

CONVERSA: A ESTÉTICA DO CINE SENSIBLE, O REALISMO E A COTIANDADE NO CINE. ANDREA MORÁN E DANIELA URZOLA
SÁBADO 9 ÁS 12:30 H / SALA MULTIUSOSEncontro en que estas dúas profesionais abordarán a cotiandade no cinema a través da obra de distintas autoras e autores. Seleccionando creadoras e creadores referentes no cine sensible, explorarán como se manifestan estes temas e aspectos nas súas obras audiovisuais.
Andrea Morán, crítica de cinema e xornalista, participa no consello de redacción de Caimán Cuadernos de Cine, colabora en programas como Historia de Nuestro Cine e dirixe o podcast La Mirada Encendida. Dirixiu as curtametraxes Espina. Historia de un regalo fallido, Norah e Yo siempre puedo dormir pero hoy no puedo.
Daniela Urzola está graduada en Historia da Arte, Dereito e cursou o Mestrado de Crítica Cinematográfica na ECAM. É investigadora, docente e colaboradora da revista Caimán Cuadernos de Cine. Actualmente, forma parte do Consello de Redacción da Revista Mutaciones e do equipo de programación de Filmadrid.