GALA ESCOLAS GALEGAS

As curtametraxes realizadas nos centros de ensino serán as protagonistas desta cerimonia onde se proxectarán as obras finalistas da Sección centros de ensino e se entregarán os  galardóns ás obras gañadoras das Categorías Educación Especial, Infantil e Primaria e Educación Secundaria.

A gala, que conta co apoio da editorial Kalandraka, estará conducida pola escritora e editora Olalla González, acompañada polo artista plástico Marc Taeger, quen realizará debuxo e animación ao vivo.

O acto contará con música en directo a cargo de Martín, Carmen e Juan Sánchez Paz.