MESA EN LIÑA. ARTE E PROPAGANDA. O CINEMA DE ENTREGUERRAS

Parte do equipo de La escóbula de la Brújula, un dos podcasts máis relevantes centrados en historia e cultura, abordará o período de entreguerras nesta mesa redonda. Durante este período, o cine foi utilizado tanto como ferramenta de propaganda e dominación, así como medio de crítica política e liberdade creativa.

As e os participantes ofrecerán unha visión xeral centrada na Revolución Rusa e no cine soviético ,entre a vangarda e a propaganda; no Expresionismo Alemán e no totalitarismo nazi; e en como a Gran Depresión (1929-1939), a peor recesión económica no mundo industrializado, se reflectiu no cine global.

Esta mesa en liña poderase seguir a través da retransmisión en directo nas redes do festival, así como na Sala Multiusos onde será proxectada.