CONCERTO. CHUS PAZOS ENSEMBLE

A agrupación musical Chus Pazos Ensemble será a encargada de inaugurar a 19ª edición do FICBUEU. Chus Pazos é un dos baterías de referencia da escena do jazz galego, cunha traxectoria de máis de vinte anos sobre os escenarios. No FICBUEU presenta un concerto en formato trío xunto a dous acompañantes de luxo: Álex Touceda ao contrabaixo e Dani Font á guitarra. O repertorio combinará composicións orixinais con grandes estándares do jazz americano, nunha proposta que transita entre a tradición e a creación contemporánea.