ENCONTRO. JAIME ROSALES

Nesta conversa entre o cineasta Jaime Rosales e o crítico cinematográfico Yago Paris faremos un percorrido a través da obra dun dos cineastas españois máis relevantes das últimas décadas ao tempo que analizaremos a crise actual das sociedades capitalistas e como esta tivo o seu reflexo no cinema dos últimos 25 anos.

Jaime Rosales estudou unha licenciatura e un mestrado en Ciencias Empresariais pola ESADE e cinema na Escola Internacional de Cine e Televisión de San Antonio de los Baños. Os seus filmes, reflicten o gran interese do director por encontrar novas formas expresivas afastadas das convencións habituais da linguaxe cinematográfica. Recibiu numerosos recoñecementos á súa obra cinematográfica como o Premio da Crítica do Festival de Cannes, o Goya á Mellor Película e ao Mellor Director, o Premio da Crítica do Festival de San Sebastián e o Premio do Xurado Ecuménico do Festival de Cannes. No ano 2018 publicou El lápiz y la cámara, un libro que reflexiona sobre o cinema e a creación artística. Actualmente, a súa última longametraxe Morlaix, rodada en Francia, está en post-produción.