APERTURA E PROXECCIÓN DE LA JETÉE DE CHRIS MARKER

Manuel Pena presentará a programación da 19ª edición do FICBUEU, nun pequeno acto de apertura que estará acompañado da proxección do clásico La Jetée. Nesta obra converxen algúns dos piares fundamentais desta edición: a curtametraxe como formato de vangarda, o cinema que explora os seus límites e a experimentación no xénero da Ciencia Ficción. 

O filme, que se integra dentro da Sección Retrospectiva, sitúase tras unha apocalíptica guerra nuclear que deixou o mundo devastado. Un grupo de científicos do bando vencedor chega á conclusión de que o único modo de salvar á humanidade é recorrendo ás viaxes a través do tempo: ou mandando a unha persoa ao pasado para pedir axuda, ou ao futuro para buscar unha solución á situación presente.