ESTREA ÁREA SOCIAL

A primeira xornada do Festival Internacional de Cinema de Bueu arrincará coa estrea da curtametraxe realizada na Área Social FICBUEU no curso 2022/2023. Dando comezo á programación da décimo sexta edición, o acto empezará ás 19:00 H cun concerto da man do grupo de rock Chungo Pastel. Nos exteriores do Centro Social do Mar poderemos escoitar tanto versións como cancións propias desta banda viguesa.
Ás 20.30 H o acto continuará no interior do Centro Social do Mar, onde se presentará a curta realizada no obradoiro ao longo do curso, en colaboración coa entidade ITA Berducido. O filme ten por título A tía Ni e o seu mercado, e contaremos durante a estrea coa presenza das súas creadoras e creadores.