ACTO INAUGURAL. ESTREAS ASOCIACIÓN FICBUEU
VENRES 6 ÁS 20H . AUDITORIONo acto inaugural da 17ª edición do FICBUEU estrearemos a curta Millonetis, realizada en colaboración coa Fundación Igualarte no marco dos obradoiros da Área Social FICBUEU. Na curta o alumnado fai unha crítica aos desafiuzamentos, un dos males da sociedade actual. Ademais, estrearemos a curta documental A Roiba. Un refuxio en Beluso, dirixida por Jaime Olmedo na que poderemos descubrir as peculiaridades da obra do arquitecto Ramón Vázquez Molezún en Bueu.
A Asociación Cunchas e Flores engalanará a entrada ao Auditorio elaborando unha alfombra floral cunha temática inspirada nesta edición.