Please ensure Javascript is enabled for purposes of website accessibility Nerea Lores, autor en FICBUEU • Páxina 2 de 6

Xa dispoñibles todos os coloquios con cineastas do FICBUEU 2023

← Volver

Xa dispoñibles todos os coloquios con cineastas do FICBUEU 2023

FICBUEU

Os encontros con cineastas que tiveron lugar logo das sesións de proxección da 16ª edición ponden visualizarse durante todo o ano na Canle FICBUEU de YouTube

Coloquio Sección GZ_00

Primeiro coloquio da programación coas directoras e directores Miguel Canalejo, Santi Teijelo, Nacho Ozores, Marta Valverde e Laura e Coral Piñeiro e conducido polo co-director do certame, Manuel Pena. A curta 30’ 70 60’ 120, da directora viguesa Marta Valverde, fíxose co galardón na primeira desta sección, sobre a que o xurado afirmou que se trata dunha «peza arriscada que mestura xéneros e estilos saíndo estupendamente ben parada»

Coloquio Sección Oficial 1

Coa actriz Hannah Van Lunteren, do filme Ma mère et moi. A película Ma mére et moi, da realizadora holandesa Emma Branderhorst, mereceu o Segundo Premio FICBUEU 2023 por «captar de forma sutil e delicada ese momento decisivo co que todo o mundo se identifica, cando un fillo ten que crecer e unha nai ten que deixalo ir». Esa é a historia, a da moza Kees e a súa nai Lois, que reflicte esta curta. Emma Branderhorst, quen o ano pasado levou o Premio do Público con Spotless, filme no que visibiliza a pobreza menstrual, non puido recoller en persoa o galardón do Festival pero si o fixo a guionista do filme, Nena van Driel.

Coloquio Sección Oficial 2

Coa directora Tonia Mishaili, do filme Daphne e María G. Royo, produtora do filme Aqueronte.

Coloquio Sección Oficial 3

Coa directora Hanna Hovitie, do filme Ympyrän Neliömisestä; Felix Brixel, director de Ulises e Nena Van Driel, guionista do filme Magma.

Ulises, obra de Félix Brixel, realizador de Rianxo, acadou o premio á mellor curtametraxe galega pola súa «historia enigmática e intrigante sobre o amor fraternal» e polos «impactantes efectos visuais» que a complementan.

Coloquio Sección Oficial 4

Coa actriz Channel Victor, do filme Anansi e Andrea-Zapata Girau, directora do filme Ruovesi.

Coloquio Sección Oficial 5

Co director Ángel Santos, do filme Alicia fai cousas, a curtametraxe galega presente nesta sesión de proxección.

Coloquio Sección Oficial 6

Co director David Fidalgo, do filme Sandwich cat. Unha curta de animación na que o propio director recibe unha inesperada visita que o conducirá a unha reflexión crucial para a humanidade.

  • As proxeccións, os coloquios, as actividades infantís e toda a programación do FICBUEU regresan do 6 ao 21 de setembro

    O Festival Internacional de Cinema de Bueu presenta a imaxe da súa nova edición 09.07.24. BUEU. O Festival Internacional de Cinema de Bueu, o FICBUEU, celebrarase este ano entre o 6 e o 21 de setembro. O certame buenense, que cada ano presenta unha coidada selección de curtametraxes de cinema de autora e autor realizadas […]

    Martes, 9 de Xullo de 2024
  • Curtas por unha Palestina libre

    BUEU. 29.05.2024. Unha das curtametraxes conta a vida de Layla, unha nena que dende o campo de refuxiados no que vive no estranxeiro imaxina a súa Palestina natal. Noutra das curtas, a anciá Oum Amin volve percorrer, de forma virtual, a cidade de Haifa, en Gaza, na que nacera e medrara antes da ocupación israelí. […]

    Xoves, 30 de Maio de 2024
  • A SEGUNDA RESIDENCIA FICBUEU ESTARÁ TITORIZADA POLA CINEASTA ESTIBALIZ URRESOLA

    Carmen Ávalos, Tábata Cerezo, Lucía Delgado e Beli Martínez completan o equipo de formación Bueu 06/05/2024 — A II edición da Residencia FICBUEU, que terá lugar durante o mes de outubro, anuncia hoxe o equipo de profesionais que acompañarán ás e aos residentes durante a súa estancia na Illa de Ons. O programa formativo, dedicado […]

    Luns, 6 de Maio de 2024
← Volver

Aberto o prazo para unirse ao equipo de voluntariado do FICBUEU 2023

FICBUEU

O Festival Internacional de Cinema de Bueu volve ofertar diversas prazas de voluntariado para as persoas que desexen apoiar a organización e desenvolvemento da 16ª edición do festival.


As e os voluntarios terán a oportunidade de cooperar cun equipo profesional e vivir o evento desde dentro, aprendendo da experiencia nunha interesante contorna de traballo. As persoas voluntarias poderán participar en variadas tarefas técnicas e loxísticas, sempre baixo supervisión, estarán aseguradas e contarán cun certificado final pola súa colaboración.

O prazo para cubrir o formulario permanecerá aberto ata o 31 de agosto.

Máis información en mariarfalco@ficbueu.com

  • As proxeccións, os coloquios, as actividades infantís e toda a programación do FICBUEU regresan do 6 ao 21 de setembro

    O Festival Internacional de Cinema de Bueu presenta a imaxe da súa nova edición 09.07.24. BUEU. O Festival Internacional de Cinema de Bueu, o FICBUEU, celebrarase este ano entre o 6 e o 21 de setembro. O certame buenense, que cada ano presenta unha coidada selección de curtametraxes de cinema de autora e autor realizadas […]

    Martes, 9 de Xullo de 2024
  • Curtas por unha Palestina libre

    BUEU. 29.05.2024. Unha das curtametraxes conta a vida de Layla, unha nena que dende o campo de refuxiados no que vive no estranxeiro imaxina a súa Palestina natal. Noutra das curtas, a anciá Oum Amin volve percorrer, de forma virtual, a cidade de Haifa, en Gaza, na que nacera e medrara antes da ocupación israelí. […]

    Xoves, 30 de Maio de 2024
  • A SEGUNDA RESIDENCIA FICBUEU ESTARÁ TITORIZADA POLA CINEASTA ESTIBALIZ URRESOLA

    Carmen Ávalos, Tábata Cerezo, Lucía Delgado e Beli Martínez completan o equipo de formación Bueu 06/05/2024 — A II edición da Residencia FICBUEU, que terá lugar durante o mes de outubro, anuncia hoxe o equipo de profesionais que acompañarán ás e aos residentes durante a súa estancia na Illa de Ons. O programa formativo, dedicado […]

    Luns, 6 de Maio de 2024
← Volver

As usuarias e usuarios do ITA BERDUCIDO realizan unha curta documental co apoio do equipo do FICBUEU

FICBUEU

O grupo leva traballando no filme dende marzo a través dos obradoiros de cinema da Área Social FICBUEU.

En 2016 o certame bueuense leva a cabo a creación da Área Social FICBUEU, a través da cal dirixe o seu traballo cara colectivos desfavorecidos ou en risco de exclusión, empregando o cinema como ferramenta terapéutica, educativa, visibilizadora e integradora. Unha liña que leva xa oito anos en funcionamento, grazas á cal foron desenvolvidos obradoiros e sesións de proxección con numerosas institucións como Centro Príncipe Felipe, Fundación secretariado xitano de Vigo, ADICAM (Asociación de diagnosticadas e diagnosticados de Cáncer de Mama de Cangas), Xuntos Asociación Síndrome de Down de Pontevedra ou a Asociación Con Eles de Vilagarcía.

O ano pasado foron os colectivos de Érguete Vigo e do centro Juan XXIII de Cangas os beneficiarios da actividade, resultando por unha banda na curtametraxe titulada “Sabía que vendrías”, da que formaron parte as actrices Arantxa Treus e Rocío Romero; e por outra unha peza de ciencia ficción e comedia chamada “A fin da osíxeno”, na que participaron as actrices Mónica Caamaño, Anabel Budiño e Sé Rial, o actor Lois Soaxe e Peter Punk Paiaso como personaxe principal.

Este 2023 o equipo do FICBUEU desenvolveu durante dous meses un novo obradoiro de creación de curtametraxe en colaboración co ITA Berducido e grazas á financiación de Obra Social La Caixa e Simei Global Consulting. Nesta ocasión, as e os participantes escolleron realizar un filme de corte documental sobre Nieves Loperena, veciña de Gaxate (A Lama) e coñecida popularmente coma “Tía Ni”. 

Nieves creou en 2008 o Mercado da Tía Ni, unha librería e tenda de antigüidades que funciona tamén coma un espazo cultural e punto de encontro no que organiza diferentes actividades entre as que atopamos charlas, concertos ou rastros. A localización do Mercado da Tía Ni trátase dunha antiga escola unitaria, construída no Castro de Gaxate e rodeada dun espazo de bosque autóctono que, nos meses de verán, conta con hamacas e lugares para ler ao aire libre e facer proxeccións nocturnas.

Ita Verducido Área Social FICBUEU

Preto desta localización atópase o ITA Berducido, onde residen as e os participantes neste obradoiro de curtametraxe, un centro que ofrece un programa residencial terapéutico para adolescentes con problemáticas condutuais diversas. Durante estes meses, seis usuarias e usuarios do centro aprenderon a través das diferentes sesións do obradoiro todo o relacionado co proceso de creación dunha peza audiovisual, partindo da idea inicial e do guión, pasando pola preparación e preprodución, e finalizando na rodaxe e posterior montaxe do filme. Todo este traballo detrás das cámaras foi elaborado polas e polos integrantes do grupo, contando co apoio do persoal do ITA Berducido e de tres profesionais do equipo do FICBUEU.

O resultado final, aínda en proceso de montaxe e posprodución, estrearase durante a xornada inaugural da 16ª edición do Festival Internacional de Cinema de Bueu, que terá lugar o 9 de setembro. Un acto no que estarán presentes tanto as creadoras e creadores do documental como a protagonista e o equipo docente.

Posteriormente, a obra poderá verse na canle de YouTube do FICBUEU, onde se atopan as pezas realizadas nos obradoiros dos últimos anos así coma outros materiais relacionados co certame e as súas actividades.

  • As proxeccións, os coloquios, as actividades infantís e toda a programación do FICBUEU regresan do 6 ao 21 de setembro

    O Festival Internacional de Cinema de Bueu presenta a imaxe da súa nova edición 09.07.24. BUEU. O Festival Internacional de Cinema de Bueu, o FICBUEU, celebrarase este ano entre o 6 e o 21 de setembro. O certame buenense, que cada ano presenta unha coidada selección de curtametraxes de cinema de autora e autor realizadas […]

    Martes, 9 de Xullo de 2024
  • Curtas por unha Palestina libre

    BUEU. 29.05.2024. Unha das curtametraxes conta a vida de Layla, unha nena que dende o campo de refuxiados no que vive no estranxeiro imaxina a súa Palestina natal. Noutra das curtas, a anciá Oum Amin volve percorrer, de forma virtual, a cidade de Haifa, en Gaza, na que nacera e medrara antes da ocupación israelí. […]

    Xoves, 30 de Maio de 2024
  • A SEGUNDA RESIDENCIA FICBUEU ESTARÁ TITORIZADA POLA CINEASTA ESTIBALIZ URRESOLA

    Carmen Ávalos, Tábata Cerezo, Lucía Delgado e Beli Martínez completan o equipo de formación Bueu 06/05/2024 — A II edición da Residencia FICBUEU, que terá lugar durante o mes de outubro, anuncia hoxe o equipo de profesionais que acompañarán ás e aos residentes durante a súa estancia na Illa de Ons. O programa formativo, dedicado […]

    Luns, 6 de Maio de 2024
← Volver

O Festival Internacional de Cinema de Bueu programa no MARCO de Vigo un foco sobre o colectivo (LA)HORDE

FICBUEU

O xoves 22 de xuño o FICBUEU proxectará de balde unha sesión no MARCO de Vigo, centrada no colectivo francés (LA)HORDE. Entrada libre ata completar o espazo.

Bueu, 7 de xuño de 2023 — O FICBUEU realizará este mes de xuño unha actividade na que propoñen unha sesión de proxección única en colaboración co MARCO, Museo de Arte Contemporánea de Vigo. A iniciativa contribúe á difusión das curtametraxes de (LA)HORDE, colectivo artístico fundado en 2013 por Marine Brutti, Jonathan Debrouwer e Arthur Harel. 

Ao fronte do Ballet National de Marseille dende setembro de 2019, este colectivo crea obras coreográficas, filmes, videoinstalacións e performances, sendo o corpo en movemento como eixo central do seu traballo. A partir da interacción e a xustaposición de diferentes medios, desenvolven escenarios e accións que retoman temas e cuestións radicalmente contemporáneas.

A sesión, cunha duración aproximada de 45 minutos, comezará ás 19:00h no Salón de Actos do MARCO de Vigo, cunha presentación previa a cargo do equipo do FICBUEU na que se fará unha introdución á traxectoria e obras do colectivo.

GHOSTS: curtametraxe de (LA) HORDE co Ballet National de Marseille con banda sonora de Rone e guión de Spike Jonze, rodada no Palacio Longchamp de Marsella. Cando o Museo de Belas Artes pecha, as figuras se apoderan do lugar deserto, se abrazan e se esgazan, coma se quixesen recuperar o seu corpo… ata que se topan co garda nocturno.

A ROOM WITH A VIEW: neste vídeo musical, (LA)HORDE segue explorando maneiras de protestar e rebelarse a través da danza. O vídeo e a captura de movemento permiten representar o inimaxinable, para cuestionar con máis violencia e estrañeza as relacións físicas co grupo a través dos posibles colapsos.

CULTES: este filme captura un momento concreto da manifestación dunha adoración que se traduce nas prácticas ritualizadas, os comportamentos, o éxtase colectivo e o consumo de masas. É o corpo, a súa excitación e a celebración, o baluarte para este consumo masivo? Pode este estado transcender o espazo acrítico no que se desenvolve? 

NOVACÈRIES: combinación de cine, actuación e vídeo caseiro que transcende os filmes de danza e presenta un retrato coreografado e metafísico do mundo post-industrial reinterpretando a danza post-internet.

A elección de (LA)HORDE como protagonista para o FOCO FICBUEU débese tanto á calidade do seu traballo coma á habitual presenza das súas curtametraxes na Sección Descubertas nas últimas edicións do certame. Neste setembro de 2023, o FICBUEU celebrará a súa 16ª edición do 9 ao 23 de setembro, achegando novamente á contorna toda unha serie de proxeccións e actividades relacionadas co cinema internacional.

  • As proxeccións, os coloquios, as actividades infantís e toda a programación do FICBUEU regresan do 6 ao 21 de setembro

    O Festival Internacional de Cinema de Bueu presenta a imaxe da súa nova edición 09.07.24. BUEU. O Festival Internacional de Cinema de Bueu, o FICBUEU, celebrarase este ano entre o 6 e o 21 de setembro. O certame buenense, que cada ano presenta unha coidada selección de curtametraxes de cinema de autora e autor realizadas […]

    Martes, 9 de Xullo de 2024
  • Curtas por unha Palestina libre

    BUEU. 29.05.2024. Unha das curtametraxes conta a vida de Layla, unha nena que dende o campo de refuxiados no que vive no estranxeiro imaxina a súa Palestina natal. Noutra das curtas, a anciá Oum Amin volve percorrer, de forma virtual, a cidade de Haifa, en Gaza, na que nacera e medrara antes da ocupación israelí. […]

    Xoves, 30 de Maio de 2024
  • A SEGUNDA RESIDENCIA FICBUEU ESTARÁ TITORIZADA POLA CINEASTA ESTIBALIZ URRESOLA

    Carmen Ávalos, Tábata Cerezo, Lucía Delgado e Beli Martínez completan o equipo de formación Bueu 06/05/2024 — A II edición da Residencia FICBUEU, que terá lugar durante o mes de outubro, anuncia hoxe o equipo de profesionais que acompañarán ás e aos residentes durante a súa estancia na Illa de Ons. O programa formativo, dedicado […]

    Luns, 6 de Maio de 2024
← Volver

O Festival Internacional de Cinema de Bueu presenta a primeira edición da Residencia FICBUEU

FICBUEU

A Residencia FICBUEU establécese coma un novo espazo de creación e formación que terá lugar no mes de outubro na Illa de Ons

Bueu, 22 de maio de 2023 — O FICBUEU anunciou hoxe a primeira edición da súa nova iniciativa, unha residencia para cineastas que terá lugar entre o 9 e o 15 de outubro na Illa de Ons. Trátase dun programa formativo dedicado ao tratamento integral de curtametraxes na súa etapa de desenvolvemento, no que diferentes profesionais de prestixio acompañarán e titorizarán persoalmente cada proxecto.

Como destacou a organización, trátase dun programa que “vén dado pola nova etapa que comezou co 15 aniversario do festival. Unha etapa na a que a organización ten como obxectivo ampliar a súa labor de posta en valor da curtametraxe e o cinema máis aló das datas do certame”.

A edición inaugural da residencia FICBUEU estará titorizada pola recoñecida guionista Isabel Peña, Licenciada en Comunicación Audiovisual pola Universidade de Navarra e na especialidade de Guión pola ESCAC. Recibiu o Goya 2019 e o Premio Feroz 2019 polo guión da película El reino (2018), así como o Goya 2023 e a Medalla del Círculo de Escritores Cinematográficos 2023 pola longametraxe As bestas (2022). É tamén coguionista das películas Stockholm (2013) e Que Dios nos perdone (2016), coa que gañou o Premio do Xurado ao mellor guión no Festival de San Sebastián. 

Ao longo dunha semana, Peña levará a cabo sesións individuais con cada unha das autoras e autores para a revisión das obras e o seu avance, ademais de encontros grupais nos que se fomentarán a sinerxías e o traballo colaborativo. 

Ademais das titorías e espazos de intercambio grupal, a residencia ofrecerá ás e aos residentes diferentes formacións específicas en materias como a perspectiva de xénero na escritura de guións (impartida por Carmen Ávalos ) os efectos visuais dende a orixe do proxecto ( con Pablo Lamosa de Cormorán VFX) ou os novos modelos de distribución (impartida por Elena Neira). Deste xeito, as e os residentes poderán ampliar os seus coñecementos sobre diferentes aspectos e fases intrínsecas ao completo desenvolvemento do proxecto.

Como última fase do proxecto da I RESIDENCIA FICBUEU, a organización seleccionará un dos guións participantes para o seu desenvolvemento, que se levará a cabo a través dun acordo de colaboración cunha productora galega.

Esta primeira edición da residencia FICBUEU conta co financiamento da Xunta de Galicia, a través da Secretaría Xeral de Igualdade e da Axencia Galega das Industrias Culturais.

No acto, que tivo lugar nun dos barcos de Nabia que levará ás e aos residentes á Illa de Ons en outubro, o director de AGADIC, Jacobo Sutil destacou  “o bo momento que está a vivir o audiovisual galego” e a “relevancia de iniciativas como a Residencia FICBUEU que apoien o formato curtametraxe dende a fase desenvolvemento” mentres que a secretaria Xeral de Igualdade, Susana López, puxo en valor “o labor da organización no seu compromiso coa igualdade” así como “o traballo conxunto coa AGADIC no fomento da creación con perspectiva de xénero”.

O período de recepción de propostas xa está aberto e estenderase ata 15 de xuño. Un xurado profesional será o encargado de avaliar cada unha das propostas, que se farán públicas durante a 16ª edición do FICBUEU en setembro.

Toda a información e documentación sobre a convocatoria está dispoñible aquí: www.ficbueu.com/residencia

A I Residencia FICBUEU conta coa subvención do Ministerio de Cultura y Deporte e o patrocinio Xunta de Galicia a través da Consellería de Promoción do Emprego e Igualdade e a Consellería de Cultura, Educación, Formación Profesional e Universidades.

  • As proxeccións, os coloquios, as actividades infantís e toda a programación do FICBUEU regresan do 6 ao 21 de setembro

    O Festival Internacional de Cinema de Bueu presenta a imaxe da súa nova edición 09.07.24. BUEU. O Festival Internacional de Cinema de Bueu, o FICBUEU, celebrarase este ano entre o 6 e o 21 de setembro. O certame buenense, que cada ano presenta unha coidada selección de curtametraxes de cinema de autora e autor realizadas […]

    Martes, 9 de Xullo de 2024
  • Curtas por unha Palestina libre

    BUEU. 29.05.2024. Unha das curtametraxes conta a vida de Layla, unha nena que dende o campo de refuxiados no que vive no estranxeiro imaxina a súa Palestina natal. Noutra das curtas, a anciá Oum Amin volve percorrer, de forma virtual, a cidade de Haifa, en Gaza, na que nacera e medrara antes da ocupación israelí. […]

    Xoves, 30 de Maio de 2024
  • A SEGUNDA RESIDENCIA FICBUEU ESTARÁ TITORIZADA POLA CINEASTA ESTIBALIZ URRESOLA

    Carmen Ávalos, Tábata Cerezo, Lucía Delgado e Beli Martínez completan o equipo de formación Bueu 06/05/2024 — A II edición da Residencia FICBUEU, que terá lugar durante o mes de outubro, anuncia hoxe o equipo de profesionais que acompañarán ás e aos residentes durante a súa estancia na Illa de Ons. O programa formativo, dedicado […]

    Luns, 6 de Maio de 2024
← Volver

Aberta a convocatoria de participación para os centros de ensino 

FICBUEU

A Sección Escolas do FICBUEU conta con tres categorías para diferentes niveis educativos

Bueu, 28 de abril de 2023 — O FICBUEU anunciou esta semana a apertura da convocatoria da súa sección escolas para a 16ª edición do festival. Tratase dunha sección que dende hai varios anos configura un espazo dentro do certame adicado ao traballo audiovisual que se está a realizar nos centros de ensino e nas facultades e escolas de cinema. 

A Sección Escolas conta con tres categorías competitivas: Educación Especial, Infantil e Primaria e Educación Secundaria (ambas para os centros galegos) e Facultades e Escolas de Cinema (aberta tanto a institucións internacionais como de toda Galicia).

As bases da convocatoria e o formulario de inscrición das curtametraxes poden atoparse na páxina www.ficbueu.com/informacion que permanecerá dispoñible ata o 15 de xuño, día no que pecha a participación. 

Poderán inscribirse todas as obras audiovisuais realizadas durante os cursos escolares 2021/2022 e 2022/2023 que non teñan participado no certame en pasadas edicións e pertenzan a calquera centro de ensino, facultade ou escola de formación audiovisual con sede na comunidade galega, coa excepción das escolas de cinema internacionais.

As obras seleccionadas para conformar a Sección Escolas FICBUEU 2023, serán anunciadas o 1 de agosto de 2023 e poderán optar a un dos catro premios da sección: Mellor Curtametraxe de Educación Primaria: Trofeo e material audiovisual por valor de 150€, Mellor Curtametraxe de Educación Secundaria: Trofeo e material audiovisual por valor de 150€, Mellor Curtametraxe de Escolas Intenacionais, e Mellor Curtametraxe de Escolas de Imaxe e Son e Facultades Galegas: Trofeo + Formación audiovisual por valor de 250€.

As curtas gañadoras coñeceranse durante Gala Escolas Galegas FICBUEU 2023 que terá lugar en setembro durante a semana do MiniFIC en colaboración con Kalandraka e a Fundación Novas.

  • As proxeccións, os coloquios, as actividades infantís e toda a programación do FICBUEU regresan do 6 ao 21 de setembro

    O Festival Internacional de Cinema de Bueu presenta a imaxe da súa nova edición 09.07.24. BUEU. O Festival Internacional de Cinema de Bueu, o FICBUEU, celebrarase este ano entre o 6 e o 21 de setembro. O certame buenense, que cada ano presenta unha coidada selección de curtametraxes de cinema de autora e autor realizadas […]

    Martes, 9 de Xullo de 2024
  • Curtas por unha Palestina libre

    BUEU. 29.05.2024. Unha das curtametraxes conta a vida de Layla, unha nena que dende o campo de refuxiados no que vive no estranxeiro imaxina a súa Palestina natal. Noutra das curtas, a anciá Oum Amin volve percorrer, de forma virtual, a cidade de Haifa, en Gaza, na que nacera e medrara antes da ocupación israelí. […]

    Xoves, 30 de Maio de 2024
  • A SEGUNDA RESIDENCIA FICBUEU ESTARÁ TITORIZADA POLA CINEASTA ESTIBALIZ URRESOLA

    Carmen Ávalos, Tábata Cerezo, Lucía Delgado e Beli Martínez completan o equipo de formación Bueu 06/05/2024 — A II edición da Residencia FICBUEU, que terá lugar durante o mes de outubro, anuncia hoxe o equipo de profesionais que acompañarán ás e aos residentes durante a súa estancia na Illa de Ons. O programa formativo, dedicado […]

    Luns, 6 de Maio de 2024
← Volver

O cinema chega ás escolas de Galicia con obradoiros e proxeccións a través do programa da Consellería de Educación

FICBUEU

Corenta centros educativos de toda a xeografía galega beneficiaranse das proxeccións e obradoiros de creación curtametraxe no programa “Cinema con perspectiva” da Consellería de Educación da Xunta de Galicia

Bueu, 11 de abril de 2023 — O Festival de Cinema de Bueu amplía o seu alcance cunha iniciativa da Consellería de Educación para levar obradoiros de creación e proxeccións ás escolas de toda Galiza. Durante os próximos meses, o estudantado de 40 centros educativos diferentes poderán desfrutar dunha experiencia que lles permitirá achegarse ao mundo do cinema.

Nenas e nenos nun obradoiro do FICBUEU

Baixo o nome “Cinema con perspectiva”, o programa ten como obxectivo fomentar a igualdade, o interese polo cinema e a educación audiovisual entre as e os mozos galegos a través de dous tipos de actividades. 

De cara a traballar e reflexionar sobre a igualdade de xénero e social, realizaranse sesións de proxección de curtametraxes cun posterior coloquio e análise dos filmes, ofrecendo as ferramentas para que as e os estudantes identifiquen valores e comprendan as mensaxes enviadas a través dos filmes, comparando opinións e debatendo sobre o papel da muller na sociedade e as problemáticas existentes neste eido.

Durante os obradoiros, as e os estudantes terán a oportunidade de aprender diferentes aspectos do cinema, como a dirección, a interpretación, a produción ou a edición de películas realizando unha pequena curta para poñer en práctica as ferramentas e conceptos sobre linguaxe cinematográfica que o equipo do FICBUEU achegará. 

A partir da semana que vén a organización dará comezo ao programa que se estenderá ata finais de curso nos centros educativos seleccionados:

Sesións de proxección:

  • IES As Barxas 
  • IES Plurilingüe a Paralaia
  • CEIP de Seara
  • IES Illa de Ons
  • IES Monte Carrasco
  • IES A Guía
  • CEIP Plurilingüe Párroco Don Camilo
  • CEIP Plurilingüe A Doblada
  • CEIP Serra-Vincios
  • IES Plurilingüe Terra de Turonio
  • CEIP Doutor Suárez
  • IES de Cotobade
  • IES Faro das Lúas
  • IES A Basella
  • IES do Barral
  • CPI Plurilingüe Dr. López Suárez
  • IES Ánxel Fole
  • IES Enrique Muruais
  • CEIP Plurilingüe de Vilar de Barrio
  • IES Xermán Ancochea Quevedo
  • IES Canido
  • CEIP Couceiro Freijomil 
  • CEIP Plurilingüe de Centieiras
  • CEIP Plurilingüe de Outes
  • CEIP A Maía
  • IES Eduardo Pondal
  • CEIP Eduardo Pondal 
  • CEIP Francisco Vales Villamarín
  • IES Francisco Aguiar
  • CEIP Plurilingüe Víctor López Seoane

Obradoiros de creación:

  • IES Monte Castelo
  • CPI de Zas
  • IES de Beade
  • CEIP Nosa Señora de Lourdes
  • IES Illa de San Simón
  • CPI Plurilingüe José García García
  • CEE O Pedroso
  • CEIP Virxe do Rocío
  • CEIP Fermín Bouza Brey
  • IES de Meaño 

O FICBUEU agradece a colaboración e participación de todas as escolas asío como á Consellería de Educación da Xunta de Galicia, no seu compromiso coa educación audiovisual e o fomento da igualdade.

  • As proxeccións, os coloquios, as actividades infantís e toda a programación do FICBUEU regresan do 6 ao 21 de setembro

    O Festival Internacional de Cinema de Bueu presenta a imaxe da súa nova edición 09.07.24. BUEU. O Festival Internacional de Cinema de Bueu, o FICBUEU, celebrarase este ano entre o 6 e o 21 de setembro. O certame buenense, que cada ano presenta unha coidada selección de curtametraxes de cinema de autora e autor realizadas […]

    Martes, 9 de Xullo de 2024
  • Curtas por unha Palestina libre

    BUEU. 29.05.2024. Unha das curtametraxes conta a vida de Layla, unha nena que dende o campo de refuxiados no que vive no estranxeiro imaxina a súa Palestina natal. Noutra das curtas, a anciá Oum Amin volve percorrer, de forma virtual, a cidade de Haifa, en Gaza, na que nacera e medrara antes da ocupación israelí. […]

    Xoves, 30 de Maio de 2024
  • A SEGUNDA RESIDENCIA FICBUEU ESTARÁ TITORIZADA POLA CINEASTA ESTIBALIZ URRESOLA

    Carmen Ávalos, Tábata Cerezo, Lucía Delgado e Beli Martínez completan o equipo de formación Bueu 06/05/2024 — A II edición da Residencia FICBUEU, que terá lugar durante o mes de outubro, anuncia hoxe o equipo de profesionais que acompañarán ás e aos residentes durante a súa estancia na Illa de Ons. O programa formativo, dedicado […]

    Luns, 6 de Maio de 2024
← Volver

O Festival Internacional de Cinema de Bueu celebra o día máis curto do ano con proxeccións de curtametraxes

FICBUEU

O mércores 21 de decembro, o FICBUEU programará de balde dúas sesións no Centro Social do Mar de Bueu, unha para público familiar e outra para o adulto

O mércores 21, solsticio de inverno e día con menos luminosidade, era a data máis sinalada da chamada Saturnalia, unha festividade romana na que se celebraba o fin dos días máis curtos do ano, e que acabou derivando no actual Nadal.

O FICBUEU retoma este decembro unha actividade que xa levara en cabo en anos anteriores e na que propoñen sesións de proxeccións para todas as idades no Centro Social de Bueu. A iniciativa contribúe á difusión do formato curtametraxe e do cinema galego e internacional, sumándose aos obxectivos da campaña “El día más corto” que promove a Coordinadora Nacional del Cortometraje.

Público no día máis curto co FICBUEU en 2016
O día máis curto co FICBUEU (2016)

As proxeccións, con entrada de balde, realizaránse ás 18:00h (sesión curtas en familia) e ás 20:00h (sesión para personas adultas), incluíndo curtametraxes de todo tipo onde primará o ton humorístico e festivo:

Sesión familiar – 18:00h – Centro Social do Mar 

The best orchestra in the world – Henning Backhaus (Australia, 13 min)

Brotar – Montse Piñeiro e Rubén Abad (España, Galicia, 3 min)

Merry, grandmas – Natalia Mirzoyan (Rusia, 8 min)

The little thief – Nicole Vanden Broeck (Reino Unido, 3 min) 

The bear who swallowed a fly – Pascale Hecquet (Bélxica, Francia, 7min)

Mondo domino – Suki (Francia, 6 min)

Carolina e o corvo de ás brancas – CEIP do Hío (7 min)

Oso atrapabolboretas – CEIP A Pedra (5min)


Sesión adulta – 20:00h – Centro Social do Mar 

Handbook for a privileged european woman – Alma Buddecke (Alemania, 10 min, +12)

The adventures of Gloria Scott – Matija Pisacic e Tvrtko Raspolic (Croacia – Serbia, 15 min)

Ficciones – Alejandra Kikidis e Teo Planell (España, Madrid, 15 min, todos os públicos)

Reality – David Fidalgo Omil (España, Galicia, 8 min, +13)

Ascenso – Juanjo Giménez (España, Cataluña, 15 min, +12)

Para asistir ao evento só será preciso retirar o convite no despacho de billetes do Centro Social do Mar que estará aberto unha hora antes do evento.

A organización ofrecerá ademais chocolate quente ao público que presente a súa entrada.

  • As proxeccións, os coloquios, as actividades infantís e toda a programación do FICBUEU regresan do 6 ao 21 de setembro

    O Festival Internacional de Cinema de Bueu presenta a imaxe da súa nova edición 09.07.24. BUEU. O Festival Internacional de Cinema de Bueu, o FICBUEU, celebrarase este ano entre o 6 e o 21 de setembro. O certame buenense, que cada ano presenta unha coidada selección de curtametraxes de cinema de autora e autor realizadas […]

    Martes, 9 de Xullo de 2024
  • Curtas por unha Palestina libre

    BUEU. 29.05.2024. Unha das curtametraxes conta a vida de Layla, unha nena que dende o campo de refuxiados no que vive no estranxeiro imaxina a súa Palestina natal. Noutra das curtas, a anciá Oum Amin volve percorrer, de forma virtual, a cidade de Haifa, en Gaza, na que nacera e medrara antes da ocupación israelí. […]

    Xoves, 30 de Maio de 2024
  • A SEGUNDA RESIDENCIA FICBUEU ESTARÁ TITORIZADA POLA CINEASTA ESTIBALIZ URRESOLA

    Carmen Ávalos, Tábata Cerezo, Lucía Delgado e Beli Martínez completan o equipo de formación Bueu 06/05/2024 — A II edición da Residencia FICBUEU, que terá lugar durante o mes de outubro, anuncia hoxe o equipo de profesionais que acompañarán ás e aos residentes durante a súa estancia na Illa de Ons. O programa formativo, dedicado […]

    Luns, 6 de Maio de 2024
← Volver

Ábrese o prazo para presentar obras ao 16º Festival Internacional de Cinema de Bueu

FICBUEU

A recepción prolongarase ata o 15 de marzo ás 14:00h e os traballos seleccionados proxectaranse no FICBUEU 2023 do 9 ao 23 de setembro

Bueu, 15 de decembro de 2022. O FICBUEU vén de abrir o prazo para a presentación de obras á 16º edición do Festival Internacional de Cinema de Bueu (Pontevedra), que se desenvolverá entre o 9 e o 23 de setembro. As bases, dispoñibles na páxina web do certame, contemplan ata cinco seccións competitivas (sen ter en conta a futura convocatoria para a Sección Escolas Galegas) seguindo a pauta da anterior edición do certame, que se saldou un ano máis cun grande éxito de público.

Ata o 15 de marzo permanecerá aberto o prazo para o envío de curtametraxes, que un ano máis deberá realizarse a través da plataforma Shortfilmdepot cunha taxa de inscrición de 2€. Poderán presentarse traballos de calquera xénero estreados a partir do 1 de xaneiro de 2022, cunha duración que non supere os 30 minutos. En xuño daranse a coñecer as obras seleccionadas, que optarán a máis de 5.500 euros en premios tendo tamén en conta os destinados a centros educativos galegos, para os que se lanzará unha convocatoria específica previsiblemente no mes de maio.

Todos os traballos presentados competirán por entrar nas seccións: Oficial, España, Galicia, Descubertas e Escolas Internacionais, conformando grande parte da programación de proxeccións do e o palmarés do FICBUEU 2023. En paralelo haberá tamén outros cinco apartados non competitivos: Retrospectiva, Curtas en familia, Cativa, Infantil, Xuvenil. Ademais, as e os asistentes votarán in situ para o aclamado Premio do Público.

O obxectivo do Festival Internacional de Cinema de Bueu é contribuír á difusión cinematográfica, non só coa promoción das mellores curtamertaxes realizadas no último ano no ámbito internacional senón tamén levando a cabo actividades relacionadas co cinema máis aló do evento. 

Actualmente a organización está a traballar na configuración dun programa que continúa na liña establecida o ano pasado e que incluirá múltiples actividades de carácter cinematográfico e cultural. A isto engádense diferentes eventos e as accións da Área Social do FICBUEU, que xa comezarán en breve con diferentes colectivos.

Podes consultar as bases do FICBUEU 2023 no apartado de información da web.

  • As proxeccións, os coloquios, as actividades infantís e toda a programación do FICBUEU regresan do 6 ao 21 de setembro

    O Festival Internacional de Cinema de Bueu presenta a imaxe da súa nova edición 09.07.24. BUEU. O Festival Internacional de Cinema de Bueu, o FICBUEU, celebrarase este ano entre o 6 e o 21 de setembro. O certame buenense, que cada ano presenta unha coidada selección de curtametraxes de cinema de autora e autor realizadas […]

    Martes, 9 de Xullo de 2024
  • Curtas por unha Palestina libre

    BUEU. 29.05.2024. Unha das curtametraxes conta a vida de Layla, unha nena que dende o campo de refuxiados no que vive no estranxeiro imaxina a súa Palestina natal. Noutra das curtas, a anciá Oum Amin volve percorrer, de forma virtual, a cidade de Haifa, en Gaza, na que nacera e medrara antes da ocupación israelí. […]

    Xoves, 30 de Maio de 2024
  • A SEGUNDA RESIDENCIA FICBUEU ESTARÁ TITORIZADA POLA CINEASTA ESTIBALIZ URRESOLA

    Carmen Ávalos, Tábata Cerezo, Lucía Delgado e Beli Martínez completan o equipo de formación Bueu 06/05/2024 — A II edición da Residencia FICBUEU, que terá lugar durante o mes de outubro, anuncia hoxe o equipo de profesionais que acompañarán ás e aos residentes durante a súa estancia na Illa de Ons. O programa formativo, dedicado […]

    Luns, 6 de Maio de 2024
← Volver

O FICBUEU achega as prácticas da EOC e o IIEC a Oporto

FICBUEU

Severiano Casalderrey, autor del Cuaderno FICBUEU#3, presentará su contenido al público luso

El pasado 16 de noviembre comenzó el Porto/Post/Doc, festival que tiene lugar en Oporto (Portugal) y que dedica su programación al mundo del documental. Con origen en 2014, el certamen ofrece en esta nueva edición una programación de hasta 11 días en la que el equipo presenta un conjunto de films desafiadores y arriesgados para el gozo de su público.

Las secciones competitivas del festival, como la Internacional, Cinema Falado, Cinema Novo y Transmission, configuran entre todas y en palabras del equipo “una selección con gran capacidad de reconciliarnos con nuestras historias que, de algunha forma, se hacen visibles aquí (bien por el espíritu de descubrimiento de nuevos nombres, bien por el apego a los temas tratados por las autoras y autores). Este es, por tanto, el lugar de cine, de las y los cineastas, de las y los artistas originales y fieles a un lenguaje que nos hace sentir parte de un todo y que encuentra en el cine la fuerza necesaria para resistir a los totalitarismos y a la manipulación de masas”.

Además de todas las sesiones de proyección que presenta el festival y que incluyen películas de carácter internacional, la programación oferta una serie de actividades paralelas desde las relacionadas con el cine como laboratorios de creación y encuentros profesionales hasta aquellas ligadas al arte más vanguardista como instalaciones, sesiones musicales, etc.

Entre ellas, el público podrá encontrar este año la presentación del Cuaderno FICBUEU#3, que tendrá lugar en el marco de LABCeuta, una sección del festival dedicada a actividades en torno a la reflexión del cine como medio de expresión artística y de exploración de realidades que se realiza en el emblemático Café Ceuta, punto de encuentro histórico para los amantes del séptimo arte en la ciudad de Oporto. Será el miércoles 23 a las 15:30, abierto al público general y estará conducida por Severiano Casalderrey, autor de esta edición. 

Por otra parte, parte de la dirección del FICBUEU estará presente en este Porto/Post/Doc con la finalidad de asistir a las proyecciones, a los encuentros profesionales y tejer redes con la industria cultural del país vecino.

Más información en la página del PORTO/POST/DOC.

  • As proxeccións, os coloquios, as actividades infantís e toda a programación do FICBUEU regresan do 6 ao 21 de setembro

    O Festival Internacional de Cinema de Bueu presenta a imaxe da súa nova edición 09.07.24. BUEU. O Festival Internacional de Cinema de Bueu, o FICBUEU, celebrarase este ano entre o 6 e o 21 de setembro. O certame buenense, que cada ano presenta unha coidada selección de curtametraxes de cinema de autora e autor realizadas […]

    Martes, 9 de Xullo de 2024
  • Curtas por unha Palestina libre

    BUEU. 29.05.2024. Unha das curtametraxes conta a vida de Layla, unha nena que dende o campo de refuxiados no que vive no estranxeiro imaxina a súa Palestina natal. Noutra das curtas, a anciá Oum Amin volve percorrer, de forma virtual, a cidade de Haifa, en Gaza, na que nacera e medrara antes da ocupación israelí. […]

    Xoves, 30 de Maio de 2024
  • A SEGUNDA RESIDENCIA FICBUEU ESTARÁ TITORIZADA POLA CINEASTA ESTIBALIZ URRESOLA

    Carmen Ávalos, Tábata Cerezo, Lucía Delgado e Beli Martínez completan o equipo de formación Bueu 06/05/2024 — A II edición da Residencia FICBUEU, que terá lugar durante o mes de outubro, anuncia hoxe o equipo de profesionais que acompañarán ás e aos residentes durante a súa estancia na Illa de Ons. O programa formativo, dedicado […]

    Luns, 6 de Maio de 2024
O teu carriño 0
Non hai produtos na cesta!
Continuar comprando
0
Skip to content