CANLE FICBUEU

Continuando coa iniciativa da edición pasada, o FICBUEU2023 retransmitirá a través de Twitch algúns dos contidos para público xeral e outros dirixidos a profesionais. Poderase acceder en streaming a toda a programación das II Xornadas Cinematográficas agás ás proxeccións, o que inclúe a clase maxistral, a conversa, a mesa redonda en liña e o encontro, así como os coloquios con cineastas, a presentación do Caderno FICBUEU #4, a entrega de premios e a Gala Escolas Galegas.
Ademais, haberá un contido deseñado especificamente para a web, tanto en formato de entrevistas para redes sociais como en streaming, nas que participarán convidadas e convidados do festival.