CONVERSA. TRAUMA E RECONSTRUCCIÓN. BELIT LAGO E DANIELA URZOLA

Encontro en forma de conversa no que estas dúas profesionais se achegarán ao trauma e á memoria tras o Holocausto e a Segunda Guerra Mundial, o acontecemento histórico e político máis representado no cinema. Belit Lago e Daniela Urzola farán un percorrido por diferentes cinematografías que deron lugar a grandes filmes marcados pola radical desolación e o esforzo de reconstrución desde o período de posguerra.

Belit Lago é crítica de cinema e programadora do Most, Festival Internacional de Cine del Vino. Graduada en Lingua e Literatura Españolas pola Universidade de Girona, cursou estudos de Crítica e Historia do Cine na Casa do Cine e na ECIB, Escuela de cine e animación de Barcelona. Tamén forma parte do proxecto Contrazines Feministes, un club de lectura creativo onde se recuperan textos de teóricas do cine con perspectiva de xénero.

Daniela Urzola é crítica de cinema, programadora e investigadora. Redactora da revista Caimán Cuadernos de Cine. Cursou o mestrado de Crítica Cinematográfica na ECAM e actualmente forma parte do equipo docente. É integrante do Consello de Redacción da Revista Mutaciones e do equipo de programación de Filmadrid.