Please ensure Javascript is enabled for purposes of website accessibility Nerea Lores, autor en FICBUEU • Páxina 4 de 6
FESTIVAL INTERNACIONAL DE CINEMA DE BUEU

O FICBUEU presenta a 15ª edición do festival cunha nova imaxe e estrutura

← Volver

O FICBUEU presenta a 15ª edición do festival cunha nova imaxe e estrutura

FICBUEU

A programación deste ano estenderase ata case as dúas semanas de duración.

A principal novidade nesta edición serán as xornadas cinematográficas, un espazo para a reflexión sobre a arte do cinema da man de profesionais do sector.

O Festival Internacional de Cinema de Bueu presenta a súa 15ª edición cun amplo programa que comezará o próximo domingo 11 de setembro e se prolongará ata o sábado 24, traendo de novo unha selección das mellores curtametraxes nacionais e internacionais.

Cartel FICBUEU 2022

Tras voltar á total normalidade logo de varios anos marcados pola situación derivada da crise sanitaria, o FICBUEU continúa coa progresión das pasadas edicións e presenta un novo formato que vai máis aló do festival, co claro obxectivo de poñer en valor os proxectos que se realizan durante os meses anteriores e posteriores ao evento. 

Así xorde a nova estrutura do FICBUEU, que se basea nas diferentes accións que realiza a organización ao longo do ano: o festival de curtametraxes, as colaboracións con festivais, asociacións e outras entidades, as novidosas xornadas cinematográficas e o futuro proxecto de residencia de creación.

Programación e novidades da 15ª edición

As sesións de proxección seguirán a ser a parte principal do festival de curtametraxes, que dará comezo co acto inaugural do día 11 de setembro, onde se estrearán dúas pezas realizadas coa Asociación Érguete de Vigo e coa Asociación Juan XXIII de Cangas.

A programación recollerá máis de 100 curtametraxes e varios coloquios coas directoras e directores, ademais doutras actividades como Carne Cruda, o podcast Espazo Negativo, a VII Ruta das Tapas 5 Estrelas, o V Mercado de Curtametraxes ou a presentación do Caderno FICBUEU#3, titulado “As prácticas do Instituto de Investigaciones y Experiencias Cinematográficas e a Escuela Oficial de Cinematografía como primordio dun novo cinema español (1947-76)”.

Un dos grandes días desta edición será o sábado 17, no que ademais dalgunhas das actividades anteriormente citadas tamén se poderá asistir ás Seccións España e Galicia R, á entrega de premios, a diversos coloquios e ao concerto de clausura.

Algunhas imaxes do FICBUEU 2021

Nunha segunda semana, terá lugar o MiniFIC, o apartado adicado aos centros de ensino e á rapazada, cunha duración de cinco días, dende o luns 19 ata o venres 23.

Durante a primeira xornada, que será de portas abertas ao público, celebraranse as proxeccións das Seccións Escolas de Imaxe e Son e Facultades e Escolas Internacionais, coas súas entregas de premios para as curtametraxes destacadas nestes eidos.

Por outra banda, do martes 20 ao xoves 22 realizaranse as sesións das Seccións Cativa, Infantil e Xuvenil, con entrada reservada para as escolas e demais centros de ensino. Xa o venres 23 chegará a maior parte da programación aberta e de balde para os máis novos e as familias, coa Gala Escolas Galegas, que contará coa presenza dos diferentes finalistas das seccións, e outras actividades como o Consertasso na horta con Brais das Hortas, a proxección da Sección Curtas en Familia ou o obradoiro de storyboard con Gaidil.

As xornadas cinematográficas e os novos espazos

O festival pechará coa principal novidade desta edición, as xornadas cinematográficas, un espazo para a reflexión sobre a arte do cinema da man de diferentes profesionais do sector. Estes encontros, con entrada de balde con previa reserva de praza a través desta mesma web, realizaranse o sábado día 24 baixo o nome I Xornadas Cinematográficas: esculpindo no tempo.

O proxecto iniciarase cunha charla con José Manuel Mouriño, cineasta e investigador especializado en Andrei Tarkosvski, baseada no tratamento do tempo nos seus films, seguido dunha conversa entre Andrea Morán e Daniela Urzola, críticas de Caimán – Cuadernos de Cine. Xa pola tarde celebrarse unha mesa redonda en liña moderada pola docente Diana Ramahí e  que contará coas cineastas e montadoras Ana Pfaff, Diana Toucedo e Carolina Astudillo. O peche desta primeira edición poñerano un encontro con Oliver Laxe conducido polo xornalista Ángel Suanzes e a proxección de Zerkalo (Andrei Tarkovski, 1975).

Fotograma de Zerkalo (Andréi Tarkovski, 1975)

Estas novidades veñen da man de todos os cambios realizados polo FICBUEU ao longo do ano, como a nova imaxe ou a reestructuración da propia web, destacando o novo apartado do arquivo FICBUEU, onde atopamos un listado de todas as curtas participantes ao longo das diferentes edicións.

Outra iniciativa e a creación da Canle FICBUEU, separada nas contas de Youtube e de Twitch. Na primeira delas poderanse atopar vídeos de actividades realizadas pola organización durante todo o ano, ademais de pezas relacionadas co festival, como entrevistas con varias convidadas e convidados deste ano. Por outra banda, na segunda retransmitiranse diversas actividades en directo.

Toda a información pode atoparse na sección de novas e nos diferentes apartados da web, ademais de nas contas de redes sociais do festival (@FICBUEU), onde se irán anunciando as principais novidades ao longo das semanas.

  • Un total de 40 centros participan este curso no programa ‘Cinema con perspectiva’

    A Consellería de Cultura, Educación, FP e Universidades publicou o pasado mes a resolución de centros seleccionados para participar este curso no programa Cinema con perspectiva, desenvolvido en colaboración coa asociación cultural FICBUEU. O programa, dirixido ao alumnado de 5º e 6º de Primaria e 1º e 2º de ESO, ten como obxectivo educar na identificación e tratamento […]

    22/02/2024
  • As mellores curtas neerlandesas no FICBUEU

    O venres 12 de xaneiro chega a Bueu o Premio Internacional do Público do Shortcutz Amsterdam Bueu. 4/01/2023 – Shortcutz Amsterdam é unha das principais plataformas dos Países Baixos para o talento emerxente do cinema neerlandés, brindando oportunidades de exhibición, conectando cunha audiencia nacional e internacional e facilitando as relacións entre profesionais da industria. Cada […]

    03/01/2024
  • A Residencia FICBUEU recibe o apoio do Ministerio de Cultura

    A primeira edición do programa de mellora de guións de curtametraxe é un dos proxectos beneficiarios das axudas para a acción e promoción cultural. Bueu, 14 de decembro de 2023 – A dirección xeral das industrias culturais, propiedade intelectual e cooperación, dependente do Ministerio de Cultura, publicou hoxe a resolución definitiva das axudas para a […]

    14/12/2023
← Volver

Aberto o prazo para unirse ao equipo de voluntariado do FICBUEU 2022

FICBUEU

O Festival Internacional de Cinema de Bueu volve ofertar diversas prazas de voluntariado para as persoas que desexen apoiar a organización e desenvolvemento da 15ª edición do festival.


As e os voluntarios terán a oportunidade de cooperar cun equipo profesional e vivir o evento desde dentro, aprendendo da experiencia nunha interesante contorna de traballo. As persoas voluntarias poderán participar en variadas tarefas técnicas e loxísticas, sempre baixo supervisión, estarán aseguradas e contarán cun certificado final pola súa colaboración.

O prazo para cubrir o formulario permanecerá aberto ata o 22 de agosto.

Máis información en producion1@ficbueu.com

  • Un total de 40 centros participan este curso no programa ‘Cinema con perspectiva’

    A Consellería de Cultura, Educación, FP e Universidades publicou o pasado mes a resolución de centros seleccionados para participar este curso no programa Cinema con perspectiva, desenvolvido en colaboración coa asociación cultural FICBUEU. O programa, dirixido ao alumnado de 5º e 6º de Primaria e 1º e 2º de ESO, ten como obxectivo educar na identificación e tratamento […]

    22/02/2024
  • As mellores curtas neerlandesas no FICBUEU

    O venres 12 de xaneiro chega a Bueu o Premio Internacional do Público do Shortcutz Amsterdam Bueu. 4/01/2023 – Shortcutz Amsterdam é unha das principais plataformas dos Países Baixos para o talento emerxente do cinema neerlandés, brindando oportunidades de exhibición, conectando cunha audiencia nacional e internacional e facilitando as relacións entre profesionais da industria. Cada […]

    03/01/2024
  • A Residencia FICBUEU recibe o apoio do Ministerio de Cultura

    A primeira edición do programa de mellora de guións de curtametraxe é un dos proxectos beneficiarios das axudas para a acción e promoción cultural. Bueu, 14 de decembro de 2023 – A dirección xeral das industrias culturais, propiedade intelectual e cooperación, dependente do Ministerio de Cultura, publicou hoxe a resolución definitiva das axudas para a […]

    14/12/2023
← Volver

Os Cadernos FICBUEU chegan ao Festival Internacional de Cine Independiente de Elche

FICBUEU

Severiano Casalderrey presenta os dous ensaios publicados ata o momento nun dos festivais con máis percorrido da península.

Tralo coloquio, a programación incluíu unha proxección dalgunhas das mellores curtas galegas que pasaron polo FICBUEU.

O FICBUEU estivo presente durante a celebración do 45º Festival Internacional de Cine Independiente de Elche en calidade de festival convidado. Foi da man de Severiano Casalderrey, autor dos Cadernos e un dos responsables da programación do FICBUEU, quen achegou o formato curto ata terras alacantinas durante a xornada do día 7 de xullo, na véspera do inicio da edición de 2022 que finalizará o día 22 do mesmo mes.

Cartel da 45ª edición do Festival Internacional de Cine Independiente de Elche

Alí, Casalderrey tivo a oportunidade de presentar o proxecto Cadernos FICBUEU nun interesante coloquio que comezou ás 20:00 horas e que rematou coa proxección dalgunhas das curtametraxes galegas máis destacadas que pasaron polo FICBUEU, como poden ser ‘Homeless Home’ de Alberto Vázquez, ‘Carne’ de Camila Kater, ‘Augas Abisais’ de Xacio Baño, ‘Xoves de Comadres’ de Noemi Chantada e ‘Matria’ de Álvaro Gago.

Durante a conferencia falouse da situación e do contexto do cinema galego e profundizouse en diversos períodos da historia da curtametraxe, especialmente na Nouvelle Vague francesa e na National Film Board of Canada, protagonistas dos dous libros publicados ata o momento por parte do festival bueuense.

Coloquio da Sección Galicia R durante o FICBUEU 2020, no que se proxectaron ‘Carne‘ de Camila Kater e ‘Xoves de Comadres‘ de Noemi Chantada

O proxecto Cadernos FICBUEU naceu no ano 2020 e é o froito de todo o traballo de selección e de investigación que se realiza para a Sección Retrospectiva do FICBUEU, para a que é preciso facer un amplo traballo de documentación, así como visionar un importante número de pezas.

Na edición deste 2022 presentarase o ‘Caderno FICBUEU#3’, adicado ao Instituto de Investigadores e Experiencias Cinematográficas (IIEC) e á posterior Escola Oficial de Cinematografía (EOC), centrándose por primeira vez no cinema español e facendo fincapé no período que vai dende 1947 ata 1976.

As dúas primeiras obras pódense atopar na tenda en liña do FICBUEU para todas e todos os interesados, mentres que o terceiro dos cadernos estará dispoñible logo da súa presentación oficial.

  • Un total de 40 centros participan este curso no programa ‘Cinema con perspectiva’

    A Consellería de Cultura, Educación, FP e Universidades publicou o pasado mes a resolución de centros seleccionados para participar este curso no programa Cinema con perspectiva, desenvolvido en colaboración coa asociación cultural FICBUEU. O programa, dirixido ao alumnado de 5º e 6º de Primaria e 1º e 2º de ESO, ten como obxectivo educar na identificación e tratamento […]

    22/02/2024
  • As mellores curtas neerlandesas no FICBUEU

    O venres 12 de xaneiro chega a Bueu o Premio Internacional do Público do Shortcutz Amsterdam Bueu. 4/01/2023 – Shortcutz Amsterdam é unha das principais plataformas dos Países Baixos para o talento emerxente do cinema neerlandés, brindando oportunidades de exhibición, conectando cunha audiencia nacional e internacional e facilitando as relacións entre profesionais da industria. Cada […]

    03/01/2024
  • A Residencia FICBUEU recibe o apoio do Ministerio de Cultura

    A primeira edición do programa de mellora de guións de curtametraxe é un dos proxectos beneficiarios das axudas para a acción e promoción cultural. Bueu, 14 de decembro de 2023 – A dirección xeral das industrias culturais, propiedade intelectual e cooperación, dependente do Ministerio de Cultura, publicou hoxe a resolución definitiva das axudas para a […]

    14/12/2023
← Volver

O FICBUEU e a Asociación Juan XXIII gravan a curtametraxe ‘A fin do osíxeno’

FICBUEU

Ambas institucións levan traballando no filme dende xaneiro a través dos obradoiros de cinema da Área Social FICBUEU.

A obra estrearase o 11 de setembro durante a xornada inaugural do festival.

O equipo da Área Social do FICBUEU e a Asociación Juan XXIII de Cangas, centro ocupacional para persoas con discapacidade intelectual, gravaron unha curtametraxe froito dun longo traballo nun dos obradoiros de cinema, que comezou o pasado mes de xaneiro.

Durante estes meses, as usuarias e os usuarios do centro cangués aprenderon todo o relacionado co proceso de creación dunha peza audiovisual, partindo da creación da historia e do guión e pasando por todo o proceso de preparación e de produción anterior á rodaxe.

Equipo durante a rodaxe no Bosque Encantado de Aldán

Porén, só faltaba poñer en práctica todo o aprendido nunha rodaxe que durou unhas nove horas aproximadamente e que contou cunha vintena de persoas de ambas entidades ademais de actrices e actores recoñecidos, coma poden ser Mónica Caamaño ou Lois Soaxe.

Todo o traballo detrás das cámaras foi elaborado por integrantes do centro orixinarios de diferentes vilas de Pontevedra, como son Cangas, Moaña e Bueu, aínda que contaron co apoio das monitoras do Juan XXIII e do equipo do FICBUEU.

A peza, de ficción con temática medioambiental, leva por título ‘A fin do osíxeno’ e foi gravada en distintas localizacións, como son a propia sede da Asociación ou o Castelo do Bosque Encantado de Aldán.

O resultado final, aínda con moito por traballar no apartado de montaxe e posprodución, estrearase durante a xornada inaugural do Festival Internacional de Cinema de Bueu, que terá lugar o 11 de setembro.

Trátase do segundo filme do curso 2021/22 posto en marcha a través dos obradoiros de curtametraxes da Área Social FICBUEU, logo do realizado en conxunto coa Asociación Érguete de Vigo, nunha iniciativa que busca achegar e impulsar o cinema cara aos colectivos e sectores máis afastados da creación audiovisual.

Unha vez estreada, a obra poderá verse na canle de YouTube do festival, onde se atopan un bo número das curtametraxes feitas durante os últimos anos de traballo.

  • Un total de 40 centros participan este curso no programa ‘Cinema con perspectiva’

    A Consellería de Cultura, Educación, FP e Universidades publicou o pasado mes a resolución de centros seleccionados para participar este curso no programa Cinema con perspectiva, desenvolvido en colaboración coa asociación cultural FICBUEU. O programa, dirixido ao alumnado de 5º e 6º de Primaria e 1º e 2º de ESO, ten como obxectivo educar na identificación e tratamento […]

    22/02/2024
  • As mellores curtas neerlandesas no FICBUEU

    O venres 12 de xaneiro chega a Bueu o Premio Internacional do Público do Shortcutz Amsterdam Bueu. 4/01/2023 – Shortcutz Amsterdam é unha das principais plataformas dos Países Baixos para o talento emerxente do cinema neerlandés, brindando oportunidades de exhibición, conectando cunha audiencia nacional e internacional e facilitando as relacións entre profesionais da industria. Cada […]

    03/01/2024
  • A Residencia FICBUEU recibe o apoio do Ministerio de Cultura

    A primeira edición do programa de mellora de guións de curtametraxe é un dos proxectos beneficiarios das axudas para a acción e promoción cultural. Bueu, 14 de decembro de 2023 – A dirección xeral das industrias culturais, propiedade intelectual e cooperación, dependente do Ministerio de Cultura, publicou hoxe a resolución definitiva das axudas para a […]

    14/12/2023
← Volver

O FICBUEU volverá proxectar unha sesión de curtas en Ambienta, a Mostra Internacional de Cinema LGBTIQA+ de Pontevedra

FICBUEU

Un ano máis o FICBUEU será o encargado da sección ‘Ambienta en curta’.

A proxección terá lugar o 1 de xullo na Praza da Pedreira de Pontevedra.

O Festival Internacional de Cinema de Bueu achegará de novo o formato curto a Ambienta, a Mostra Internacional de Cinema LGBTIQA+ de Pontevedra. Será na sección ‘Ambienta en curta’, na que se poderán ver cinco pezas que amosarán as distintas realidades dos colectivos e que contribuirán á difusión do cinema pola diversidade, obxectivo principal do evento.

A sesión celebrarase na última xornada da mostra, o venres 1 de xullo ás 22:30 horas nun espazo ao aire libre como é a Praza da Pedreira de Pontevedra. Previamente haberá un acto de clausura con música relacionada co cinema a cargo de Palito Dj. A entrada será de balde ata completar o aforo dispoñible.

A programación contará con títulos coñecidos para o público do FICBUEU, xa que dúas das obras que se poderán ver neste ‘Ambienta en curta’ como son “Dustin”, de Naïlla Guiguet, e “Son of Sodom”, de Theo Montoya, participaron na Sección Internacional do 2021, levándose “Dustin” os premios á Mellor Música e a Mellor Son. Os outros títulos que serán proxectados son “Ensom Cowgirl”, de Gina Kippenbroeck, “Victoria”, de Daniel Toledo e “Marlon Brando”, de Vicent Tilanus.

Unha imaxe do título ‘Dustin‘.

Aínda que o FICBUEU será o encargado de poñer o broche final á Ambienta deste ano o vindeiro 1 de xullo, os diferentes actos da mostra comezarán o 27 de xuño. Deste xeito, a presente edición contará con outras tres seccións de proxeccións.

Por unha banda ‘Ambienta Actual’, unha selección na que se mergulla na sociedade contemporánea e o rumbo da mesma a través das proxeccións dos títulos “A primeira morte de Joana”, de Cristiane Oliveira, e “ÉTÉ 85”, de François Ozon, organizada por Avante LGBT+

Por outra, estará a sección ‘Ambienta Doc’, unha proposta realizada coa participación da Cinemateca Pedro Zerolo e que achega filmes documentais que exploran as distintas vías de representación do colectivo, como pode ser a obra de Borja Lynch “Triángulos rosas”.

Por último, tamén haberá unha mirada ao pasado coa ‘Ambienta Clásica’, na que se recuperan títulos importantes que axudan a descubrir a presenza do colectivo na historia do cinema, como pode ser “Tokyo Godfathers” de Satoshi Kon e Shôgo Furuya, e que estará organizada polo Cineclube de Pontevedra.

Ademais das diferentes sesións, a programación da mostra tamén inclúe a presentación dun videoclip realizado por Laura Cadenas Amandi, Enzo Sarmiento e Éric Dopazo, un encontro coa actriz, política e activista trans Carla Antonelli, que tamén presentará o documental “Triángulos rosas”, e un acto musical de clausura a cargo de Palito Dj.

Será o segundo ano que o Concello de Pontevedra leve a cabo a mostra baixo o nome Ambienta, que dende os inicios contou co FICBUEU como unha das súas entidades colaboradoras. Toda a programación do evento poderase consultar na páxina web de Ambienta.gal.

  • Un total de 40 centros participan este curso no programa ‘Cinema con perspectiva’

    A Consellería de Cultura, Educación, FP e Universidades publicou o pasado mes a resolución de centros seleccionados para participar este curso no programa Cinema con perspectiva, desenvolvido en colaboración coa asociación cultural FICBUEU. O programa, dirixido ao alumnado de 5º e 6º de Primaria e 1º e 2º de ESO, ten como obxectivo educar na identificación e tratamento […]

    22/02/2024
  • As mellores curtas neerlandesas no FICBUEU

    O venres 12 de xaneiro chega a Bueu o Premio Internacional do Público do Shortcutz Amsterdam Bueu. 4/01/2023 – Shortcutz Amsterdam é unha das principais plataformas dos Países Baixos para o talento emerxente do cinema neerlandés, brindando oportunidades de exhibición, conectando cunha audiencia nacional e internacional e facilitando as relacións entre profesionais da industria. Cada […]

    03/01/2024
  • A Residencia FICBUEU recibe o apoio do Ministerio de Cultura

    A primeira edición do programa de mellora de guións de curtametraxe é un dos proxectos beneficiarios das axudas para a acción e promoción cultural. Bueu, 14 de decembro de 2023 – A dirección xeral das industrias culturais, propiedade intelectual e cooperación, dependente do Ministerio de Cultura, publicou hoxe a resolución definitiva das axudas para a […]

    14/12/2023
← Volver

Aberto o prazo de inscricións para a sección ‘Escolas Galegas’ do FICBUEU 2022

FICBUEU

Poderán participar todos os centros de ensino de Galicia, dende educación infantil e secundaria ata escolas de imaxe e son e facultades.

Gala Escolas Galegas 2021
Gala Escolas Galegas 2021

O FICBUEU abre o prazo para o envío das curtametraxes que queiran participar na Sección Escolas Galegas, que abrangue todos os centros de ensino da comunidade, dende colexios e institutos ata facultades e escolas de imaxe e son.

A sección conta con tres categorías diferenciadas nas que se premiará unha curta en cada unha delas:

  • Mellor Curtametraxe de Escolas de Educación Especial, Infantil e Primaria: trofeo + 150€ en material audiovisual.
  • Mellor Curtametraxe de Escolas de Educación Secundaria: trofeo + 150€ en material audiovisual.
  • Mellor Curtametraxe de Escolas de Imaxe e Son e Facultades: trofeo + 250€ en formación audiovisual.

O prazo estará aberto ata o próximo 15 de xuño ás 23:59 horas para todas as pezas audiovisuais realizadas durante os cursos escolares 2020/21 e 2021/22, co único requisito de non teren participado coa mesma obra en pasadas edicións do FICBUEU.

A temática das curtametraxes será libre e cada escola poderá presentar tantas obras como desexe. A única esixencia é a de posuír unha copia dixital para a súa proxección e non superar os 20 minutos de duración (incluíndo os créditos).

A inscrición no certame poderá realizarse a través dun formulario en liña na páxina web do FICBUEU. De entre todas as pezas presentadas serán seleccionadas varias finalistas, que serán anunciadas o día 1 de setembro.

Un xurado especializado composto de tres personas vinculadas ao audiovisual e ao ensino, escollerá as curtametraxes gañadoras de cada unha das categorías tendo en conta a participación activa do alumnado en todas as fases de creación (guión, produción, rodaxe, montaxe, etc.), a utilización dos distintos elementos da linguaxe audiovisual (como poden ser a fotografía, o son, a escenografía, etc.), a orixinalidade e a creatividade das propostas e o nivel técnico das pezas tendo en conta a idade dos creadores.

As curtametraxes que resulten galardoadas proxectaranse o venres 23 de setembro durante a Gala Escolas Galegas, na que se entregarán os premios correspondentes aos equipos gañadores de cada categoría.

Convocatoria Sección Escolas Galegas
  • Un total de 40 centros participan este curso no programa ‘Cinema con perspectiva’

    A Consellería de Cultura, Educación, FP e Universidades publicou o pasado mes a resolución de centros seleccionados para participar este curso no programa Cinema con perspectiva, desenvolvido en colaboración coa asociación cultural FICBUEU. O programa, dirixido ao alumnado de 5º e 6º de Primaria e 1º e 2º de ESO, ten como obxectivo educar na identificación e tratamento […]

    22/02/2024
  • As mellores curtas neerlandesas no FICBUEU

    O venres 12 de xaneiro chega a Bueu o Premio Internacional do Público do Shortcutz Amsterdam Bueu. 4/01/2023 – Shortcutz Amsterdam é unha das principais plataformas dos Países Baixos para o talento emerxente do cinema neerlandés, brindando oportunidades de exhibición, conectando cunha audiencia nacional e internacional e facilitando as relacións entre profesionais da industria. Cada […]

    03/01/2024
  • A Residencia FICBUEU recibe o apoio do Ministerio de Cultura

    A primeira edición do programa de mellora de guións de curtametraxe é un dos proxectos beneficiarios das axudas para a acción e promoción cultural. Bueu, 14 de decembro de 2023 – A dirección xeral das industrias culturais, propiedade intelectual e cooperación, dependente do Ministerio de Cultura, publicou hoxe a resolución definitiva das axudas para a […]

    14/12/2023
← Volver

Presentada a terceira edición do Rías Baixas Film Fest, o selo que aglutina ao FICBUEU e a outros sete festivais da provincia

FICBUEU

Trátase do terceiro ano no que os principais festivais de cinema de Pontevedra se unen baixo un mesmo selo a través da marca creada pola Deputación de Pontevedra.

Ademais do FICBUEU, o Rías Baixas Film Fest tamén abarca outros sete certames.

A Deputación de Pontevedra presentou a nova edición do Rías Baixas Film Fest, un selo que por terceiro ano consecutivo aglutina aos festivais de cinema da provincia. Esta marca naceu coa intención de dotalos dunha maior proxección e forza, ao mesmo tempo que trata de contribuír á difusión da cultura local e galega, segundo declaracións desde a propia Deputación.

O cartel deste ano presentouse nun acto que tivo lugar nos exteriores da sede da Deputación en Vigo, contando coa presenza de representantes de todos os certames e dalgúns cargos públicos, como foi o caso da presidenta da Deputación, Carmela Silva. Alí, e a través dun vídeo resumo de todos os festivais implicados, déronse a coñecer os nomes e as datas dos diferentes eventos, que comezarán en mayo e rematarán en decembro.

Desta maneira, os primeiros en celebrarse serán o Play-Doc Festival Internacional de Documentais de Tui (do 4 ao 8 de maio) e o Festival de Cans en Porriño (do 18 ao 21). Tras estas dúas primeiras citas, en setembro chegará a quenda do Festival Primavera do Cinema en Vigo (do 6 ao 11), o FICBUEU – Festival Internacional de Cinema de Bueu (do 11 ao 24) e o Galicia Freaky Film Festival de Vigo (entre o 23 de setembro e o 1 de outubro).

No acto tamén interveu Manuel Pena, director do FICBUEU, que destacou a diversidade dos perfís dos festivais da provincia e o carácter das asociacións sen ánimo de lucro que están detrás de cada un, motivado segundo as súas palabras “pola paixón polo cinema e a cultura”. 

Doutra banda, o director do FICBUEU quixo ter unhas palabras para valorar o esforzo de todas e todos os involucrados no mundo da cultura, á vez que destacou “a importancia e a dimensión á que chegaron as programacións dos festivais de cinema”, recalcando que van moito máis alá das proxeccións ao contar con outras iniciativas como talleres ou actividades que fomentan a cultura, sendo ambicioso de cara ao futuro e confiando no crecemento dos diferentes proxectos da zona.

Tras el, tomou a palabra a directora de programación do Festival Primavera do Cinema, Ana Gontad, que quixo poñer en valor non só a sétima arte, senón tamén a importancia dos festivais, máis agora que parece que empezamos a saír da situación sanitaria que o pausou todo hai algo máis de dous anos. 

Gontad tamén lanzou unha alegación a favor da recuperación do espazo libre do cinema en salas, significándoo como “unha vitoria da sensibilidade colectiva” fronte “ás ideoloxías totalitarias, xenófobas, machistas e liberais que desafían a convivencia democrática inclusiva que tanto custou construír”.

Por último, pechou a presentación a presidenta da Deputación de Pontevedra, Carmela Silva, que subiu ao atril na compaña de Victoria Alonso, deputada da área de Cultura. Silva quixo destacar o traballo de todos os festivais participantes, á vez que destacou a riqueza que este tipo de eventos culturais outorga a cada concello e á provincia.

Silva tamén afirmou que “estes festivais permiten que a xente teñan miradas diferentes, xa que o mundo do cinema ten a capacidade de crear novas visións do mundo” e que, á súa vez, estes eventos tradúcense en “esperanza de futuro”, ao comentar que este tipo de celebracións enchen de vida os concellos e achegan a cultura ao pobo.

Tras isto, o acto finalizou cunha breve actuación humorística inspirada no cinema que tivo como protagonista á mesma presidenta, poñendo o punto final á presentación do Rías Baixas Film Fest deste 2022.

  • Un total de 40 centros participan este curso no programa ‘Cinema con perspectiva’

    A Consellería de Cultura, Educación, FP e Universidades publicou o pasado mes a resolución de centros seleccionados para participar este curso no programa Cinema con perspectiva, desenvolvido en colaboración coa asociación cultural FICBUEU. O programa, dirixido ao alumnado de 5º e 6º de Primaria e 1º e 2º de ESO, ten como obxectivo educar na identificación e tratamento […]

    22/02/2024
  • As mellores curtas neerlandesas no FICBUEU

    O venres 12 de xaneiro chega a Bueu o Premio Internacional do Público do Shortcutz Amsterdam Bueu. 4/01/2023 – Shortcutz Amsterdam é unha das principais plataformas dos Países Baixos para o talento emerxente do cinema neerlandés, brindando oportunidades de exhibición, conectando cunha audiencia nacional e internacional e facilitando as relacións entre profesionais da industria. Cada […]

    03/01/2024
  • A Residencia FICBUEU recibe o apoio do Ministerio de Cultura

    A primeira edición do programa de mellora de guións de curtametraxe é un dos proxectos beneficiarios das axudas para a acción e promoción cultural. Bueu, 14 de decembro de 2023 – A dirección xeral das industrias culturais, propiedade intelectual e cooperación, dependente do Ministerio de Cultura, publicou hoxe a resolución definitiva das axudas para a […]

    14/12/2023
← Volver

O FICBUEU renova a súa imaxe

FICBUEU

A nova proposta inclúe tamén un sutil cambio de nome e unha nova tipografía

FICBUEU naceu no ano 2008 coa intención de achegar e de dar a coñecer o mellor do formato curto ao público, crecendo de forma progresiva con cada edición. 11 anos despois, crearíanse a Asociación Cultural Cinematográfica FICBUEU e a Área Social FICBUEU, supoñendo un importante fito na evolución do festival ao fortalecer a súa organización e ampliar as súas actividades durante todo o ano.

Anterior logo do FICBUEU
Alfonso Agra coa ánfora do Premio Cinema Galego do FICBUEU 2021

Desde os seus inicios, a imaxe orixinal do festival estaba baseada na ánfora romana de San Martiño de Bueu, peza destacada do Museo Massó cargada de simbolismo e moi representativa da zona, converténdose á súa vez no galardón dos premiados.

Este 2022 e a seis meses da 15ª edición, o FICBUEU presenta a súa nova imaxe composta por un cambio de nome, un novo logotipo e unha nova tipografía que reúnen o carácter do festival e o seu contexto.

A pesar de que continuará centrándose nas curtametraxes, o FICBUEU pasará a denominarse Festival Internacional de Cinema de Bueu, abarcando así todas as súas actividades e non só aquelas relacionadas co formato curto.

O novo deseño de logotipo realizado por Uqui Permui aúna a esencia do FICBUEU, dando paso a unha imaxe máis actual vinculada non só ao cinema, senón tamén á xeografía de Bueu a través das súas formas redondeadas.

Deseño de Uqui Permui

O logotipo chega ademais acompañado dunha nova tipografía, chamada ‘Isaac Sans’ e creada por Marcos Dopico. Esta nova fonte debe o seu nome a todo un referente artístico da nosa cultura como é Isaac Díaz Pardo e está inspirada na tipografía de Sargadelos e no Laboratorio de Formas de Galicia.

Tipografía Isaac sans de maistypes.com – Marcos Dopico

Estes tres cambios renovan por completo a imaxe do festival dando paso á 15ª edición, que se celebrará do 11 ao 24 de setembro e que virá cargada de novidades no programa que se irán desvelando co paso dos meses.

  • Un total de 40 centros participan este curso no programa ‘Cinema con perspectiva’

    A Consellería de Cultura, Educación, FP e Universidades publicou o pasado mes a resolución de centros seleccionados para participar este curso no programa Cinema con perspectiva, desenvolvido en colaboración coa asociación cultural FICBUEU. O programa, dirixido ao alumnado de 5º e 6º de Primaria e 1º e 2º de ESO, ten como obxectivo educar na identificación e tratamento […]

    22/02/2024
  • As mellores curtas neerlandesas no FICBUEU

    O venres 12 de xaneiro chega a Bueu o Premio Internacional do Público do Shortcutz Amsterdam Bueu. 4/01/2023 – Shortcutz Amsterdam é unha das principais plataformas dos Países Baixos para o talento emerxente do cinema neerlandés, brindando oportunidades de exhibición, conectando cunha audiencia nacional e internacional e facilitando as relacións entre profesionais da industria. Cada […]

    03/01/2024
  • A Residencia FICBUEU recibe o apoio do Ministerio de Cultura

    A primeira edición do programa de mellora de guións de curtametraxe é un dos proxectos beneficiarios das axudas para a acción e promoción cultural. Bueu, 14 de decembro de 2023 – A dirección xeral das industrias culturais, propiedade intelectual e cooperación, dependente do Ministerio de Cultura, publicou hoxe a resolución definitiva das axudas para a […]

    14/12/2023
← Volver

O FICBUEU achega o seu caderno «A “Nouvelle Vague” a través das súas curtametraxes (1956 -1965)» ao IBZCF22

FICBUEU
  • O primeiro dos Cadernos do FICBUEU foi protagonista durante a xornada do sábado tarde do festival eivisenco, nunha presentación na que tamén se proxectaron varias pezas

O FICBUEU estivo presente durante o Ibiza Cine Fest deste 2022, que arrincou o día 11 de marzo e que se extenderá ata o día 20. Foi durante a segunda xornada do festival, o sábado 12, mediante a presentación do primeiro dos Cadernos FICBUEU, titulado «A “Nouvelle Vague” a través das súas curtametraxes (1956 -1965)», que profundiza nesta coñecida corrente cinematográfica.

A conferencia tivo lugar na sede principal do festival, o Auditori des Caló de s´Oli, e comezou ás 18 horas conducida por Severiano Casalderrey, autor da obra e programador do FICBUEU, quen presentou o monográfico editado en galego e inglés.

A actividade rematou despois da proxección dalgunhas das obras máis importantes do movemento, como son “Le coup du berger”de Jacques Rivette (1957), “Les Mistons” de François Truffaut (1957) e “Tous les garçons” de Jean-Luc Godard (1959).

Deste xeito, durante as dúas horas que durou o evento realizouse unha minuciosa introdución na Nouvelle Vague francesa, mediante a cal as e os asistentes puideron comprender e coñecer a importancia deste período e as novidades estilísticas que achegou, sendo unha das correntes máis influintes da historia do cinema en Europa como se amosa no ensaio escrito por Severiano Casalderrey.

O proxecto Cadernos FICBUEU é o resultado de todo o traballo de selección e de investigación realizado para a Sección Retrospectiva do FICBUEU, para a que foi necesaria unha ampla labor de documentación e o visionado du importante número de pezas.

A obra atópase dispoñible na tenda en liña do FICBUEU para todas e todos os interesados, ao igual que o «Caderno FICBUEU#2. O National Film Board of Canada e a súa “idade dourada” da curtametraxe (1965-1983, no que se versa sobre a National Film Board of Canada, a maior produtora de carácter público do mundo e sobre a súa época de maior esplendor.

Presentación Seve Ibiza Cine Fest
  • Un total de 40 centros participan este curso no programa ‘Cinema con perspectiva’

    A Consellería de Cultura, Educación, FP e Universidades publicou o pasado mes a resolución de centros seleccionados para participar este curso no programa Cinema con perspectiva, desenvolvido en colaboración coa asociación cultural FICBUEU. O programa, dirixido ao alumnado de 5º e 6º de Primaria e 1º e 2º de ESO, ten como obxectivo educar na identificación e tratamento […]

    22/02/2024
  • As mellores curtas neerlandesas no FICBUEU

    O venres 12 de xaneiro chega a Bueu o Premio Internacional do Público do Shortcutz Amsterdam Bueu. 4/01/2023 – Shortcutz Amsterdam é unha das principais plataformas dos Países Baixos para o talento emerxente do cinema neerlandés, brindando oportunidades de exhibición, conectando cunha audiencia nacional e internacional e facilitando as relacións entre profesionais da industria. Cada […]

    03/01/2024
  • A Residencia FICBUEU recibe o apoio do Ministerio de Cultura

    A primeira edición do programa de mellora de guións de curtametraxe é un dos proxectos beneficiarios das axudas para a acción e promoción cultural. Bueu, 14 de decembro de 2023 – A dirección xeral das industrias culturais, propiedade intelectual e cooperación, dependente do Ministerio de Cultura, publicou hoxe a resolución definitiva das axudas para a […]

    14/12/2023
← Volver

A Asociación FICBUEU reanuda as proxeccións no Centro Príncipe Felipe de Pontevedra

FICBUEU

A Asociación FICBUEU reanuda as sesións de curtametraxes coas mozas e mozos do Centro Príncipe Felipe de Pontevedra, unha acción da Área Social FICBUEU que comezou no ano 2020 e que tivo que suspenderse por mor das restriccións derivadas da pandemia da COVID-19.

Agora, tras esta parada obrigatoria, a Asociación FICBUEU volve a achegar o cinema e o mundo das curtametraxes á xuventude. Coa séptima arte como ferramenta de traballo, a finalidade desta proposta pasa por axudar a cumprir os obxectivos do centro, que trata de asegurar o benestar social e a correcta integración da mocidade.

O programa recolle, ademáis das feitas ata o momento, outras cinco sesións de proxeccións no centro pontevedrés, que comezarán o día 17 de febreiro e que se prolongarán ata marzo.

Deste xeito e a través do cinema, as mozas e mozos de entre 14 e 17 anos traballarán e debaterán en torno a diversas temáticas importantes para a súa formación e educación, como poden ser a violencia de xénero, a sexualidade ou o clima.

As diferentes sesións están dirixidas ás rapazas e rapaces dos dous centros de acollida do Principe Felipe, a Escola Fogar e o Centro Agarimo. A primeira destas sesións, a do día 17 de febreiro, estará adicada ao clima e será proxectada na Escola Fogar, que tamén contará con sesións os días 3 de marzo (sexualidade) e 17 de marzo (violencia de xénero). Por outra banda, a Asociación FICBUEU traballará co Centro Agarimo os días 24 de febreiro (sexualidade) e 10 de marzo (violencia de xénero).

  • Un total de 40 centros participan este curso no programa ‘Cinema con perspectiva’

    A Consellería de Cultura, Educación, FP e Universidades publicou o pasado mes a resolución de centros seleccionados para participar este curso no programa Cinema con perspectiva, desenvolvido en colaboración coa asociación cultural FICBUEU. O programa, dirixido ao alumnado de 5º e 6º de Primaria e 1º e 2º de ESO, ten como obxectivo educar na identificación e tratamento […]

    22/02/2024
  • As mellores curtas neerlandesas no FICBUEU

    O venres 12 de xaneiro chega a Bueu o Premio Internacional do Público do Shortcutz Amsterdam Bueu. 4/01/2023 – Shortcutz Amsterdam é unha das principais plataformas dos Países Baixos para o talento emerxente do cinema neerlandés, brindando oportunidades de exhibición, conectando cunha audiencia nacional e internacional e facilitando as relacións entre profesionais da industria. Cada […]

    03/01/2024
  • A Residencia FICBUEU recibe o apoio do Ministerio de Cultura

    A primeira edición do programa de mellora de guións de curtametraxe é un dos proxectos beneficiarios das axudas para a acción e promoción cultural. Bueu, 14 de decembro de 2023 – A dirección xeral das industrias culturais, propiedade intelectual e cooperación, dependente do Ministerio de Cultura, publicou hoxe a resolución definitiva das axudas para a […]

    14/12/2023
O teu carriño 0
Non hai produtos na cesta!
Continuar comprando
0
Skip to content