 15ª edición do festival e máis aló do evento a organización leva a cabo diferentes iniciativas relacionadas coa Axenda 2030 Cada ano o equipo traballa na mellora destas medidas e na implantación de novidades que supoñan avances cara a consecución dos ODS Un dos compromisos do Festival Internacional de Cinema de Bueu é […]

    14/10/2022
  • As I Xornadas Cinematográficas achegaron ata Bueu as experiencias de diferentes profesionais do sector

    Esta primeira edición estivo centrada no tratamento do tempo no cinema. O Festival Internacional de Cinema de Bueu puxo en marcha na 15ª edición deste 2022 o novo proxecto das Xornadas Cinematográficas, un espazo de reflexión e pensamento sobre a arte do cinema que reuniu en Bueu a varias e varios profesionais do sector (cineastas, […]

    05/10/2022
← Volver

Dúas semanas de cinema e actividades conforman a programación do FICBUEU

FICBUEU

O Festival Internacional de Cinema de Bueu, que se celebra do 11 ao 24 de setembro, presenta o cronograma da programación para a décimo quinta edición, marcado pola nova estrutura do festival que divide o mesmo en varios apartados diferenciados, estando a primeira semana reservada para a proxección das principais seccións competitivas, entre outras actividades.

Semana de curtametraxes

O evento dará comezo o domingo 11 ás 19 horas cun acto inaugural onde se estrearán as curtametraxes realizadas durante os meses anteriores coas asociacións Érguete de Vigo e Juan XXIII de Cangas, dentro dos obradoiros postos en marcha a través da Área Social FICBUEU. A entrada será de balde retirando a invitación no despacho de billetes.

No segundo día comezarán as primeras sesións de proxección, cunha programación que seguirá a mesma estrutura todos os días ata o venres 16, coa diferenza que neste último ás 17 horas exhibiranse as curtas da Sección Descubertas, mentres que no mesmo horario de martes a xoves visionaranse as pezas da Sección Retrospectiva, na que se poderá ver unha recompilación de traballos realizados no Instituto de Experiencias Cinematográficas e na Escola Oficial de Cinema.

Logo tocará a primeira queda da Sección Oficial, composta por unha selección das mellores curtametraxes internacionais, ás 19 horas. Tras isto chegarán os coloquios coas directoras e os directores dalgunhas das pezas proxectadas,  ás 20.30 horas, para logo ter unha segunda sesión da Sección Oficial ás 21 horas, coa que se pecharán as actividades durante esta primeira semana.

O sábado 17 haberá unha gran variedade de actividades que arrincarán coa presentación do Caderno FICBUEU#3, baseado na Sección Retrospectiva e titulado “As prácticas do Instituto de Investigaciones y Experiencias Cinematográficas e a Escuela Oficial de Cinematografía como primordio dun novo cinema español (1947-76)”. Será ás 11 horas no Punto de Encontro e estará dirixida polo autor do monográfico, Severiano Casalderrey, con entrada de balde para o público xeral.

Ás 12 horas o equipo de Carne Cruda realizará un programa en directo adicado á contracultura e no que estarán presentes algunhas das persoas protagonistas da décimo quinta edición do festival.

Continuando coa programación vespertina, ás 17 horas será a quenda da Sección España. Logo desta primeira sesión será o coloquio coas e cos cineastas participantes neste apartado ás 18.30 horas. A partir das 19 horas dará comezo a Sección Galicia R, trala que tamén se poderá asistir ao correspondente coloquio coas e cos participantes ás 20.30 horas.

A penúltima actividade do sábado será a entrega de premios do FICBUEU 2022. Pechará a xornada e a primeira semana do festival o concerto de clausura ao cargo da artista Tulsa, que será na Praza Massó con acceso libre.



Segunda semana: MiniFIC 

Logo da primera semana terá lugar o MiniFIC, a programación especial para a rapazada e os centros de ensino. Contará cunha duración total de cinco días, dende o luns 19 ata o venres 23, e comezará coas proxeccións da Sección Escolas Internacionais ás 11 horas. Logo desta primeira sesión virá a quenda das proxeccións das curtas de Escolas de Imaxe e Son e Facultades Galegas á 13.00horas, coa súa correspondente entrega de premios programada para as 13.30 horas.

Do martes 20 ao xoves 22 serán as proxeccións das Seccións Cativa, Infantil e Xuvenil, de portas pechadas e reservadas unicamente para os centros de ensino e o alumnado.

O venres 23 será o día con maior número de actividades para o público máis novo e para as familias, comezando coa Gala Escolas Galegas ás 11.30 horas. Pola tarde celebrarase o Concerto MiniFIC ‘Consertasso na horta’, da man de Brais Das Hortas ás 17.00 horas, pechando o día a proxección da Sección Curtas en Familia ás 18.30 horas.

I Xornadas Cinematográficas: esculpindo o tempo

O festival porá o seu punto e final coa principal novidade desta edición, as xornadas cinematográficas, un espazo para a reflexión sobre a arte do cinema que se realizará o sábado día 24. A entrada será de balde, aínda que será preciso reservar praza.

A apertura da programación destas I Xornadas Cinematográficas: esculpindo o tempo correrá a cargo do cineasta e investigador José Manuel Mouriño, quen dará unha clase maxistral sobre o tratamento do tempo nos seus filmes ás 11.00 horas. Despois, ás 12.30 horas, as críticas de Caimán – Cuadernos de Cine Andrea Morán e Daniela Urzola terán unha conversa na que repasarán a obra dalgúns cineastas relevantes no tratamento do tempo.

Na sesión de tarde poderase asistir a unha mesa redonda en liña moderada pola docente Diana Ramahí na que participarán as cineastas e montadoras DianaToucedo, Ana Pfaff e Carolina Astudillo (17.00 horas), a un encontro con Oliver Laxe conducido polo xornalista Ángel Suanzes (19.00 horas) e a proxección de Zerkalo de Andrei Tarkovski (1975) ás 21.00 horas.

Actividades paralelas

De forma simultánea á celebración das actividades principais do festival tamén se levarán a cabo diversas iniciativas paralelas, como é o caso da gravación do podcast Espazo Negativo con Ariadna Cordal e Dani Cornes, que dedicarán dous programas aos contidos da décimo quinta edición do festival, facendo un repaso polas curtas das seccións Oficial e Galicia R. O podcast estará dispoñible en todas as canles de FICBUEU e de Espazo Negativo, incluíndo Ivoox, Spotify, Apple Podcasts, Anchor e demais plataformas.

Por outra banda, e como vén sendo habitual, o público poderá desfrutar da VII Ruta das Tapas 5 Estrelas, organizada en colaboración co Concello de Bueu e a Asociación de Empresas da Hostalaría de Bueu e que terá unha duración de nove días, dende o venres 9 ata o domingo 18.

Do mesmo xeito, entre o 11 e o 18 de setembro tamén se poderá asistir ao V Mercado da Curtametraxe no Musseo Massó, no que profesionais da industria audiovisual terán a posibilidade de visionar todas as curtametraxes inscritas na actual edición do FICBUEU.

O mercado terá un horario continuado entre as 10:00 horas e as 20:00 horas, agás o luns, e para acceder deberá solicitarse unha acreditación a través do correo electrónico info@ficbueu.com.

Toda a información pódese consultar nesta páxina web e nas redes sociais do festival, onde se irán anunciando as novidades, como as curtametraxes seleccionadas para esta edición, comezando polas Seccións Competitivas a partir do 9 de agosto, ou a venda de entradas, que estará dispoñible nas vindeiras semanas.

  • O FICBUEU achega as prácticas da EOC e o IIEC a Oporto

    Severiano Casalderrey, autor del Cuaderno FICBUEU#3, presentará su contenido al público luso El pasado 16 de noviembre comenzó el Porto/Post/Doc, festival que tiene lugar en Oporto (Portugal) y que dedica su programación al mundo del documental. Con origen en 2014, el certamen ofrece en esta nueva edición una programación de hasta 11 días en la […]

    21/11/2022
  • O FICBUEU continúa co seu compromiso co desenvolvemento sostible

    Durante a 15ª edición do festival e máis aló do evento a organización leva a cabo diferentes iniciativas relacionadas coa Axenda 2030 Cada ano o equipo traballa na mellora destas medidas e na implantación de novidades que supoñan avances cara a consecución dos ODS Un dos compromisos do Festival Internacional de Cinema de Bueu é […]

    14/10/2022
  • As I Xornadas Cinematográficas achegaron ata Bueu as experiencias de diferentes profesionais do sector

    Esta primeira edición estivo centrada no tratamento do tempo no cinema. O Festival Internacional de Cinema de Bueu puxo en marcha na 15ª edición deste 2022 o novo proxecto das Xornadas Cinematográficas, un espazo de reflexión e pensamento sobre a arte do cinema que reuniu en Bueu a varias e varios profesionais do sector (cineastas, […]

    05/10/2022
← Volver

O FICBUEU presenta a 15ª edición do festival cunha nova imaxe e estrutura

FICBUEU

A programación deste ano estenderase ata case as dúas semanas de duración.

A principal novidade nesta edición serán as xornadas cinematográficas, un espazo para a reflexión sobre a arte do cinema da man de profesionais do sector.

O Festival Internacional de Cinema de Bueu presenta a súa 15ª edición cun amplo programa que comezará o próximo domingo 11 de setembro e se prolongará ata o sábado 24, traendo de novo unha selección das mellores curtametraxes nacionais e internacionais.

Cartel FICBUEU 2022

Tras voltar á total normalidade logo de varios anos marcados pola situación derivada da crise sanitaria, o FICBUEU continúa coa progresión das pasadas edicións e presenta un novo formato que vai máis aló do festival, co claro obxectivo de poñer en valor os proxectos que se realizan durante os meses anteriores e posteriores ao evento. 

Así xorde a nova estrutura do FICBUEU, que se basea nas diferentes accións que realiza a organización ao longo do ano: o festival de curtametraxes, as colaboracións con festivais, asociacións e outras entidades, as novidosas xornadas cinematográficas e o futuro proxecto de residencia de creación.

Programación e novidades da 15ª edición

As sesións de proxección seguirán a ser a parte principal do festival de curtametraxes, que dará comezo co acto inaugural do día 11 de setembro, onde se estrearán dúas pezas realizadas coa Asociación Érguete de Vigo e coa Asociación Juan XXIII de Cangas.

A programación recollerá máis de 100 curtametraxes e varios coloquios coas directoras e directores, ademais doutras actividades como Carne Cruda, o podcast Espazo Negativo, a VII Ruta das Tapas 5 Estrelas, o V Mercado de Curtametraxes ou a presentación do Caderno FICBUEU#3, titulado “As prácticas do Instituto de Investigaciones y Experiencias Cinematográficas e a Escuela Oficial de Cinematografía como primordio dun novo cinema español (1947-76)”.

Un dos grandes días desta edición será o sábado 17, no que ademais dalgunhas das actividades anteriormente citadas tamén se poderá asistir ás Seccións España e Galicia R, á entrega de premios, a diversos coloquios e ao concerto de clausura.

Algunhas imaxes do FICBUEU 2021

Nunha segunda semana, terá lugar o MiniFIC, o apartado adicado aos centros de ensino e á rapazada, cunha duración de cinco días, dende o luns 19 ata o venres 23.

Durante a primeira xornada, que será de portas abertas ao público, celebraranse as proxeccións das Seccións Escolas de Imaxe e Son e Facultades e Escolas Internacionais, coas súas entregas de premios para as curtametraxes destacadas nestes eidos.

Por outra banda, do martes 20 ao xoves 22 realizaranse as sesións das Seccións Cativa, Infantil e Xuvenil, con entrada reservada para as escolas e demais centros de ensino. Xa o venres 23 chegará a maior parte da programación aberta e de balde para os máis novos e as familias, coa Gala Escolas Galegas, que contará coa presenza dos diferentes finalistas das seccións, e outras actividades como o Consertasso na horta con Brais das Hortas, a proxección da Sección Curtas en Familia ou o obradoiro de storyboard con Gaidil.

As xornadas cinematográficas e os novos espazos

O festival pechará coa principal novidade desta edición, as xornadas cinematográficas, un espazo para a reflexión sobre a arte do cinema da man de diferentes profesionais do sector. Estes encontros, con entrada de balde con previa reserva de praza a través desta mesma web, realizaranse o sábado día 24 baixo o nome I Xornadas Cinematográficas: esculpindo no tempo.

O proxecto iniciarase cunha charla con José Manuel Mouriño, cineasta e investigador especializado en Andrei Tarkosvski, baseada no tratamento do tempo nos seus films, seguido dunha conversa entre Andrea Morán e Daniela Urzola, críticas de Caimán – Cuadernos de Cine. Xa pola tarde celebrarse unha mesa redonda en liña moderada pola docente Diana Ramahí e  que contará coas cineastas e montadoras Ana Pfaff, Diana Toucedo e Carolina Astudillo. O peche desta primeira edición poñerano un encontro con Oliver Laxe conducido polo xornalista Ángel Suanzes e a proxección de Zerkalo (Andrei Tarkovski, 1975).

Fotograma de Zerkalo (Andréi Tarkovski, 1975)

Estas novidades veñen da man de todos os cambios realizados polo FICBUEU ao longo do ano, como a nova imaxe ou a reestructuración da propia web, destacando o novo apartado do arquivo FICBUEU, onde atopamos un listado de todas as curtas participantes ao longo das diferentes edicións.

Outra iniciativa e a creación da Canle FICBUEU, separada nas contas de Youtube e de Twitch. Na primeira delas poderanse atopar vídeos de actividades realizadas pola organización durante todo o ano, ademais de pezas relacionadas co festival, como entrevistas con varias convidadas e convidados deste ano. Por outra banda, na segunda retransmitiranse diversas actividades en directo.

Toda a información pode atoparse na sección de novas e nos diferentes apartados da web, ademais de nas contas de redes sociais do festival (@FICBUEU), onde se irán anunciando as principais novidades ao longo das semanas.

  • O FICBUEU achega as prácticas da EOC e o IIEC a Oporto

    Severiano Casalderrey, autor del Cuaderno FICBUEU#3, presentará su contenido al público luso El pasado 16 de noviembre comenzó el Porto/Post/Doc, festival que tiene lugar en Oporto (Portugal) y que dedica su programación al mundo del documental. Con origen en 2014, el certamen ofrece en esta nueva edición una programación de hasta 11 días en la […]

    21/11/2022
  • O FICBUEU continúa co seu compromiso co desenvolvemento sostible

    Durante a 15ª edición do festival e máis aló do evento a organización leva a cabo diferentes iniciativas relacionadas coa Axenda 2030 Cada ano o equipo traballa na mellora destas medidas e na implantación de novidades que supoñan avances cara a consecución dos ODS Un dos compromisos do Festival Internacional de Cinema de Bueu é […]

    14/10/2022
  • As I Xornadas Cinematográficas achegaron ata Bueu as experiencias de diferentes profesionais do sector

    Esta primeira edición estivo centrada no tratamento do tempo no cinema. O Festival Internacional de Cinema de Bueu puxo en marcha na 15ª edición deste 2022 o novo proxecto das Xornadas Cinematográficas, un espazo de reflexión e pensamento sobre a arte do cinema que reuniu en Bueu a varias e varios profesionais do sector (cineastas, […]

    05/10/2022