CRÍTICAS CINEMATOGRÁFICAS
DO LUNS 9 AO SÁBADO 14A revista dixital A Cuarta Parede fará unha análise crítica sobre cada unha das sesións que conforman a Sección Oficial. Coa finalidade de fomentar a reflexión sobre os filmes proxectados, esta información estará a disposición do noso público durante a semana de proxeccións. No FICBUEU 2024 esta publicación estará a cargo do colaborador habitual da revista, Xavier Montoriol.
Nacida ao carón do Novo Cinema Galego, A Cuarta Parede inicia a súa andadura no ano 2011 para encher o oco no panorama da crítica cinematográfica galega en liña. Converteuse decontado nun dos principais espazos de difusión e reflexión, un lugar para falar do cinema mundial independente e de autor.
