Please ensure Javascript is enabled for purposes of website accessibility orestes, autor en FICBUEU
FESTIVAL INTERNACIONAL DE CINEMA DE BUEU

Catro novas e novos cineastas desenvolven dende hoxe os seus proxectos de películas na I Residencia FICBUEU na Illa de Ons 

← Volver

Catro novas e novos cineastas desenvolven dende hoxe os seus proxectos de películas na I Residencia FICBUEU na Illa de Ons 

FICBUEU

A guionista Isabel Peña titoriza a formación, e un dos catro proxectos de guión optará a ser producido pola produtora galega Nortecatro Cinema

Participan  as directoras Alicia Úbeda e Ángela Andrada, ambas da Coruña, e dous directores: Jordi Sanz, de Barcelona, e Pablo Vilas, de Tenerife

BUEU. 09.10.23. Catro novas e novos cineastas traballan dende hoxe e ata o vindeiro sábado na Illa de Ons para desenvolver os seus próximos proxectos de películas. Fano baixo a titoría dunha das guionistas máis laureadas no cine español nos últimos tempos, Isabel Peña. É autora dos libretos de películas coma As bestas ou El reino –coas que gañou senllos Premios Goya–, StockholmQue Dios nos perdone, ou de series coma Antidisturbios.

Da Illa de Ons, un dos lugares máis singulares e paradisíacos do municipio de Bueu e de toda Galicia, sairán os alicerces para a produción de catro novas curtametraxes de novas autoras e autores que pasaron un proceso de selección con 120 proxectos aspirantes. Na I Residencia FICBUEU  desenvolveranse catro proxectos de dúas directoras, Alicia Úbeda e Ángela Andrada, ambas da Coruña, e dous directores: Jordi Sanz, de Barcelona, e Pablo Vilas, de Tenerife. 

O FICBUEU organiza actividades de difusión cultural e das novas linguaxes de cinema auroral durante todo o ano. Traballa con colectivos culturais, centros de formación da contorna ou diferentes colectivos sociais. Coa Residencia, un programa que terá carácter anual, quere colaborar tamén co desenvolvemento de novos proxectos cinematográficos. 

Ao remate da Residencia, un dos catro proxectos de guión optará a ser producido pola produtora galega Nortecatro Cinema. O co-director do FICBUEU, Manuel Pena, explicou durante a presentación do proxecto no transcurso do Festival: «Dende hai tempo viñamos facendo clases de guión e pequenos cursos de rodaxe, pero queriamos ter un gran programa profesional e completo de apoio a ideas dende o seu inicio, co que se vexan resultados. Por iso imos intentar que un dos proxectos sexa realidade e pechar o círculo». 

O programa, no que o Festival comezou traballar hai dous anos, conta co apoio da Secretaría Xeral da Igualdade e a Axencia Galega de Industrias Culturais (AGADIC).

Titorías personalizadas

A primeira Residencia FICBUEU permitirá aos catro finalistas mellorar a calidade e a viabilidade das súas ideas, fornecendo a súa visión, linguaxe e ton personal, ademais de adquirir os recursos necesarios para obter unha perspectiva multidisciplinar do proceso de produción. A metodoloxía que empregarán estará baseada nas titorías personalizadas, as formacións específicas e nas actividades prácticas conxuntas (mesas redondas e encontros one to one) que favorecerán a cooperación e posta en valor de perspectivas diversas. 

Ademais de Isabel Peña, traballarán tamén cos residentes a doutora, guionista e antropóloga Carmen Ávalos, quen abordará o guion desde a perspectiva de xénero; Pablo Lamosa, director de Cormorán VFX, quen afondará nos recursos orientados á mellora dos aspectos visuais dos proxectos; e a profesora e investigadora Elena Neira, quen dará a coñecer as novas vías de distribución para o cinema.

Calidades e variedade dos proxectos 

Na I Residencia  desenvolveranse catro proxectos que destacan por cadansúa calidade e que parten de perspectivas e obxectivos moi diferentes.

Alicia Úbeda participará con Garabato, un proxecto de curtametraxe autobiográfica sobre dúas irmás de 14 e 7 anos que coidan dunha nai alcohólica. 

Avisa cuando llegues é a proposta da guionista Ángela Andrade, a historia dunha moza de 21 anos que quere recuperar a súa vida, superar o medo e volver saír a divertirse seis meses despois de sufrir unha agresión sexual. 

Jordi Sanz, pola súa banda, foi elixido por Sismes, unha peza coa que explorará a memoria e os recordos a través dunha muller divorciada que regresa dez anos despois á illa volcánica onde pasou a súa lúa de mel e ten a obsesión de gravarse en vídeo para recrear as imaxes nas que só aparecía o seu ex marido. 

Barranco sin fondo é a proposta que Pablo Vilas quere desenvolver para contar a historia dunha adolescente que recorre cun dron os barrancos preto da súa casa e atopa un cabrito que quere adoptar.

A I Residencia FICBUEU conta coa subvención do Ministerio de Cultura y Deporte e o patrocinio Xunta de Galicia a través da Consellería de Promoción do Emprego e Igualdade e a Consellería de Cultura, Educación, Formación Profesional e Universidades.
  • Un total de 40 centros participan este curso no programa ‘Cinema con perspectiva’

    A Consellería de Cultura, Educación, FP e Universidades publicou o pasado mes a resolución de centros seleccionados para participar este curso no programa Cinema con perspectiva, desenvolvido en colaboración coa asociación cultural FICBUEU. O programa, dirixido ao alumnado de 5º e 6º de Primaria e 1º e 2º de ESO, ten como obxectivo educar na identificación e tratamento […]

    22/02/2024
  • As mellores curtas neerlandesas no FICBUEU

    O venres 12 de xaneiro chega a Bueu o Premio Internacional do Público do Shortcutz Amsterdam Bueu. 4/01/2023 – Shortcutz Amsterdam é unha das principais plataformas dos Países Baixos para o talento emerxente do cinema neerlandés, brindando oportunidades de exhibición, conectando cunha audiencia nacional e internacional e facilitando as relacións entre profesionais da industria. Cada […]

    03/01/2024
  • A Residencia FICBUEU recibe o apoio do Ministerio de Cultura

    A primeira edición do programa de mellora de guións de curtametraxe é un dos proxectos beneficiarios das axudas para a acción e promoción cultural. Bueu, 14 de decembro de 2023 – A dirección xeral das industrias culturais, propiedade intelectual e cooperación, dependente do Ministerio de Cultura, publicou hoxe a resolución definitiva das axudas para a […]

    14/12/2023
← Volver

O FICBUEU pecha dúas semanas de cinema cos premios da Gala Escolas Galegas para as curtas do IES Salvaterra do Miño e o CEIP San Marcos de Abegondo

FICBUEU

I O MiniFIC despediuse tamén cun obradoiro de cinema con imaxes debuxadas, un concerto infantil e a proxección de «Curtas en Familia» cunha selección das mellores películas internacionais para todos os públicos

BUEU. 23.09.2023. O Festival Internacional de Cinema de BUEU, o FICBUEU, despediu hoxe a súa 16ª edición coa entrega dos premios da Gala Escolas Galegas, celebrada no Auditorio do Centro Social do Mar de Bueu, ás mellores curtas feitas nos centros de ensino da comunidade. Foi o remate a dúas semanas de programación deseñada para amosar a todo tipo de público as novas tendencias na creación cinematográfica e o máis recente cinema autoral en formato curto.

Na categoría de Educación Secundaria, a película gañadora foi Non estás soa. Non cales. Non te peches. Non es a culpábel, realizada por alumnas e alumnos de primeiro curso de Bacharelato do IES Salvaterra do Miño. A curta, feita ao modo dun anuncio publicitario, aborda un tema de actualidade: a saúde mental na adolescencia. Esta curta competiu con outras tres finalistas do certame: Mundo ao revés, do CPI Alcalde Xosé Pichel, de Coristanco (A Coruña), e O conto da muller lamprea e O vello máis o río, ambas presentadas polo IES As Barxas, de Moaña.

 

Da Vinci e a Mona Lisa viaxan ao futuro

O roubo da Mona Lisa foi elixida como a mellor curtametraxe no apartado de Educación Especial, Infantil e Primaria. A historia creada polas rapazas e os rapaces de sexto de Primaria do CEIP Plurilingüe San Marcos, de Abegondo (A Coruña) –Leonardo da Vinci e a Gioconda están a pasar apuros económicos e deciden viaxar ao futuro para recuperar o famoso cadro cando descobren que este desapareceu do museo– conquistou ao xurado. A súa decision non foi doada. Entre as pezas finalistas atopábanse tamén A princesa do Caurel, do CEIP Canicouva, de Vigo; Goza co teu Samaín, do CEIP Plurilingüe San Clemente de César, de Caldas de Reis; Mario o Teixugho, do CEIP Plurilingüe do Carballal, de Vigo; e O cascabel da gata, do CEIP Plurilingüe Feliciano Barrera, de Ponteareas. 

Durante a gala puideron verse todas as obras seleccionadas. Xa pola tarde, realizouse un obradoiro de cinema para construír un zoótropo xigante co que a rapazada deu vida a imaxes debuxadas, ao que seguiu o concerto de rock de Pakolas A Ramona Pequena, unha viaxe musical para chegar á lúa. A última actividade do MiniFIC no Festival foi a sección «Curtas en Familia», onde se proxectou unha selección das mellores curtametraxes internacionais de animación para todos os públicos. Foron oito as películas que se amosaron, chegadas dende Irán, Alemaña, Holanda, Austria, República Checa e España.

  • Un total de 40 centros participan este curso no programa ‘Cinema con perspectiva’

    A Consellería de Cultura, Educación, FP e Universidades publicou o pasado mes a resolución de centros seleccionados para participar este curso no programa Cinema con perspectiva, desenvolvido en colaboración coa asociación cultural FICBUEU. O programa, dirixido ao alumnado de 5º e 6º de Primaria e 1º e 2º de ESO, ten como obxectivo educar na identificación e tratamento […]

    22/02/2024
  • As mellores curtas neerlandesas no FICBUEU

    O venres 12 de xaneiro chega a Bueu o Premio Internacional do Público do Shortcutz Amsterdam Bueu. 4/01/2023 – Shortcutz Amsterdam é unha das principais plataformas dos Países Baixos para o talento emerxente do cinema neerlandés, brindando oportunidades de exhibición, conectando cunha audiencia nacional e internacional e facilitando as relacións entre profesionais da industria. Cada […]

    03/01/2024
  • A Residencia FICBUEU recibe o apoio do Ministerio de Cultura

    A primeira edición do programa de mellora de guións de curtametraxe é un dos proxectos beneficiarios das axudas para a acción e promoción cultural. Bueu, 14 de decembro de 2023 – A dirección xeral das industrias culturais, propiedade intelectual e cooperación, dependente do Ministerio de Cultura, publicou hoxe a resolución definitiva das axudas para a […]

    14/12/2023
← Volver

«A Raia», curta do IES Audiovisual de Vigo, gaña o premio Escolas de Cinema Galegas do FICBUEU

FICBUEU

I Realizada por José Antonio Mena, a película é un documental que recolle testemuñas da época do contrabando na fronteira entre o sur de Galicia e Portugal 

I Continúan as proxeccións do MiniFIC ata mañá e o sábado celebrarase a Gala Escolas Galegas, un obradoiro infantil, un concerto e o pase de «Curtas en familia»

BUEU. 21.09.2023. A Raia, curtametraxe do IES Audiovisual de Vigo, recibiu o premio do FICBUEU na categoría Escolas de Cinema Galegas e Facultades. A película, realizada por José Antonio Mena, é un documental que recolle os recordos, a través de testemuñas, do contrabando de produtos básicos como café, azucre ou aceite que tiña lugar na fronteira entre o sur de Galicia e Portunal, na raia, entre finais dos anos 40 e principios dos 50. A curta optaba ao galardón –formación audiovisual por valor de 250 euros–xunto con Cadeas, de Álvaro López, da Universidade da Coruña; Crónica dun recordo, de Zahira Teijelo, da Universidade de Vigo, e Illa cordura, de Mario Fernández, da Universidade de Santiago. Todas as películas proxectáronse no Auditorio do Centro Social do Mar de Bueu.

O FICBUEU segue a desenvolver a súa segunda e última semana de programación, dirixida ao público máis novo. Trátase do MiniFIC, que inclúe proxeccións ata mañá para o alumnado de centros de ensino cos pases das seccións Cativa, Infantil e Xuvenil. O sábado pola mañá terá lugar a Gala Escolas Galegas (11.30 horas, no Auditorio) para coñecer o resto de premios e, xa pola tarde, haberá un obradoiro para construír un zoótropo xigante (16.00 horas), un concerto con Pakolas (ás 17.00 horas, no exterior do Centro Social do Mar) e a proxección da sección Curtas en Familia (dende as 18.30 horas).

  • Un total de 40 centros participan este curso no programa ‘Cinema con perspectiva’

    A Consellería de Cultura, Educación, FP e Universidades publicou o pasado mes a resolución de centros seleccionados para participar este curso no programa Cinema con perspectiva, desenvolvido en colaboración coa asociación cultural FICBUEU. O programa, dirixido ao alumnado de 5º e 6º de Primaria e 1º e 2º de ESO, ten como obxectivo educar na identificación e tratamento […]

    22/02/2024
  • As mellores curtas neerlandesas no FICBUEU

    O venres 12 de xaneiro chega a Bueu o Premio Internacional do Público do Shortcutz Amsterdam Bueu. 4/01/2023 – Shortcutz Amsterdam é unha das principais plataformas dos Países Baixos para o talento emerxente do cinema neerlandés, brindando oportunidades de exhibición, conectando cunha audiencia nacional e internacional e facilitando as relacións entre profesionais da industria. Cada […]

    03/01/2024
  • A Residencia FICBUEU recibe o apoio do Ministerio de Cultura

    A primeira edición do programa de mellora de guións de curtametraxe é un dos proxectos beneficiarios das axudas para a acción e promoción cultural. Bueu, 14 de decembro de 2023 – A dirección xeral das industrias culturais, propiedade intelectual e cooperación, dependente do Ministerio de Cultura, publicou hoxe a resolución definitiva das axudas para a […]

    14/12/2023
← Volver

PALMARÉS FICBUEU 2023 | A curta estadounidense «Endless Sea» faise co Primeiro Premio e a canadense «Invincible» conquista o Premio do Público

FICBUEU

I A película holandesa «Ma mére et moi» obtén o Segundo Premio e a somalí «Will my parents come to see me» recibe unha mención especial do xurado

I O Festival distingue tamén a «Ulises» de Félix Brixel, mellor curtametraxe galega, e «Arquitectura Emocional 1959», de León Siminiani,  mellor cinta española

I A peza «30’ 70 60’ 120», da directora viguesa Marta Valverde, é a gañadora na sección «GZ_00», que amosa o traballo da nova xeración do audiovisual galego

I A actriz coruñesa Luísa Merelas recolleu o Premio Cinema Galego FICBUEU 2023 en recoñecemento á súa traxectoria artística 

Endless Sea, do director estadounidense Sam Shainberg, é a curtametraxe gañadora da «Sección Oficial» da 16ª edición do FICBUEU. Anunciouno onte a concelleira de Cultura de Bueu, Carmen García, nun acto celebrado no Centro Social do Mar de Bueu.  De entre as 28 a concurso, o xurado concedeulle a esta cinta o Primeiro Premio FICBUEU, dotado con 2.000 euros, «pola súa crúa enerxía, a súa desafiante produción, a súa magnética interpretación principal e un benvido toque de humor negro».

Sam Shainberg

Así se referiron os seus membros –os produtores de cinema Silvia Lobo e Manuel Monzón xunto a Mihai Chirilov, director artístico, crítico e membro da Academia de Cinema Europeo– a esta película que conta a «apaixoante historia de supervivencia» de Carol, unha muller de 70 anos «que loita contra o sistema» cando non pode mercar a súa medicación para o corazón.

A película Ma mére et moi, da realizadora holandesa Emma Branderhorst, mereceu o Segundo Premio FICBUEU por «captar de forma sutil e delicada ese momento decisivo co que todo o mundo se identifica, cando un fillo ten que crecer e unha nai ten que deixalo ir». Esa é a historia, a da moza Kees e a súa nai Lois, que reflicte esta curta. Emma Branderhorst, quen o ano pasado levou o Premio do Público con Spotless, filme no que visibiliza a pobreza menstrual, non puido recoller en persoa o galardón do Festival (dotado con 1.000 euros), pero si o fixo a guionista do filme, Nena van Driel. A encargada de entregarllo foi a vicealcaldesa de Bueu, Isabel Quintás. Van Driel falou ante o público do Festival para agradecer o premio ao xurado, que escolleu Ma mére et moi entre «tantos filmes inspiradores» e asegurou que «foi un honor que a nosa película se proxectara con todos eles». «É moi emocionante ver canta xente da zona se interesa polas curtas neste festival. É algo verdadeiramente especial», engadiu.

O xurado tamén realizou unha mención especial á cinta Will my parents come to see me, do realizador somalí Mo Harawe, «unha curtametraxe de gran forza sobre aferrarse á vida cando un se enfronta á pena de morte».

O palmarés oficial do FICBUEU 2023 complétase con dous filmes máis. Un é Ulises, obra de Félix Brixel, realizador de Rianxo, que acada o premio á mellor curtametraxe galega pola súa «historia enigmática e intrigante sobre o amor fraternal» e polos «impactantes efectos visuais» que a complementan. Brixel recibiu o galardón de mans de Fon Cortizo, da Asociación Galega de Profesionais da Dirección e Realización (CREA). A outra película distinguida é Arquitectura emocional 1959, do director cántabro León Siminiani, que leva o premio á mellor curta española. O xurado destaca dela «a súa orixinalidade lúdica, que mestura pasado e presente, amor e política, a través do cinema e a arquitectura».

O fallo do público

O Premio do Público, outorgado co seu voto polas espectadoras e os espectadores do FICBUEU, recae nesta edición na película canadense Invincible, de Vincent René-Lortie, inspirada nunha historia real. No filme, cóntase as últimas 48 horas de vida dun mozo de 14 anos recluido nun centro de menores e cunha urxente necesidade de liberdade foi a que máis impactou no público.

A actriz Luísa Merelas, homenaxeada

O galardón honorífico do certame, o Premio Cinema Galego FICBUEU, foi este ano para a actriz coruñesa Luísa Merelas, que estivo no acto celebrado en Bueu. A intérprete de series tan coñecidas como Pratos Combinados e Fariña ou películas como Los lunes al sol ou, máis recentemente, As bestas, foi homenaxeada no Festival pola súa longa traxectoria profesional e a súa contribución ao sector do audiovisual galego. 

Premios para as novas e os novos cineastas

A directora Anxos Fazáns, en nome do xurado Descubertas, foi a responsable de anunciar os premios elixidos nas categorías «GZ_00», «Descubertas» e «Escolas Internacionais». A curta 30’ 70 60’ 120, da directora viguesa Marta Valverde, fíxose co galardón na primeira das tres seccións, creada para amosar o traballo que está a facer a nova xeración de cineastas en Galicia. De feito, Valverde resultou gañadora cunha «peza arriscada que mestura xéneros e estilos saíndo estupendamente ben parada». No apartado «Descubertas» a curta vencedora nesta edición é Buurman Abdi, do holandés Douwe Dijkstra. O xurado valorou a súa orixinalidade e capacidade de transgresión, «chea de emoción e humor». En «Escolas Internacionais», espazo que amosa os traballos máis destacados que se fan en centros de cinema de todo o mundo, o premio foi para a película italiana Raíces, do Centro Sperimentale di Cinematografia.  Sara Moschini, unha das realizadoras do filme xunto a Maddalena Brozzi e Laura Cagnoni, recolleu o premio a unha película que aborda con beleza formal e sinxeleza narrativa o universo en torno á perda dun ser querido.   

Todas as curtametraxes do palmarés do FICBUEU 2023 poderán verse xuntas mañá domingo nun pase especial que terá lugar, a partir das 20.30 horas, no Auditorio do Centro Social do Mar de Bueu. 

  • Un total de 40 centros participan este curso no programa ‘Cinema con perspectiva’

    A Consellería de Cultura, Educación, FP e Universidades publicou o pasado mes a resolución de centros seleccionados para participar este curso no programa Cinema con perspectiva, desenvolvido en colaboración coa asociación cultural FICBUEU. O programa, dirixido ao alumnado de 5º e 6º de Primaria e 1º e 2º de ESO, ten como obxectivo educar na identificación e tratamento […]

    22/02/2024
  • As mellores curtas neerlandesas no FICBUEU

    O venres 12 de xaneiro chega a Bueu o Premio Internacional do Público do Shortcutz Amsterdam Bueu. 4/01/2023 – Shortcutz Amsterdam é unha das principais plataformas dos Países Baixos para o talento emerxente do cinema neerlandés, brindando oportunidades de exhibición, conectando cunha audiencia nacional e internacional e facilitando as relacións entre profesionais da industria. Cada […]

    03/01/2024
  • A Residencia FICBUEU recibe o apoio do Ministerio de Cultura

    A primeira edición do programa de mellora de guións de curtametraxe é un dos proxectos beneficiarios das axudas para a acción e promoción cultural. Bueu, 14 de decembro de 2023 – A dirección xeral das industrias culturais, propiedade intelectual e cooperación, dependente do Ministerio de Cultura, publicou hoxe a resolución definitiva das axudas para a […]

    14/12/2023
← Volver

O FICBUEU adica o seu Caderno deste ano á figura do director holandés Joris Ivens, pioneiro do cinema documental

FICBUEU

I O CadernoFICBUEU#4 creado polo programador do Festival, Severiano Casalderrey, afonda nas facetas poética, activista, viaxeira e xornalística deste realizador e repasa a súa prolífica filmografía no mundo das curtametraxes

I A publicación conta co apoio da Secretaría Xeral de Política Lingüística, que colabora con esta colección editorial sobre cinema dende a súa primeira edición

BUEU. 16.09.2023. «O Festival Internacional de Cinema de Bueu, o FICBUEU, presentou esta mañá o CadernoFICBUEU#4, centrado na figura e na traxectoria cinematográfica do director holandés Joris Ivens, lenda do cinema documental con conciencia social. 

A publicación, obra de Severiano Casalderrey, que tamén é o programador do Festival, forma parte da serie de monografías editadas polo FICBUEU que acompañan á «Sección Retrospectiva» do certame.  A colección de volumes conta co apoio da Secretaría Xeral de Política Lingüística da Consellería de Cultura, Educación, Formación Profesional e Universidades desde a súa primeira edición, en 2020.

O público do Festival poderá asistir mañá ás proxeccións de catro curtametraxes documentais de Ivens. A sesión é de balde previa reserva de entrada na tenda e liña do Festival ou no despacho de billetes do Centro Social do Mar de Bueu.

 

Todas as facetas dun documentalista excepcional

O obxectivo dos cadernos do FICBUEU é achegar ao público a obra de importantes cineastas e o contexto histórico na que desenvolveron o seu traballo e contribuír a incrementar a historiografía do formato da curtametraxe, habitualmente excluído das salas de cinema e dos circuítos de distribución.

O volume número catro, baixo o título A expansion do documental a través das curtametraxes de Joris Ivens (1898-1989), afonda en catro capítulos distintos as facetas poética, de activismo social, viaxeira e de cronista de guerra do realizador holandés. Ivens foi un dos máis grandes documentalistas do cinema mundial de todos os tempos e cunha extensa filmografía que abarca máis de medio centenar de curtas filmadas nunha vintena de países.

Severiano Casalderrey repasou os contidos da monografía e explicou a importancia da curtametraxe na obra de Ivens, facendo fincapé nos catro filmes que se amosarán na «Retrospectiva»: Regen, sobre a chuvia en ÁmsterdamBorinage, sobre as folgas mineiras en Bélxica; Indonesia Calling, co foco na independencia do país asiático cando aínda era colonia holandesa; e Le ciel, la terre (O ceo, a terra), na que aborda a Guerra do Vietnam.

«XXXX», explicou hoxe Casalderrey na presentación, que tivo lugar na sala de exposicións Amalia Domínguez Búa de Bueu.

Participou tamén no acto Valentín García Gómez, secretario xeral de Política Lingüística, quen destacou a colaboración da Xunta na iniciativa e sinalou que as publicacións están dispoñibles para ser consultadas en diferentes bibliotecas públicas galegas, así como en institucións de ámbito nacional relacionadas co cinema: «XXXX».

O caderno sobre Joris Ivens está á venda por 10 euros no sitio web do Festival e tamén pode mercarse estes días no carriño de produtos FICBUEU ubicado xunto ao Centro Social do Mar. 

Últimas actividades da semana

As catro curtametraxes de Ivens incluídas na «Retrospectiva» exhibiranse nun pase que terá lugar mañá domingo ás 18.00 horas no Auditorio do Centro Social do Mar. Ás 20.30 horas chegará a proxección do Palmarés 2023, con todas as curtas gañadoras nesta edición do FICBUEU.

  • Un total de 40 centros participan este curso no programa ‘Cinema con perspectiva’

    A Consellería de Cultura, Educación, FP e Universidades publicou o pasado mes a resolución de centros seleccionados para participar este curso no programa Cinema con perspectiva, desenvolvido en colaboración coa asociación cultural FICBUEU. O programa, dirixido ao alumnado de 5º e 6º de Primaria e 1º e 2º de ESO, ten como obxectivo educar na identificación e tratamento […]

    22/02/2024
  • As mellores curtas neerlandesas no FICBUEU

    O venres 12 de xaneiro chega a Bueu o Premio Internacional do Público do Shortcutz Amsterdam Bueu. 4/01/2023 – Shortcutz Amsterdam é unha das principais plataformas dos Países Baixos para o talento emerxente do cinema neerlandés, brindando oportunidades de exhibición, conectando cunha audiencia nacional e internacional e facilitando as relacións entre profesionais da industria. Cada […]

    03/01/2024
  • A Residencia FICBUEU recibe o apoio do Ministerio de Cultura

    A primeira edición do programa de mellora de guións de curtametraxe é un dos proxectos beneficiarios das axudas para a acción e promoción cultural. Bueu, 14 de decembro de 2023 – A dirección xeral das industrias culturais, propiedade intelectual e cooperación, dependente do Ministerio de Cultura, publicou hoxe a resolución definitiva das axudas para a […]

    14/12/2023
← Volver

O FICBUEU lembra as curtas documentais do holandés Joris Ivens, lenda do cinema con conciencia social

FICBUEU

I Poeta, activista, aventureiro e cronista de guerra, o Festival presentará mañá unha monografía sobre o realizador, que filmou máis de medio centenar de películas por todo o mundo durante os seus 60 anos de carreira

I O domingo achegará a súa filmografía ao público coa proxección de catro das súas curtametraxes máis icónicas na «Sección Retrospectiva»

BUEU. 15.09.2023. «Foi unha persoa inqueda, sempre de aquí para aló». A longa lista de países nos que filmou o cineasta Joris Ivens (Nimega, Países Baixos, 1898-París, 1989) supera a vintena, nos cinco continentes, e respalda as palabras de Severiano Casalderrey, programador do FICBUEU. O Festival Internacional de Cinema de Bueu dedica este ano a súa «Sección Retrospectiva» a este realizador holandés, un dos máis grandes documentalistas do cinema mundial de todos os tempos: unha lenda dun formato cinematográfico habitualmente excluído das salas de cinema e dos circuítos de distribución. 

Catro das curtas máis icónicas da  extensa filmografía de Joris Ivens proxectaranse na tarde do domingo (18.00 horas) no auditorio do Centro Social do Mar en Bueu. As entradas están dispoñibles na tenda online do FICBUEU. Tamén poderán mercarse no despacho de billetes do Centro Social do Mar dende unha hora antes das proxeccións.

 

Caderno FICBUEU

Mañá sábado (11.30 horas), Casalderrey presentará no Festival unha monografía sobre o director holandés, da que é autor e que leva por título A expansion do documental a través das curtametraxes de Joris Ivens (1898-1989). Será o cuarto dos Cadernos FICBUEU –tras os dedicados á Nouvelle Vague, a National Film Board of Canada (a maior produtora de carácter público do mundo) e á Escola Oficial de Cinematografía (o primeiro centro de estudios cinematográficos de España)– cos que o certame busca poñer en valor obras e cineastas que tiveron un importante papel na historia do cinema. A publicación achegará ao público a figura de Ivens, quen foi testemuña coa súa cámara dos máis importantes cambios sociais, crises, guerras e revolucións do século XX.

O Caderno está apoiado pola Secretaría Xeral de Política Lingüística, que leva  colaborando coa iniciativa dende a súa primeira edición. 

O holandés filmou máis de medio centenar de películas nas súas seis décadas de carreira, dende a súa primeira curtametraxe, o western A frecha ardente, que fixo axudado polo seu pai cando só tiña 13 anos, ata a última, Unha historia de vento, sobre China, que filmou só un ano antes de morrer.

 

Mirada poética e tamén comprometida 

Caderno e películas van da man no FICBUEU co obxectivo de subliñar catro facetas clave do director holandés. A de cineasta poético, influenciado polas vangardas artísticas de principios de século, amosarase coa curta Regen (Chuvia), unha exploración abstracta dos efectos da chuvia nunha cidade coma Ámsterdam. A súa vertente activista (a conciencia social foi o motor permanente do seu traballo ata o final da súa vida: uns días antes da súa morte participou en París, aos 91 anos, nunha multitudinaria protesta contra as masacres da Praza de Tiananmen) reflictirase en Borinage, curta sobre as folgas mineiras en Bélxica. O seu espírito aventureiro representarase na terceira peza incluida na proxección, Indonesia Calling, coa que Ivens apoiou aos independentistas cando o país asiático era aínda unha colonia holandesa. E verase tamén a súa faceta de cronista de guerra, porque filmou case todas: a Guerra Civil Española (con Ernest Hemingway e Orson Welles), a Segunda Guerra Mundial, a Revolución Cubana ou a Guerra do Vietnam, escenario de Le ciel, la terre (O ceo, a terra), que pecha a proxección retrospectiva do Festival. «As súas películas son un retrato do pasado século arredor do mundo», resume Casalderrey.

 

Concerto de rap galego, máis curtas e a entrega de premios

A programación de mañá sábado no FICBUEU inclúe tamén o concerto do grupo de rap compostelán Malandrómeda (12.30 horas), as dúas últimas sesións de exhibición das curtametraxes que compiten na «Sección Oficial» e a entrega dos premios FICBUEU 2023. O palmarés desta 16ª edición se fará público nun acto que terá lugar no Centro Social do Mar de Bueu a partir das 23.00 horas.

  • Un total de 40 centros participan este curso no programa ‘Cinema con perspectiva’

    A Consellería de Cultura, Educación, FP e Universidades publicou o pasado mes a resolución de centros seleccionados para participar este curso no programa Cinema con perspectiva, desenvolvido en colaboración coa asociación cultural FICBUEU. O programa, dirixido ao alumnado de 5º e 6º de Primaria e 1º e 2º de ESO, ten como obxectivo educar na identificación e tratamento […]

    22/02/2024
  • As mellores curtas neerlandesas no FICBUEU

    O venres 12 de xaneiro chega a Bueu o Premio Internacional do Público do Shortcutz Amsterdam Bueu. 4/01/2023 – Shortcutz Amsterdam é unha das principais plataformas dos Países Baixos para o talento emerxente do cinema neerlandés, brindando oportunidades de exhibición, conectando cunha audiencia nacional e internacional e facilitando as relacións entre profesionais da industria. Cada […]

    03/01/2024
  • A Residencia FICBUEU recibe o apoio do Ministerio de Cultura

    A primeira edición do programa de mellora de guións de curtametraxe é un dos proxectos beneficiarios das axudas para a acción e promoción cultural. Bueu, 14 de decembro de 2023 – A dirección xeral das industrias culturais, propiedade intelectual e cooperación, dependente do Ministerio de Cultura, publicou hoxe a resolución definitiva das axudas para a […]

    14/12/2023
← Volver

O FICBUEU incrementa case un 40% o público da súa sección oficial e volve colgar o cartel de ‘non hai entradas’ para algunhas actividades

FICBUEU

I Na penúltima xornada de proxección de filmes a concurso, a deste venres, exhibiranse nove curtametraxes de ficción, animación e documentais chegadas de 8 países de 3 continentes 

BUEU. 14.08.2023. O pasado sábado, o FICBUEU penduraba o cartel de ‘Non hai entradas’ para a proxección do filme 20.000 especies de abellas, da realizadora Estibaliz Urresola preseleccionado para os Oscar. Era o segundo día do Festival e resultou un bo sinal. Durante as tres primeiras xornadas da «Sección Oficial», o público incrementouse en máis dun 37%. Algunhas das sesións de tarde, en concreto as das 19.30 horas, tiveron ocupación próximas ao 90%. 

O movemento do despacho electrónico de entradas permite avanzar xa un alto nivel de ocupación en diferentes proxeccións desta fin de semana. É o caso da sesión de curtametraxes a concurso da tarde do venres. 

A programación da fin de semana ten entre os seus atractivos a retrospectiva adicada ao documentalista holandés Joris Ivens, un dos grandes do xénero na historia do cinema, o concerto da banda compostelá de rap Malandrómeda e o acto da entrega dos premios FICBUEU 2023. 

 

Penúltima xornada de proxeccións da «Sección Oficial»

Pero antes, mañá venres, o Festival proxectará 9 das 28 curtametraxes a concurso da «Sección Oficial». Os pases (ás 19.30 e ás 21.30 horas) reunirán na pantalla do Auditorio do Centro Social do Mar de Bueu películas de ficción, animación e documentais chegadas de Canadá, Chipre, Reino Unido, Grecia, Portugal, Hungría, Somalia e España, país con dúas candidatas a premio: Aqueronte, do sevillano Manuel Muñoz Rivas (filme que combina drama e xénero fantástico, galardoado xa no Festival de Rótterdam) e Alicia fai cousas, do director e guionista galego Ángel Santos, que acadou catro dos principais premios na pasada edición do Festival de Cans. 

O realizador de Marín tamén será quen protagonizará o espazo «Coloquio con cineastas» que terá lugar mañá entre as dúas sesións de películas. Ángel Santos conversará co público do FICBUEU (21.00 horas) tras a proxección da súa curtametraxe para afondar no seu significado e no proceso creativo que desenvolveu durante a súa realización.

 

«Saltos de Eje» pecha a sección dos podcasts en vivo

Mañá finalizará tamén a sección «Cinema e Radio», que dende o luns ten permitido ao público do certame escoitar en directo diferentes programas radiofónicos especializados en cinema. O podcast mensual Saltos de Eje gravarase en vivo (18.00 horas, na Sala Amalia Domínguez Búa, punto de encontro do Festival) e permitirá achegarse a un espazo de reflexión e diálogo sobre a industria cinematográfica actual, así como coñecer cara onde se dirixe ou cales son os seus principais retos e oportunidades. Diego Rufo, creador e coordinador do podcast, ademais de realizador e crítico, presentará o programa dende Bueu.

  • Un total de 40 centros participan este curso no programa ‘Cinema con perspectiva’

    A Consellería de Cultura, Educación, FP e Universidades publicou o pasado mes a resolución de centros seleccionados para participar este curso no programa Cinema con perspectiva, desenvolvido en colaboración coa asociación cultural FICBUEU. O programa, dirixido ao alumnado de 5º e 6º de Primaria e 1º e 2º de ESO, ten como obxectivo educar na identificación e tratamento […]

    22/02/2024
  • As mellores curtas neerlandesas no FICBUEU

    O venres 12 de xaneiro chega a Bueu o Premio Internacional do Público do Shortcutz Amsterdam Bueu. 4/01/2023 – Shortcutz Amsterdam é unha das principais plataformas dos Países Baixos para o talento emerxente do cinema neerlandés, brindando oportunidades de exhibición, conectando cunha audiencia nacional e internacional e facilitando as relacións entre profesionais da industria. Cada […]

    03/01/2024
  • A Residencia FICBUEU recibe o apoio do Ministerio de Cultura

    A primeira edición do programa de mellora de guións de curtametraxe é un dos proxectos beneficiarios das axudas para a acción e promoción cultural. Bueu, 14 de decembro de 2023 – A dirección xeral das industrias culturais, propiedade intelectual e cooperación, dependente do Ministerio de Cultura, publicou hoxe a resolución definitiva das axudas para a […]

    14/12/2023
← Volver

O cinema con perspectiva feminina protagonizará mañá un novo coloquio no FICBUEU

FICBUEU

I A viguesa Andrea Zapata-Girau, directora de «Ruovesi», e as actrices de «Anansi», as francesas Chanel Victor e Marie-Solange Oussou, manterán un encontro co público do Festival tras a proxección das súas curtas, que compiten na «Sección Oficial» 

I O podcast «Cine Divergente» tomará o relevo no espazo «Cinema e Radio» para achegar o máis destacado da programación do Festival

BUEU. 13.08.2023. O Festival Internacional de Cinema de Bueu, que dende a vila pontevedresa amosa cada ano as novas tendencias de creación cinematográfica e de cinema autoral, porá o seu foco de novo na perspectiva das mulleres que traballan no sector audiovisual. O espazo «Coloquios con cineastas» reunirá mañá a unha directora e dúas actrices de dúas das curtametraxes seleccionadas na «Sección Oficial» do certame. A viguesa Andrea Zapata-Girau, autora de Ruovesi, e as francesas Chanel Victor e Marie-Solange Oussou, actrices de Anansi, falarán co público do FICBUEU sobre as claves dos procesos creativos nas súas respectivas películas. O encontro celebrarase a partir das 21.00 horas na Sala Amalia Domínguez Búa, tras a proxección das curtas.

Andrea Zapata-Girau, cineasta e montadora que vive entre Galicia e Finlandia, país no que fixo os seus primeiros filmes, conversará sobre o significado do desterro xeográfico e familiar e a loita interior e política dunha muller superviviente da represión militar chilena e da relación coa súa neta. É a historia que plasma na súa curta, estreada este mesmo ano e baseada, ademais, na vida da actriz que interpreta o papel principal. O título Ruovesi vén do nome do lago da poboación finesa na que está ambientada a película. 

A realizadora e guionista viguesa estará acompañada no coloquio de mañá por Chanel Victor e Marie-Solange Oussou, protagonista e actriz secundaria na película Anansi, obra da directora francesa de orixe africana Aude N’Guessan Forget e producida pola escola de cine de París La Fémis, onde se formou. Chanel Victor, quen tamén é pintora e fotógrafa, dá vida nesta curtametraxe a unha moza que traballa nunha peluquería, que sofre a diario fortes dores de ventre e cuxa vida se convirte nun inferno cando esa dor aumenta. A historia parte da propia experiencia da directora da curta.  

 

Segue a radio no FICBUEU

Mañá chegará tamén a cuarta entrega do espazo dedicado polo FICBUEU ao medio radiofónico como vehículo de difusión cultural e cinematográfica. «Cinema e Radio» terá como convidado ao podcast Cinema Divergente, un programa que se define como un proceso intelectual de unión entre cinema e outras manifestacións culturais para falar de tendencias, autoras e autores e o circuito menos comercial. Álvaro Peña, Javier Acevedo e Yago París gravarán en directo un novo episodio do seu podcast no que achegarán a programación máis destacada do FICBUEU. A actividade comezará ás 18.00 horas no punto de encontro do Festival e a entrada é gratuíta. 

  • Un total de 40 centros participan este curso no programa ‘Cinema con perspectiva’

    A Consellería de Cultura, Educación, FP e Universidades publicou o pasado mes a resolución de centros seleccionados para participar este curso no programa Cinema con perspectiva, desenvolvido en colaboración coa asociación cultural FICBUEU. O programa, dirixido ao alumnado de 5º e 6º de Primaria e 1º e 2º de ESO, ten como obxectivo educar na identificación e tratamento […]

    22/02/2024
  • As mellores curtas neerlandesas no FICBUEU

    O venres 12 de xaneiro chega a Bueu o Premio Internacional do Público do Shortcutz Amsterdam Bueu. 4/01/2023 – Shortcutz Amsterdam é unha das principais plataformas dos Países Baixos para o talento emerxente do cinema neerlandés, brindando oportunidades de exhibición, conectando cunha audiencia nacional e internacional e facilitando as relacións entre profesionais da industria. Cada […]

    03/01/2024
  • A Residencia FICBUEU recibe o apoio do Ministerio de Cultura

    A primeira edición do programa de mellora de guións de curtametraxe é un dos proxectos beneficiarios das axudas para a acción e promoción cultural. Bueu, 14 de decembro de 2023 – A dirección xeral das industrias culturais, propiedade intelectual e cooperación, dependente do Ministerio de Cultura, publicou hoxe a resolución definitiva das axudas para a […]

    14/12/2023
← Volver

Voces de Holanda, Finlandia e Galicia falan mañá sobre cinema no FICBUEU

FICBUEU

I A directora Hanna Hovitie, a guionista Nena van Driel e o realizador Félix Brixel manterán un encontro tras a proxección das súas curtas na «Sección Oficial» 

I «El Cine de LoQueYoTeDiga» da Cadena SER, podcast de referencia en información cinematográfica dende hai máis de 30 anos, gravarase en directo e con público dende as instalacións do Festival

BUEU. 12.08.2023. As voces de tres cineastas con películas que compiten na «Sección Oficial» do FICBUEU atoparanse mañá, a partir das 21.00 horas, nun coloquio no que falarán sobre creación cinematográfica. O encontro organizado polo Festival Internacional de Cinema de Bueu celebrarase tras a proxección das súas curtametraxes e permitirá ao público afondar nas películas e no seu proceso creativo.

Dúas das cineastas chegan do norte de Europa. Unha delas é a finlandesa Hanna Hovitie, directora e guionista de Square the Circle, unha comedia visualmente innovadora –enmarcada nun círculo en lugar do habitual cadrado fílmico– que fai autocrítica sobre o infinito, o espazo e a procrastinación nunha singular homenaxe a aquelas persoas que sinten que non pertencen. Estará acompañada no coloquio pola holandesa Nena van Driel, autora do guión de dúas das películas a concurso no certame: a que se proxectará mañá, Magma, de Luca Meisters, a historia dunha nena de 9 anos á que lle custa recoñecer a nova realidade da recente discapacidade do seu pai, e Ma mère et moi, a viaxe en coche e emocional dunha filla e a súa nai filmada por Emma Branderhorst, quen gañou na pasada edición o Premio do Público FICBUEU coa curta  Spotless

Hovitie e Van Driel conversarán tamén con Félix Brixel, profesor universitario e realizador galego que presenta no FICBUEU a súa primeira curta profesional. Ulises, historia dun home cun severo trastorno psicomotor que é coidado polo seu irmán e que un día decide enterrarse en vida, estivo nominada no Festival de Málaga e acadou os premios á mellor fotografía e á mellor dirección no de Cans.

Continúa tamén mañá o espazo «Cinema e Radio». O público do FICBUEU poderá asistir a partir das 18.00 horas á gravación en directo dun episodio do podcast «El Cine de LoQueYoTeDiga», que emite a Cadena SER. Dirixido por Nacho Gonzalo, o programa é un dos referentes radiofónicos de información cinematográfica en España dende hai máis de trinta anos, combinando sempre rigorosidade e entretemento. En Bueu, Gonzalo falará sobre o sector audiovisual e a programación do festival. A entrada é libre. 

  • Un total de 40 centros participan este curso no programa ‘Cinema con perspectiva’

    A Consellería de Cultura, Educación, FP e Universidades publicou o pasado mes a resolución de centros seleccionados para participar este curso no programa Cinema con perspectiva, desenvolvido en colaboración coa asociación cultural FICBUEU. O programa, dirixido ao alumnado de 5º e 6º de Primaria e 1º e 2º de ESO, ten como obxectivo educar na identificación e tratamento […]

    22/02/2024
  • As mellores curtas neerlandesas no FICBUEU

    O venres 12 de xaneiro chega a Bueu o Premio Internacional do Público do Shortcutz Amsterdam Bueu. 4/01/2023 – Shortcutz Amsterdam é unha das principais plataformas dos Países Baixos para o talento emerxente do cinema neerlandés, brindando oportunidades de exhibición, conectando cunha audiencia nacional e internacional e facilitando as relacións entre profesionais da industria. Cada […]

    03/01/2024
  • A Residencia FICBUEU recibe o apoio do Ministerio de Cultura

    A primeira edición do programa de mellora de guións de curtametraxe é un dos proxectos beneficiarios das axudas para a acción e promoción cultural. Bueu, 14 de decembro de 2023 – A dirección xeral das industrias culturais, propiedade intelectual e cooperación, dependente do Ministerio de Cultura, publicou hoxe a resolución definitiva das axudas para a […]

    14/12/2023
← Volver

A primeira Residencia FICBUEU reunirá en Ons a catro cineastas para desenvolveren os seus proxectos con Isabel Peña,guionista de «As bestas»

FICBUEU

O Festival, que recibiu 122 propostas de realizadoras e realizadores de toda España, procura pezas «cunha visión autoral xenuina e unha concepción narrativa innovadora»

BUEU. 11.08.2023. O FICBUEU, que cada ano amosa o mellor cinema autoral e as principais tendencias cinematográficas en formato curto, presentou esta mañá o seu programa de residencias para cineastas en Ons. Trátase dun proxecto formativo creado para lle dar pulo a novos proxectos audiovisuais. Profesionais de prestixio titorizarán a realizadoras e realizadores na creación de películas que aínda están en fase de desenvolvemento.

O programa, no que o Festival comezou traballar hai dous anos, conta co apoio da Secretaría Xeral da Igualdade e a Axencia Galega de Industrias Culturais (AGADIC). «Que ademais a residencia sexa de curtas é un valor diferencial, porque nos decatamos de que en España non hai practicamente nada similar», sinalou na presentación María Ruiz-Falcó, co-directora do FICBUEU, quen tamén quixo agradecer ao público a boa acollida que está a ter o certame, que continuará coa súa programación ata o vindeiro día 23.

Nesta primeira Residencia FICBUEU, que terá lugar do 9 ao 15 de outubro en Ons, son catro os proxectos seleccionados de entre os 122 que se recibiron dende todo o territorio español, un tercio deles dende Galicia. A titora será Isabel Peña (Zaragoza, 1983), guionista de películas coma As bestas ou El reino –coas que gañou sendos Goyas–, Stockholm, ou Que Dios nos perdone y de series coma Antidisturbios. Para María Ruiz-Falcó, «é un luxo estrear o programa con ela, poder contar cunha muller coa súa traxectoria e a súa altísima calidade profesional».

Calidades e variedade dos proxectos 

Para a selección dos proxectos, o equipo do FICBUEU fixo unha escolma inicial de 15 filmes candidatos. Despois, e en colaboración coa propia Isabel Peña, seleccionou os catro proxectos finalistas: son os de dúas directoras, Alicia Úbeda e Ángela Andrada, ambas de A Coruña, e dous directores, Jordi Sanz, de Barcelona, e Pablo Vilas, de Tenerife. «Valoramos moito a visión autoral xenuina e a concepción narrativa innovadora á hora de escoller. Son catro proxectos moi diferentes entre si, moi interesantes e con moita calidade no guion», engadiu Manuel Pena, tamén co-director do FICBUEU, sobre os traballos que forman parte do programa. 

Alicia Úbeda, que asistiu á presentación da residencia, participará con Garabato, un proxecto de curtametraxe autobiográfica sobre dúas irmás de 14 e 7 anos que coidan dunha nai alcohólica. «Síntome moi afortunada de entrar neste programa e encántame que sexa de curtas porque teñen unha linguaxe propia que hai que pór en valor», dixo na súa intervención. Para esta directora e guionista coruñesa, a súa historia é «unha mirada hacia dentro» que mestura autoficción e documental e que «colle unha experiencia traumática para contala outra vez e facela menos dolorosa».

Avisa cuando llegues é a proposta da guionista Ángela Andrade, a historia dunha moza de 21 anos que quere recuperar a súa vida, superar o medo e volver saír a divertirse seis meses despois de sufrir unha agresión sexual. Jordi Sanz, pola súa banda, foi elixido por Sismes, unha peza coa que explorará a memoria e os recordos a través dunha muller divorciada que regresa dez anos despois á illa volcánica onde pasou a súa lúa de mel e ten a obsesión de gravarse en vídeo para recrear as imaxes nas que só aparecía o seu ex marido. Barranco sin fondo é a proposta que Pablo Vilas quere desenvolver para contar a historia dunha adolescente que recorre cun dron os barrancos preto da súa casa e atopa un cabrito que quere adoptar.

Titorías personalizadas e actividades conxuntas

A primeira Residencia FICBUEU permitirá aos catro finalistas mellorar a calidade e a viabilidade das súas ideas, fornecendo a súa visión, linguaxe e ton personal, ademais de adquirir os recursos necesarios para obter unha perspectiva multidisciplinar do proceso de produción. A metodoloxía que empregarán estará baseada nas titorías personalizadas, as formacións específicas e nas actividades prácticas conxuntas (mesas redondas e encontros one to one) que favorecerán a cooperación e posta en valor de perspectivas diversas. «O plan é que traballen moito para sacar o máximo proveito da súa estancia», afirmou Manuel Pena.

Ademais de Isabel Peña, traballarán tamén cos residentes a doutora, guionista e antropóloga Carmen Ávalos, quen abordará o guion desde a perspectiva de xénero; Pablo Lamosa, director de Cormorán VFX, quen afondará nos recursos orientados á mellora dos aspectos visuais dos proxectos; e a profesora e investigadora Elena Neira, quen dará a coñecer as novas vías de distribución para o cinema.

Ao remate da residencia, un dos catro proxectos de guion optará a ser producido pola produtora galega Nortecatro Cinema. «Xa viñamos facendo clases de guion e pequenos cursos de rodaxe, pero queriamos ter un gran programa profesional e completo de apoio a ideas dende o seu inicio, co que se vexan resultados. Por iso imos intentar que un dos proxectos sexa realidade e pechar o círculo», rematou Manuel Pena.

A I Residencia FICBUEU conta coa subvención do Ministerio de Cultura y Deporte e o patrocinio Xunta de Galicia a través da Consellería de Promoción do Emprego e Igualdade e a Consellería de Cultura, Educación, Formación Profesional e Universidades.

  • Un total de 40 centros participan este curso no programa ‘Cinema con perspectiva’

    A Consellería de Cultura, Educación, FP e Universidades publicou o pasado mes a resolución de centros seleccionados para participar este curso no programa Cinema con perspectiva, desenvolvido en colaboración coa asociación cultural FICBUEU. O programa, dirixido ao alumnado de 5º e 6º de Primaria e 1º e 2º de ESO, ten como obxectivo educar na identificación e tratamento […]

    22/02/2024
  • As mellores curtas neerlandesas no FICBUEU

    O venres 12 de xaneiro chega a Bueu o Premio Internacional do Público do Shortcutz Amsterdam Bueu. 4/01/2023 – Shortcutz Amsterdam é unha das principais plataformas dos Países Baixos para o talento emerxente do cinema neerlandés, brindando oportunidades de exhibición, conectando cunha audiencia nacional e internacional e facilitando as relacións entre profesionais da industria. Cada […]

    03/01/2024
  • A Residencia FICBUEU recibe o apoio do Ministerio de Cultura

    A primeira edición do programa de mellora de guións de curtametraxe é un dos proxectos beneficiarios das axudas para a acción e promoción cultural. Bueu, 14 de decembro de 2023 – A dirección xeral das industrias culturais, propiedade intelectual e cooperación, dependente do Ministerio de Cultura, publicou hoxe a resolución definitiva das axudas para a […]

    14/12/2023
O teu carriño 0
Non hai produtos na cesta!
Continuar comprando
0
Skip to content