ENCONTRO CON ANXOS FAZÁNS

Anxos Fazáns, gañadora do premio á Mellor Curtametraxe Galega no FICBUEU 2024 por Habitar, achegaranos ao proceso creativo do seu novo filme, As liñas discontinuas, que se poderá ver proximamente nas salas de cinema.

As liñas discontinuas é unha historia sobre a conexión humana e a amizade. Bea é unha muller de 50 anos que se está separando do seu marido. O día en que ten que abandonar o fogar no que viviu os últimos vinte anos, chega á súa casa e atopa todo patas arriba e a un dos ladróns durmido na súa cama. Denís é un mozo de 28 anos que, a pesar de ter estudado unha carreira, loita coa precariedade laboral e a falta de oportunidades. Logo de pasar tres días xuntos, cada un deberá continuar o seu camiño. Cando retoman as súas vidas, xa non son os mesmos.