LUDOTECA FICBUEU

Nesta 17ª edición do festival, continuando coa proposta iniciada na pasada edición e o noso compromiso coa igualdade e a conciliación familiar, o FICBUEU volverá a contar coa súa propia ludoteca. A conciliación familiar é un tema recorrente no tocante ao laboral, pero é moitas veces esquecida cando se trata de ocio e cultura. Por esta razón prestaremos un servizo de Ludoteca para facilitar a asistencia a nais e pais ás proxeccións e actividades.

A Ludoteca FICBUEU, ubicada no primeiro andar do Centro Social do Mar, será un espazo de encontro destinado ás crianzas de entre tres e doce anos, onde a rapazada poderá realizar distintas propostas de actividades relacionadas co cinema ao tempo que desenvolven as súas habilidades sociais nun entorno lúdico. Co fin de que as familias, nais, pais, titoras ou titores poidan desfrutar da programación do festival, a Ludoteca estará dispoñible entre o luns 9 e o sábado 14, posibilitando a asistencia a todas as sesións da Sección Oficial.

Horarios:

Do luns 9 ao venres 13: de 18:30 a 21:30.

Sábado 14: de 16:30 a 21:30.