PRESENTACIÓN CADERNO FICBUEU #5. JONAS MEKAS

O Caderno FICBUEU #5 está elaborado pola investigadora, docente e fotógrafa musical Nieves Febrer e abordará a figura do destacado cineasta Jonas Mekas, a quen se lle dedica a Sección Retrospectiva. O cineasta foi unha figura clave na escena artística e cinematográfica de Nova York, especialmente durante as décadas de 1950 e 1960, e é unha das figuras máis célebres do cinema independente.

Nieves Febrer presentará o Caderno FICBUEU #5 facendo un percorrido pola traxectoria de Jonas Mekas, centrándose nas curtametraxes proxectadas na Sección Retrospectiva. O acto contará coa representación da Secretaría Xeral de Política Lingüística que apoia un ano máis a publicación do Caderno FICBUEU.