CONCERTO. SR. CHINARRO

A primeira xornada do FICBUEU contará cunha actuación musical a cargo de Sr. Chinarro, que ofrecerá un concerto nas inmediacións do Centro Social do Mar co que dará o pistoletazo de saída ao FICBUEU e á xira de presentación do seu novo disco Cal Viva.

Sr. Chinarro é crítico e mordaz, a súa carreira está avalada por máis de 18 discos que lle reservan un lugar de honra na historia do pop español, como letrista influínte no panorama nacional dando sempre moito que ler, escoitar e pensar. Portavoz da súa xeración desde o seu primeiro disco ata o último, Sr. Chinarro sempre estimula, divirte e emociona.