O FICBUEU programa a súa primeira Noite de festivais en colaboración con outros certames internacionais

FICBUEU

Bueu, 20 de novembro de 2024 – O próximo 30 de novembro terá lugar no Centro Social de Bueu a primeira “Noite de festivais”. Un evento organizado polo FICBUEU baixo o seu programa de colaboracións internacionais no que achegarán ao público catro curtametraxes procedentes doutros catro certames.

As curtametraxes foron propostas polo Edimburgh Short Film Festival (ESSF), o Shortcutz Amsterdam, o Adriatic Film Festival e o Lens Dans de Barcelona e poderán verse no Centro Social do Mar o sábado 30 ás 21:00 nunha única sesión para a que xa están as entradas dispoñibles na tenda online do FICBUEU.

En representación do certame escosés, Edimburgh Short Film Festival (ESSF), proxectarase a curta “Broono” (2024, 21 min). Un filme dirixido por Gerald Lepkowski que conta a inesperada historia de amizade de un rapaz de 11 anos co matón do seu barrio na Glasgow dos anos 70. O Shortcutz Amsterdam propón nesta ocasión a curta inspirada nunha historia real, “Free fall” (2021, 19 min) de Emmanuel Tenenbaum, coa que coñecemos a Tom, un mozo operador nun barco de Londres que co impacto do primeiro avión no World Trade Center decide levar a cabo a operación financieira más importante da súa vida.

Dende Italia chega “Dreaming Boy” de Davide Vigore, curta coming-of-age proposta polo Adriatic Film Festival coa que acompañaremos a Pietro no inicio do seu camiño cara a madurez. O director estará presente na proxección para introducir o seu filme e realizar un encontro posterior co público.

Esta primeira noite de festivais contará tamén coa presenza dunha peza proposta polo festival especializado en videodanza, Lens Dans que ten lugar en Barcelona e Bruxelas. O filme “Soma” (2023, 10 mins) será o que complete a sesión. Dirixido polo colectivo Kwam Collective “Soma” explora o mito contemporáneo sobre a xénese do corpo humano. A medida que se desenvolve a narrativa libre e onírica, distintos personaxes atravesan experiencias corporais viscerais de amor, encantamento, dor e morte.
A actividade forma parte do programa de colaboracións do FICBUEU grazas ao cal levan a cabo diferentes eventos e proxeccións ao longo de todo o ano. Recentemente foi o festival bueuense o que achegou curtas da súa pasada edición a Edimburgo, Italia ou Barcelona, entre outras cidades. A “Noite dos festivais” será unha das últimas colaboracións de 2024, de cara a 2025 o FICBUEU xa ten pechadas varias datas con certames nacionais e internacionais e segue traballando no desenvolvemento deste programa.

Entradas

← Volver

O FICBUEU colabora este mes con diferentes festivais europeos

FICBUEU

Bueu, 4 de novembro de 2024 – O Festival Internacional de Cinema de Bueu (FICBUEU) desenvolve a súa labor de posta en valor da curtametraxe máis aló do evento que cada no se realiza en Bueu.

Logo da 17ª edición do FICBUEU as diferentes actividades programadas para este 2024 seguen en marcha coincidindo este mes varias das súas colaboracións nacionais e internacionais.

Así, a pasado fin de semana o certame bueuense levu ata Edimburgo as curtas “Habitar” de Anxos Fazáns e “Frialdad” de Andrea Sánchez. Ambas curtas estiveron presentes na Sección Oficial do FICBUEU 2024, levando “Habitar” o premio á mellor curtametraxe galega deste ano. A súa presenza na cidade escocesa foi fruto da colaboración do FICBUEU co Edinburgh Short Film Festival (ESFF) que convidou un ano máis á organización de varios festivais europeos a formar parte da seu programa no European Film Festivals Showcase. Outros dos festivais presentes neste evento foron o Adriatic Film Festival, festival italiano que se celebra cada ano en Francavilla al mare (Chieti), o Shortcutz Amsterdam que forma parte da rede Shortcutz que desenvolve eventos en numerosas cidades e o Budapest Short film Festival, un certame con xa 20 anos de traxectoria.

A seguinte cita das colaboracións do FICBUEU terá lugar en Barcelona o día 8 de novembro. Nesta ocasión, convidado polo Lens Dans Festival, o FICBUEU proxectará a curta “A Room with a View”, creada polo colectivo (LA) Horde en colaboración co Ballet National de Marseille e o músico Rone. Esta obra, que se proxectou na Sección Descubertas do FICBUEU 2021, formará parte do peche deste festival dedicado exclusivamente á videodanza.

Con todo, estas non serán as últimas colaboración do FICBUEU no 2024 xa que a finais de novembro a organización celebrá en Bueu un encontro no que o público poderá gozar de diferentes filmes propostos por outros certames.