COLOQUIOS CON CINEASTAS
DO DOMINGO 10 AO SÁBADO 16 ÁS 21:00 H / PUNTO DE ENCONTROCada día, tras a sesión das 19:30 H, haberá un coloquio coas directoras e directores das curtametraxes proxectadas. Os encontros comezarán o domingo 10 coas creadoras e creadores da Sección GZ_00, e continuarán o resto da semana coas e cos cineastas dos filmes participantes na Sección Oficial.
Durante os coloquios, directores e directoras falarán sobre as súas obras e procesos creativos. Os asistentes poderán presentar as súas propias cuestións ou dúbidas sobre as curtametraxes, co fin de poder afondar na súa creación e establecer un diálogo entre público e cineastas.
