Please ensure Javascript is enabled for purposes of website accessibility Novas arquivos • FICBUEU
FESTIVAL INTERNACIONAL DE CINEMA DE BUEU

Un total de 40 centros participan este curso no programa ‘Cinema con perspectiva’

← Volver

Un total de 40 centros participan este curso no programa ‘Cinema con perspectiva’

FICBUEU
  • O programa ten como obxectivo educar na identificación e tratamento dos estereotipos sexistas presentes nas narrativas audiovisuais
  • O alumnado participante tamén poderá crear unha sinxela produción audiovisual con perspectiva de xénero

A Consellería de Cultura, Educación, FP e Universidades publicou o pasado mes a resolución de centros seleccionados para participar este curso no programa Cinema con perspectiva, desenvolvido en colaboración coa asociación cultural FICBUEU.

O programa, dirixido ao alumnado de 5º e 6º de Primaria e 1º e 2º de ESO, ten como obxectivo educar na identificación e tratamento dos estereotipos sexistas presentes na narrativa do cinema e noutras formas de expresión audiovisual. Así mesmo, o alumnado participante poderá crear un produto (guión, plan de rodaxe, etc.) para pór en escena unha sinxela produción audiovisual con perspectiva de xénero.

O programa desenvolverase ao longo do segundo e terceiro trimestre do curso 2023/24 e divídese en dúas actividades diferentes. A primeira delas consiste na proxección de curtametraxes con temática en igualdade de xénero, que ten como base fomentar entre o alumnado a reflexión sobre o papel da muller na sociedade, a violencia de xénero e as desigualdades. Unha vez concluída a proxección desenvolverase un coloquio que será moderado e dirixido por unha persoa experta, que tratará de estimular a capacidade reflexiva e analítica do alumnado sobre os valores e as mensaxes ocultas en materia de igualdade presentes nas filmacións.

A segunda actividade é un obradoiro educativo para a creación dunha sinxela produción audiovisual. En cada centro educativo participante desenvolverase unha produción audiovisual con temática en igualdade de xénero, sexa curtametraxe, anuncio publicitario, vídeo musical, ou entrevista, entre outros formato. O argumento e a posta en escena reflectirán contidos sobre o significado da igualdade e a equidade entre mulleres e homes, os estereotipos e os roles de xénero, ou o empoderamento da muller, desde unha perspectiva didáctica que permita comprender ao alumnado a realidade desta situación desde o enfoque dun proceso social en construción e de cambio positivo.

A iniciativa enmárcase na Estratexia Galega de Convivencia Escolar, que contempla como un dos seus principios a consecución efectiva da igualdade de dereitos e oportunidades entre mulleres e homes e na igualdade de trato e non discriminación as persoas en función da súa condición sexual.

  • Un total de 40 centros participan este curso no programa ‘Cinema con perspectiva’

    A Consellería de Cultura, Educación, FP e Universidades publicou o pasado mes a resolución de centros seleccionados para participar este curso no programa Cinema con perspectiva, desenvolvido en colaboración coa asociación cultural FICBUEU. O programa, dirixido ao alumnado de 5º e 6º de Primaria e 1º e 2º de ESO, ten como obxectivo educar na identificación e tratamento […]

    22/02/2024
  • As mellores curtas neerlandesas no FICBUEU

    O venres 12 de xaneiro chega a Bueu o Premio Internacional do Público do Shortcutz Amsterdam Bueu. 4/01/2023 – Shortcutz Amsterdam é unha das principais plataformas dos Países Baixos para o talento emerxente do cinema neerlandés, brindando oportunidades de exhibición, conectando cunha audiencia nacional e internacional e facilitando as relacións entre profesionais da industria. Cada […]

    03/01/2024
  • A Residencia FICBUEU recibe o apoio do Ministerio de Cultura

    A primeira edición do programa de mellora de guións de curtametraxe é un dos proxectos beneficiarios das axudas para a acción e promoción cultural. Bueu, 14 de decembro de 2023 – A dirección xeral das industrias culturais, propiedade intelectual e cooperación, dependente do Ministerio de Cultura, publicou hoxe a resolución definitiva das axudas para a […]

    14/12/2023
← Volver

As mellores curtas neerlandesas no FICBUEU

FICBUEU

O venres 12 de xaneiro chega a Bueu o Premio Internacional do Público do Shortcutz Amsterdam

Bueu. 4/01/2023 – Shortcutz Amsterdam é unha das principais plataformas dos Países Baixos para o talento emerxente do cinema neerlandés, brindando oportunidades de exhibición, conectando cunha audiencia nacional e internacional e facilitando as relacións entre profesionais da industria. Cada ano, en colaboración con outras institucións e festivais de todo o mundo, Shortcutz Amsterdam convida ao público internacional a escoller a súa curtametraxe neerlandesa favorita do ano. 

Ata o 19 de xaneiro, as persoas interesadas poden asistir ás proxeccións que se levarán a cabo en todo o mundo, desde Berlín e Londres ata Atenas ou Maputo, pasando por Galicia por primeira vez. 

Será o venres 12 de xaneiro ás 21:00h cando o FICBUEU acolla a proxección dos seis filmes que optan ao premio. O evento terá lugar no Centro Social do Mar de Bueu, onde se celebra o certame cada ano. Para asistir é preciso mercar entrada a través da tenda web do festival bueuense (www.ficbueu.com/tenda) ou no despacho de billetes do auditorio da vila a partir das 20:30h. 

Durante a proxección, a organización proporcionará á audiencia papeletas para participar na votación global e escoller a mellor curtametraxe. A gañadora xeral revelaráse na cerimonia de entrega de premios do 11º Shortcutz Amsterdam o 21 de xaneiro de 2024. 

AS CURTAMETRAXES 

Os filmes que conforman a sesión foron seleccionadas polo xurado de Shortcutz Amsterdam, con personalidades destacadas da industria cinematográfica como o produtor Jan Harlan (‘The Shining’), Christopher Mack de Netflix International Originals, a actriz Elise Schaap (‘Ferry’), o director Roel Reiné (‘Marvel’s Inhumans’), a actriz Willeke van Ammelrooy (‘Antonia’s Line’), o director Eddy Terstall (‘Simon’), a Xefa de Drama NTR Marina Blok, o ex programador sénior de Eye e xefe de adquisicións René Wolf, a actriz Nora El Koussour (‘Layla M’) e o artista Laser 3.14. 

Este equipo escolleu un total de seis curtametraxes de diferentes xéneros entre as que se atopa a futura gañadora do Premio á Mellor Curtametraxe Neerlandesa de 2023: 

  • A CAPPELLA IN D MINOR, Malu Janssen | Drama | 20’00’’ 

Durante unha calorosa tarde de verán, Stella e o seu ex, Paul, reciben aos pais da moza do seu fillo, Annelies e Rindert, para cear no seu xardín. Axiña queda claro que a cita foi axendada para responder a unha pregunta dos fillos: poden durmir xuntos? Conforme cae a noite e os pais tentan formular unha resposta xuntos, este breve drama enfróntaos ás súas propias experiencias, proxeccións e á idea de crianza. 

  • FLY, Patty Stenger | Animación | 02’25’’ 

Margot é coidada meticulosamente pola súa filla. Pero a Margot non lle gusta sentarse no sofá cun vestido resistente ás manchas, agardando a súa morte. Quere outro home na súa vida! Achégase aos homes a través de anuncios no xornal. Quere bailar! E fumar! E beber! A súa filla acende unha vela polo seu finado pai cada día e espanta enfadada aos homes da casa. Tamén trata de desfacerse do crecente número de moscas. En van, as moscas resultan ser amigas de Margot. E voará.

  • GNOMES, Ruwan Heggelman | Terror | 05’56’’ 

Sen sabelo, unha moza entra no hábitat dunha tribu de gnomos asasinos durante a súa carreira diaria. Atraída por misteriosos cogomelos brillantes, axiña desexará ter quedado nas súas rutas habituais…

  • I’M NOT A ROBOT, Victoria Warmerdam | Ciencia-ficción. Comedia | 20’00’’ 

Despois de varios intentos fallidos de completar un Captcha, a feminista Lara propóñese responder á perturbadora pregunta de se é un robot e, polo tanto, comprada polo seu propio mozo.

  • JAMMED, Isis Cabolet | Drama | 17’24’’ 

Edith, de 70 anos, que caeu no illamento social e mental, entra en contacto cun mozo igualmente solitario, e aínda que non teñen absolutamente nada en común, o encontro aviva o entusiasmo de Edith pola vida.

  • NEW BABYLON, Gideon van der Stelt | Experimental | 20’00’’

Unha cidade imposible constrúese con enormes aros xiratorios, guiando as vidas dos seus solitarios habitantes. New Babylon segue a tres personaxes que levan vidas separadas e é unha viaxe visual a través dunha noite opresiva na que a vida contemporánea e individualista reflectida nunha metrópole circular.

  • Un total de 40 centros participan este curso no programa ‘Cinema con perspectiva’

    A Consellería de Cultura, Educación, FP e Universidades publicou o pasado mes a resolución de centros seleccionados para participar este curso no programa Cinema con perspectiva, desenvolvido en colaboración coa asociación cultural FICBUEU. O programa, dirixido ao alumnado de 5º e 6º de Primaria e 1º e 2º de ESO, ten como obxectivo educar na identificación e tratamento […]

    22/02/2024
  • As mellores curtas neerlandesas no FICBUEU

    O venres 12 de xaneiro chega a Bueu o Premio Internacional do Público do Shortcutz Amsterdam Bueu. 4/01/2023 – Shortcutz Amsterdam é unha das principais plataformas dos Países Baixos para o talento emerxente do cinema neerlandés, brindando oportunidades de exhibición, conectando cunha audiencia nacional e internacional e facilitando as relacións entre profesionais da industria. Cada […]

    03/01/2024
  • A Residencia FICBUEU recibe o apoio do Ministerio de Cultura

    A primeira edición do programa de mellora de guións de curtametraxe é un dos proxectos beneficiarios das axudas para a acción e promoción cultural. Bueu, 14 de decembro de 2023 – A dirección xeral das industrias culturais, propiedade intelectual e cooperación, dependente do Ministerio de Cultura, publicou hoxe a resolución definitiva das axudas para a […]

    14/12/2023
← Volver

A Residencia FICBUEU recibe o apoio do Ministerio de Cultura

FICBUEU

A primeira edición do programa de mellora de guións de curtametraxe é un dos proxectos beneficiarios das axudas para a acción e promoción cultural.

Bueu, 14 de decembro de 2023 – A dirección xeral das industrias culturais, propiedade intelectual e cooperación, dependente do Ministerio de Cultura, publicou hoxe a resolución definitiva das axudas para a acción e promoción cultural correspondentes ao ano 2023.

Estas axudas teñen por obxecto a modernización e profesionalización do sector cultural e creativo a través de actividades e proxectos específicos que contribúan á consecución das seguintes finalidades:

  • Fomentar o uso das novas tecnoloxías na creación e difusión de contidos, produtos e servizos culturais.
  • Incrementar a profesionalización das industrias culturais e creativas e a súa capacidade para xerar emprego potenciando a formación, así como mellorar a igualdade de xénero nas Industrias Creativas e Culturais.
  • Fomentar a internacionalización da cultura española e a súa inclusión en redes europeas de oferta cultural, potenciando a España como destino turístico cultural.
  • Estimular a participación do sector privado na financiación de proxectos culturais, fomentar o mecenazgo cultural, a integración, a vertebración, as asociacións sectoriais e as redes dentro do sector cultural.
  • Favorecer os vínculos e a cooperación e comunicación cultural entre as Comunidades Autónomas; ou contribuír ao equilibrio territorial da oferta cultural en España, especialmente a través de proxectos no medio rural.
  • Favorecer a diversidade cultural, así como impulsar a proxección social da cultura e a sustentabilidade medioambiental, en liña cos Obxectivos de Desenvolvemento Sostible.

Entre os case noventa proxectos seleccionados atópase a primeira edición da Residencia FICBUEU, programa ao que lle foron concedidos 15.000€. Este financiamento non só contribuíu a desenvolver todas as fases de produción do programa senón que abre a porta a unha segunda edición e á consolidación do proxecto a nivel estatal.

  • Un total de 40 centros participan este curso no programa ‘Cinema con perspectiva’

    A Consellería de Cultura, Educación, FP e Universidades publicou o pasado mes a resolución de centros seleccionados para participar este curso no programa Cinema con perspectiva, desenvolvido en colaboración coa asociación cultural FICBUEU. O programa, dirixido ao alumnado de 5º e 6º de Primaria e 1º e 2º de ESO, ten como obxectivo educar na identificación e tratamento […]

    22/02/2024
  • As mellores curtas neerlandesas no FICBUEU

    O venres 12 de xaneiro chega a Bueu o Premio Internacional do Público do Shortcutz Amsterdam Bueu. 4/01/2023 – Shortcutz Amsterdam é unha das principais plataformas dos Países Baixos para o talento emerxente do cinema neerlandés, brindando oportunidades de exhibición, conectando cunha audiencia nacional e internacional e facilitando as relacións entre profesionais da industria. Cada […]

    03/01/2024
  • A Residencia FICBUEU recibe o apoio do Ministerio de Cultura

    A primeira edición do programa de mellora de guións de curtametraxe é un dos proxectos beneficiarios das axudas para a acción e promoción cultural. Bueu, 14 de decembro de 2023 – A dirección xeral das industrias culturais, propiedade intelectual e cooperación, dependente do Ministerio de Cultura, publicou hoxe a resolución definitiva das axudas para a […]

    14/12/2023
← Volver

A Residencia FICBUEU premia con 15.000€ a produción dun dos proxectos participantes 

FICBUEU

Sismes” de Jordi Sanz Angrill é o guión gañador desta primeira edición do programa

Bueu, 7 de decembro 2023 — O Festival Internacional de Cinema de Bueu segue a desenvolver iniciativas máis aló do certame que favorecen non só a visibilización e posta en valor do formato curtametraxe senón que promoven tamén a súa creación e desenvolvemento.

Promoción da curtametraxe

Con este obxectivo, en outubro de 2023 a organización levou a cabo un novo proxecto, a I Residencia FICBUEU, que é xa unha das principais actividades que desenvolve. O programa acolleu durante unha semana na Illa de Ons a catro cineastas cuxos proxectos de curtametraxe foron seleccionados entre máis de 100 propostas. As galegas Alicia Úbeda e Ángela Andrada, o canario Pablo Vilas e o catalán Jordi Sanz Angrill, foron as e os participantes nesta primeira edición destinada á mellora dos seus proxectos.

Coa finalidade de acompañar a unha das curtametraxes en todo o seu proceso de creación, o festival incluíu nas bases da I Residencia FICBUEU un premio á produción dos guións participantes valorado en 15.000€. Logo da estancia na illa bueuense, as e os residentes tiveron a ocasión de aplicar o aprendido nas numerosas titorías e formacións específicas impartidas por profesionais, terminando de reescribir os seus proxectos. Foi durante o mes de novembro cando o a organización analizou cada unha das propostas e a súa evolución para tomar unha decisión final na que tamén participou Isabel Peña, guionista e titora durante a residencia. 

Jordi Sanz Angrill
Imaxe do proxecto gañador

Sismes, primer proxecto gañador da Residencia FICBUEU

A organización anunciou hoxe a resolución do premio da súa primeira edición da Residencia FICBUEU, que foi escollido entre os catro proxectos participantes e que recaeu en Sismes, de Jordi Sanz Angrill e coguionizado xunto a David Junyent. 

Sismes é a historia de Mila (35) que, meses despois da misteriosa partida do seu ex marido, regresa á illa volcánica onde fixeran a súa lúa de mel – que ela gravou cunha cámara de video- e obsesiónase en gravarse a ela mesma para recrear os supostos contraplanos das imaxes da viaxe, nas que só parece o seu ex marido. A protagonista busca así non só revivir o seu pasado, senón unir e manipular estas imaxes de tempos distintos para crear un novo relato, un novo recordo. 

O proxecto, que segundo o seu creador supón “unha exploración sobre a maleabilidade e os mecanismos dos recordos e a memoria”, será producido pola produtora galega Nortecatro Cinema e a catalana Shoji Films durante o ano 2024. 

O FICBUEU en 2024

Nestes momentos a organización atópase traballando xa na 17ª do Festival Internacional de Cinema de Bueu e na seguinte edición da Residencia FICBUEU, que terán lugar en setembro e outubro de 2024 respectivamente. A convocatoria de participación no certame de curtametraxes abrirá no vindeiro mes de decembro e estenderáse ata abril, mentres que as incricións na residencia poderán facerse en primavera. 

Alén do certame e do programa formativo, o FICBUEU traballa durante todo o ano en achegar a curtametraxe ao público xeral, as cativas e cativos ou a colectivos en risco de exclusión tanto na súa contorna como a través de colaboracións internacionais.  

  • Un total de 40 centros participan este curso no programa ‘Cinema con perspectiva’

    A Consellería de Cultura, Educación, FP e Universidades publicou o pasado mes a resolución de centros seleccionados para participar este curso no programa Cinema con perspectiva, desenvolvido en colaboración coa asociación cultural FICBUEU. O programa, dirixido ao alumnado de 5º e 6º de Primaria e 1º e 2º de ESO, ten como obxectivo educar na identificación e tratamento […]

    22/02/2024
  • As mellores curtas neerlandesas no FICBUEU

    O venres 12 de xaneiro chega a Bueu o Premio Internacional do Público do Shortcutz Amsterdam Bueu. 4/01/2023 – Shortcutz Amsterdam é unha das principais plataformas dos Países Baixos para o talento emerxente do cinema neerlandés, brindando oportunidades de exhibición, conectando cunha audiencia nacional e internacional e facilitando as relacións entre profesionais da industria. Cada […]

    03/01/2024
  • A Residencia FICBUEU recibe o apoio do Ministerio de Cultura

    A primeira edición do programa de mellora de guións de curtametraxe é un dos proxectos beneficiarios das axudas para a acción e promoción cultural. Bueu, 14 de decembro de 2023 – A dirección xeral das industrias culturais, propiedade intelectual e cooperación, dependente do Ministerio de Cultura, publicou hoxe a resolución definitiva das axudas para a […]

    14/12/2023
← Volver

Catro novas e novos cineastas desenvolven dende hoxe os seus proxectos de películas na I Residencia FICBUEU na Illa de Ons 

FICBUEU

A guionista Isabel Peña titoriza a formación, e un dos catro proxectos de guión optará a ser producido pola produtora galega Nortecatro Cinema

Participan  as directoras Alicia Úbeda e Ángela Andrada, ambas da Coruña, e dous directores: Jordi Sanz, de Barcelona, e Pablo Vilas, de Tenerife

BUEU. 09.10.23. Catro novas e novos cineastas traballan dende hoxe e ata o vindeiro sábado na Illa de Ons para desenvolver os seus próximos proxectos de películas. Fano baixo a titoría dunha das guionistas máis laureadas no cine español nos últimos tempos, Isabel Peña. É autora dos libretos de películas coma As bestas ou El reino –coas que gañou senllos Premios Goya–, StockholmQue Dios nos perdone, ou de series coma Antidisturbios.

Da Illa de Ons, un dos lugares máis singulares e paradisíacos do municipio de Bueu e de toda Galicia, sairán os alicerces para a produción de catro novas curtametraxes de novas autoras e autores que pasaron un proceso de selección con 120 proxectos aspirantes. Na I Residencia FICBUEU  desenvolveranse catro proxectos de dúas directoras, Alicia Úbeda e Ángela Andrada, ambas da Coruña, e dous directores: Jordi Sanz, de Barcelona, e Pablo Vilas, de Tenerife. 

O FICBUEU organiza actividades de difusión cultural e das novas linguaxes de cinema auroral durante todo o ano. Traballa con colectivos culturais, centros de formación da contorna ou diferentes colectivos sociais. Coa Residencia, un programa que terá carácter anual, quere colaborar tamén co desenvolvemento de novos proxectos cinematográficos. 

Ao remate da Residencia, un dos catro proxectos de guión optará a ser producido pola produtora galega Nortecatro Cinema. O co-director do FICBUEU, Manuel Pena, explicou durante a presentación do proxecto no transcurso do Festival: «Dende hai tempo viñamos facendo clases de guión e pequenos cursos de rodaxe, pero queriamos ter un gran programa profesional e completo de apoio a ideas dende o seu inicio, co que se vexan resultados. Por iso imos intentar que un dos proxectos sexa realidade e pechar o círculo». 

O programa, no que o Festival comezou traballar hai dous anos, conta co apoio da Secretaría Xeral da Igualdade e a Axencia Galega de Industrias Culturais (AGADIC).

Titorías personalizadas

A primeira Residencia FICBUEU permitirá aos catro finalistas mellorar a calidade e a viabilidade das súas ideas, fornecendo a súa visión, linguaxe e ton personal, ademais de adquirir os recursos necesarios para obter unha perspectiva multidisciplinar do proceso de produción. A metodoloxía que empregarán estará baseada nas titorías personalizadas, as formacións específicas e nas actividades prácticas conxuntas (mesas redondas e encontros one to one) que favorecerán a cooperación e posta en valor de perspectivas diversas. 

Ademais de Isabel Peña, traballarán tamén cos residentes a doutora, guionista e antropóloga Carmen Ávalos, quen abordará o guion desde a perspectiva de xénero; Pablo Lamosa, director de Cormorán VFX, quen afondará nos recursos orientados á mellora dos aspectos visuais dos proxectos; e a profesora e investigadora Elena Neira, quen dará a coñecer as novas vías de distribución para o cinema.

Calidades e variedade dos proxectos 

Na I Residencia  desenvolveranse catro proxectos que destacan por cadansúa calidade e que parten de perspectivas e obxectivos moi diferentes.

Alicia Úbeda participará con Garabato, un proxecto de curtametraxe autobiográfica sobre dúas irmás de 14 e 7 anos que coidan dunha nai alcohólica. 

Avisa cuando llegues é a proposta da guionista Ángela Andrade, a historia dunha moza de 21 anos que quere recuperar a súa vida, superar o medo e volver saír a divertirse seis meses despois de sufrir unha agresión sexual. 

Jordi Sanz, pola súa banda, foi elixido por Sismes, unha peza coa que explorará a memoria e os recordos a través dunha muller divorciada que regresa dez anos despois á illa volcánica onde pasou a súa lúa de mel e ten a obsesión de gravarse en vídeo para recrear as imaxes nas que só aparecía o seu ex marido. 

Barranco sin fondo é a proposta que Pablo Vilas quere desenvolver para contar a historia dunha adolescente que recorre cun dron os barrancos preto da súa casa e atopa un cabrito que quere adoptar.

A I Residencia FICBUEU conta coa subvención do Ministerio de Cultura y Deporte e o patrocinio Xunta de Galicia a través da Consellería de Promoción do Emprego e Igualdade e a Consellería de Cultura, Educación, Formación Profesional e Universidades.
  • Un total de 40 centros participan este curso no programa ‘Cinema con perspectiva’

    A Consellería de Cultura, Educación, FP e Universidades publicou o pasado mes a resolución de centros seleccionados para participar este curso no programa Cinema con perspectiva, desenvolvido en colaboración coa asociación cultural FICBUEU. O programa, dirixido ao alumnado de 5º e 6º de Primaria e 1º e 2º de ESO, ten como obxectivo educar na identificación e tratamento […]

    22/02/2024
  • As mellores curtas neerlandesas no FICBUEU

    O venres 12 de xaneiro chega a Bueu o Premio Internacional do Público do Shortcutz Amsterdam Bueu. 4/01/2023 – Shortcutz Amsterdam é unha das principais plataformas dos Países Baixos para o talento emerxente do cinema neerlandés, brindando oportunidades de exhibición, conectando cunha audiencia nacional e internacional e facilitando as relacións entre profesionais da industria. Cada […]

    03/01/2024
  • A Residencia FICBUEU recibe o apoio do Ministerio de Cultura

    A primeira edición do programa de mellora de guións de curtametraxe é un dos proxectos beneficiarios das axudas para a acción e promoción cultural. Bueu, 14 de decembro de 2023 – A dirección xeral das industrias culturais, propiedade intelectual e cooperación, dependente do Ministerio de Cultura, publicou hoxe a resolución definitiva das axudas para a […]

    14/12/2023
← Volver

Canle FICBUEU: todas as retransmisións en directo da 16ª edición do festival xa en Youtube

FICBUEU

Durante o FICBUEU 2023 foi posible gozar de moitas das actividades de xeito virtual. Alén dos podcasts, o FICPAPER ou os coloquios, xa é posible visualizar outros eventos da programación que foron retransmitidos en directo en Twitch para facilitar o acceso ao público que non estivo presencialmente no certame.

A Canle FICBUEU de Youtube conta agora con máis contido desta última edición, ao que se sumarán nos vindeiros meses diferentes entrevistas con cineastas e coa actriz Luisa Merelas (Premio Cinema Galego FICBUEU 2023), así como todas as intervencións que conformaron as II Xornadas Cinematográficas FICBUEU.

Nesta ocasión compartimos con vós os videos que recollen as presentacións do “Caderno FICBUEU#4” dedicado á figura de Joris Ivens e elaborado por Severiano Casalderrey e de “La pantalla porosa” publicación da man de Diego Rufo (Saltos de eje) que repasa a situación actual do cinema dende diferentes perspectivas.

Por outra banda, a entrega de premios do FICBUEU 2023 e a Gala Escolas Galegas, eventos nos que foi desvelado o palmarés da 16ª edición poden verse novamente na canle do festival.

O Caderno FICBUEU#4

Unha nova edición da colección Cadernos FICBUEU dedicada nesta ocasión ao documentalista Joris Ivens e ao seu traballo no eido da curtametraxe. Durante a súa presentación, conducida polo seu autor, Severiano Casalderrey, o público puido coñecer máis detalles sobre o contido e o proceso de investigación realizado para este volume.

“La pantalla porosa” de Diego Rufo

O sábado 16 colaboramos coa Libraría Miranda na presentación do libro de Diego Rufo “La pantalla porosa”, unha publicación sobre os cambios que está a vivir a industria cinematográfica na actualidade.

Entrega de premios FICBUEU 2023

Logo de todas as proxeccións das seccións competitivas da 16ª edición do FICBUEU as curtametraxes premiadas de cada categoría foron anunciadas nun acto no que contamos con diferentes cineastas e profesionais do audiovisual.

Gala Escolas Galegas

A xornada grande do MiniFIC comezou coa gala de entrega de premios ás curtametraxes realizadas en diferentes centros de ensino de Galicia. Conducida por Olalla González e Marc Taeger e grazas ao apoio de Kalandraka e Fundación Novas o noso público máis novo puido gozar dun fermoso acto no que foron proxectadas as súas pezas.

  • Un total de 40 centros participan este curso no programa ‘Cinema con perspectiva’

    A Consellería de Cultura, Educación, FP e Universidades publicou o pasado mes a resolución de centros seleccionados para participar este curso no programa Cinema con perspectiva, desenvolvido en colaboración coa asociación cultural FICBUEU. O programa, dirixido ao alumnado de 5º e 6º de Primaria e 1º e 2º de ESO, ten como obxectivo educar na identificación e tratamento […]

    22/02/2024
  • As mellores curtas neerlandesas no FICBUEU

    O venres 12 de xaneiro chega a Bueu o Premio Internacional do Público do Shortcutz Amsterdam Bueu. 4/01/2023 – Shortcutz Amsterdam é unha das principais plataformas dos Países Baixos para o talento emerxente do cinema neerlandés, brindando oportunidades de exhibición, conectando cunha audiencia nacional e internacional e facilitando as relacións entre profesionais da industria. Cada […]

    03/01/2024
  • A Residencia FICBUEU recibe o apoio do Ministerio de Cultura

    A primeira edición do programa de mellora de guións de curtametraxe é un dos proxectos beneficiarios das axudas para a acción e promoción cultural. Bueu, 14 de decembro de 2023 – A dirección xeral das industrias culturais, propiedade intelectual e cooperación, dependente do Ministerio de Cultura, publicou hoxe a resolución definitiva das axudas para a […]

    14/12/2023
← Volver

Cinema e radio: xa dispoñibles os podcasts feitos durante o FICBUEU 2023

FICBUEU

“Café Derby 21”, “Kinótico”, “El cine de Lo Que Yo te Diga”, “Cine Divergente” e “Saltos de Eje” veñen de publicar os seus capítulos gravados durante a 16ª edición do certame

O primeiro dos programas da sección Cinema e Radio, Café Derby 21 fixo un repaso polas curtas da Sección GZ_00, utilizando o tema do “humano” como fío conductor. Como convidadas, interveñen as cineastas Lucía Estévez e Miguel Canalejo, participantes na sección coas súas curtas “O neno sardiña” e “O coidado”:

Na xornada do martes o equipo de Kinótico foi o encargado de protagonizar esta franxa horaria da programación do FICBUEU 2023, abordando a actualidade dos certames cinematográficos e centrandose nos títulos que comezan a súa carreira aos Oscar. No episodio participou tamén María Ruiz-Falcó, co-directora do FICBUEU, que falou sobre a traxectoria do certame:

El Cine de Lo Que Yo Te Diga, que xa visitara Bueu en 2019, voltaron a vila para falar esta vez con Félix Brixel (director da curta Ulises), Nena Van Driel (guionista de Magma e Ma mere et moi) e Andrea Zapata Girau (directora de Ruovesi) sobre os seus traballos e o formato curtametraxe:

O xoves 14 foi o turno de Cine Divergente cuxo equipo estivo acompañado da directora de Ruovesi, Andrea Zapata Girau, nunha conversa arredor do formato curtametraxe dende diferentes perspectivas.

O peche da programación Cinema e Radio do FICBUEU 2023 correu a cargo de Saltos de Eje coa presenza de Beli Martínez (docente e produtora en Filmika Galaica), Manuel Pena e Nerea Lores (co-director e co-directora do certame). O podcast conducido por Diego Rufo estivo dedicado nesta ocasión a reflexionar sobre o estado actual da industria cinematográfica.

  • Un total de 40 centros participan este curso no programa ‘Cinema con perspectiva’

    A Consellería de Cultura, Educación, FP e Universidades publicou o pasado mes a resolución de centros seleccionados para participar este curso no programa Cinema con perspectiva, desenvolvido en colaboración coa asociación cultural FICBUEU. O programa, dirixido ao alumnado de 5º e 6º de Primaria e 1º e 2º de ESO, ten como obxectivo educar na identificación e tratamento […]

    22/02/2024
  • As mellores curtas neerlandesas no FICBUEU

    O venres 12 de xaneiro chega a Bueu o Premio Internacional do Público do Shortcutz Amsterdam Bueu. 4/01/2023 – Shortcutz Amsterdam é unha das principais plataformas dos Países Baixos para o talento emerxente do cinema neerlandés, brindando oportunidades de exhibición, conectando cunha audiencia nacional e internacional e facilitando as relacións entre profesionais da industria. Cada […]

    03/01/2024
  • A Residencia FICBUEU recibe o apoio do Ministerio de Cultura

    A primeira edición do programa de mellora de guións de curtametraxe é un dos proxectos beneficiarios das axudas para a acción e promoción cultural. Bueu, 14 de decembro de 2023 – A dirección xeral das industrias culturais, propiedade intelectual e cooperación, dependente do Ministerio de Cultura, publicou hoxe a resolución definitiva das axudas para a […]

    14/12/2023
← Volver

Xa dispoñibles todos os coloquios con cineastas do FICBUEU 2023

FICBUEU

Os encontros con cineastas que tiveron lugar logo das sesións de proxección da 16ª edición ponden visualizarse durante todo o ano na Canle FICBUEU de YouTube

Coloquio Sección GZ_00

Primeiro coloquio da programación coas directoras e directores Miguel Canalejo, Santi Teijelo, Nacho Ozores, Marta Valverde e Laura e Coral Piñeiro e conducido polo co-director do certame, Manuel Pena. A curta 30’ 70 60’ 120, da directora viguesa Marta Valverde, fíxose co galardón na primeira desta sección, sobre a que o xurado afirmou que se trata dunha «peza arriscada que mestura xéneros e estilos saíndo estupendamente ben parada»

Coloquio Sección Oficial 1

Coa actriz Hannah Van Lunteren, do filme Ma mère et moi. A película Ma mére et moi, da realizadora holandesa Emma Branderhorst, mereceu o Segundo Premio FICBUEU 2023 por «captar de forma sutil e delicada ese momento decisivo co que todo o mundo se identifica, cando un fillo ten que crecer e unha nai ten que deixalo ir». Esa é a historia, a da moza Kees e a súa nai Lois, que reflicte esta curta. Emma Branderhorst, quen o ano pasado levou o Premio do Público con Spotless, filme no que visibiliza a pobreza menstrual, non puido recoller en persoa o galardón do Festival pero si o fixo a guionista do filme, Nena van Driel.

Coloquio Sección Oficial 2

Coa directora Tonia Mishaili, do filme Daphne e María G. Royo, produtora do filme Aqueronte.

Coloquio Sección Oficial 3

Coa directora Hanna Hovitie, do filme Ympyrän Neliömisestä; Felix Brixel, director de Ulises e Nena Van Driel, guionista do filme Magma.

Ulises, obra de Félix Brixel, realizador de Rianxo, acadou o premio á mellor curtametraxe galega pola súa «historia enigmática e intrigante sobre o amor fraternal» e polos «impactantes efectos visuais» que a complementan.

Coloquio Sección Oficial 4

Coa actriz Channel Victor, do filme Anansi e Andrea-Zapata Girau, directora do filme Ruovesi.

Coloquio Sección Oficial 5

Co director Ángel Santos, do filme Alicia fai cousas, a curtametraxe galega presente nesta sesión de proxección.

Coloquio Sección Oficial 6

Co director David Fidalgo, do filme Sandwich cat. Unha curta de animación na que o propio director recibe unha inesperada visita que o conducirá a unha reflexión crucial para a humanidade.

  • Un total de 40 centros participan este curso no programa ‘Cinema con perspectiva’

    A Consellería de Cultura, Educación, FP e Universidades publicou o pasado mes a resolución de centros seleccionados para participar este curso no programa Cinema con perspectiva, desenvolvido en colaboración coa asociación cultural FICBUEU. O programa, dirixido ao alumnado de 5º e 6º de Primaria e 1º e 2º de ESO, ten como obxectivo educar na identificación e tratamento […]

    22/02/2024
  • As mellores curtas neerlandesas no FICBUEU

    O venres 12 de xaneiro chega a Bueu o Premio Internacional do Público do Shortcutz Amsterdam Bueu. 4/01/2023 – Shortcutz Amsterdam é unha das principais plataformas dos Países Baixos para o talento emerxente do cinema neerlandés, brindando oportunidades de exhibición, conectando cunha audiencia nacional e internacional e facilitando as relacións entre profesionais da industria. Cada […]

    03/01/2024
  • A Residencia FICBUEU recibe o apoio do Ministerio de Cultura

    A primeira edición do programa de mellora de guións de curtametraxe é un dos proxectos beneficiarios das axudas para a acción e promoción cultural. Bueu, 14 de decembro de 2023 – A dirección xeral das industrias culturais, propiedade intelectual e cooperación, dependente do Ministerio de Cultura, publicou hoxe a resolución definitiva das axudas para a […]

    14/12/2023
← Volver

O FICBUEU pecha dúas semanas de cinema cos premios da Gala Escolas Galegas para as curtas do IES Salvaterra do Miño e o CEIP San Marcos de Abegondo

FICBUEU

I O MiniFIC despediuse tamén cun obradoiro de cinema con imaxes debuxadas, un concerto infantil e a proxección de «Curtas en Familia» cunha selección das mellores películas internacionais para todos os públicos

BUEU. 23.09.2023. O Festival Internacional de Cinema de BUEU, o FICBUEU, despediu hoxe a súa 16ª edición coa entrega dos premios da Gala Escolas Galegas, celebrada no Auditorio do Centro Social do Mar de Bueu, ás mellores curtas feitas nos centros de ensino da comunidade. Foi o remate a dúas semanas de programación deseñada para amosar a todo tipo de público as novas tendencias na creación cinematográfica e o máis recente cinema autoral en formato curto.

Na categoría de Educación Secundaria, a película gañadora foi Non estás soa. Non cales. Non te peches. Non es a culpábel, realizada por alumnas e alumnos de primeiro curso de Bacharelato do IES Salvaterra do Miño. A curta, feita ao modo dun anuncio publicitario, aborda un tema de actualidade: a saúde mental na adolescencia. Esta curta competiu con outras tres finalistas do certame: Mundo ao revés, do CPI Alcalde Xosé Pichel, de Coristanco (A Coruña), e O conto da muller lamprea e O vello máis o río, ambas presentadas polo IES As Barxas, de Moaña.

 

Da Vinci e a Mona Lisa viaxan ao futuro

O roubo da Mona Lisa foi elixida como a mellor curtametraxe no apartado de Educación Especial, Infantil e Primaria. A historia creada polas rapazas e os rapaces de sexto de Primaria do CEIP Plurilingüe San Marcos, de Abegondo (A Coruña) –Leonardo da Vinci e a Gioconda están a pasar apuros económicos e deciden viaxar ao futuro para recuperar o famoso cadro cando descobren que este desapareceu do museo– conquistou ao xurado. A súa decision non foi doada. Entre as pezas finalistas atopábanse tamén A princesa do Caurel, do CEIP Canicouva, de Vigo; Goza co teu Samaín, do CEIP Plurilingüe San Clemente de César, de Caldas de Reis; Mario o Teixugho, do CEIP Plurilingüe do Carballal, de Vigo; e O cascabel da gata, do CEIP Plurilingüe Feliciano Barrera, de Ponteareas. 

Durante a gala puideron verse todas as obras seleccionadas. Xa pola tarde, realizouse un obradoiro de cinema para construír un zoótropo xigante co que a rapazada deu vida a imaxes debuxadas, ao que seguiu o concerto de rock de Pakolas A Ramona Pequena, unha viaxe musical para chegar á lúa. A última actividade do MiniFIC no Festival foi a sección «Curtas en Familia», onde se proxectou unha selección das mellores curtametraxes internacionais de animación para todos os públicos. Foron oito as películas que se amosaron, chegadas dende Irán, Alemaña, Holanda, Austria, República Checa e España.

  • Un total de 40 centros participan este curso no programa ‘Cinema con perspectiva’

    A Consellería de Cultura, Educación, FP e Universidades publicou o pasado mes a resolución de centros seleccionados para participar este curso no programa Cinema con perspectiva, desenvolvido en colaboración coa asociación cultural FICBUEU. O programa, dirixido ao alumnado de 5º e 6º de Primaria e 1º e 2º de ESO, ten como obxectivo educar na identificación e tratamento […]

    22/02/2024
  • As mellores curtas neerlandesas no FICBUEU

    O venres 12 de xaneiro chega a Bueu o Premio Internacional do Público do Shortcutz Amsterdam Bueu. 4/01/2023 – Shortcutz Amsterdam é unha das principais plataformas dos Países Baixos para o talento emerxente do cinema neerlandés, brindando oportunidades de exhibición, conectando cunha audiencia nacional e internacional e facilitando as relacións entre profesionais da industria. Cada […]

    03/01/2024
  • A Residencia FICBUEU recibe o apoio do Ministerio de Cultura

    A primeira edición do programa de mellora de guións de curtametraxe é un dos proxectos beneficiarios das axudas para a acción e promoción cultural. Bueu, 14 de decembro de 2023 – A dirección xeral das industrias culturais, propiedade intelectual e cooperación, dependente do Ministerio de Cultura, publicou hoxe a resolución definitiva das axudas para a […]

    14/12/2023
← Volver

«A Raia», curta do IES Audiovisual de Vigo, gaña o premio Escolas de Cinema Galegas do FICBUEU

FICBUEU

I Realizada por José Antonio Mena, a película é un documental que recolle testemuñas da época do contrabando na fronteira entre o sur de Galicia e Portugal 

I Continúan as proxeccións do MiniFIC ata mañá e o sábado celebrarase a Gala Escolas Galegas, un obradoiro infantil, un concerto e o pase de «Curtas en familia»

BUEU. 21.09.2023. A Raia, curtametraxe do IES Audiovisual de Vigo, recibiu o premio do FICBUEU na categoría Escolas de Cinema Galegas e Facultades. A película, realizada por José Antonio Mena, é un documental que recolle os recordos, a través de testemuñas, do contrabando de produtos básicos como café, azucre ou aceite que tiña lugar na fronteira entre o sur de Galicia e Portunal, na raia, entre finais dos anos 40 e principios dos 50. A curta optaba ao galardón –formación audiovisual por valor de 250 euros–xunto con Cadeas, de Álvaro López, da Universidade da Coruña; Crónica dun recordo, de Zahira Teijelo, da Universidade de Vigo, e Illa cordura, de Mario Fernández, da Universidade de Santiago. Todas as películas proxectáronse no Auditorio do Centro Social do Mar de Bueu.

O FICBUEU segue a desenvolver a súa segunda e última semana de programación, dirixida ao público máis novo. Trátase do MiniFIC, que inclúe proxeccións ata mañá para o alumnado de centros de ensino cos pases das seccións Cativa, Infantil e Xuvenil. O sábado pola mañá terá lugar a Gala Escolas Galegas (11.30 horas, no Auditorio) para coñecer o resto de premios e, xa pola tarde, haberá un obradoiro para construír un zoótropo xigante (16.00 horas), un concerto con Pakolas (ás 17.00 horas, no exterior do Centro Social do Mar) e a proxección da sección Curtas en Familia (dende as 18.30 horas).

  • Un total de 40 centros participan este curso no programa ‘Cinema con perspectiva’

    A Consellería de Cultura, Educación, FP e Universidades publicou o pasado mes a resolución de centros seleccionados para participar este curso no programa Cinema con perspectiva, desenvolvido en colaboración coa asociación cultural FICBUEU. O programa, dirixido ao alumnado de 5º e 6º de Primaria e 1º e 2º de ESO, ten como obxectivo educar na identificación e tratamento […]

    22/02/2024
  • As mellores curtas neerlandesas no FICBUEU

    O venres 12 de xaneiro chega a Bueu o Premio Internacional do Público do Shortcutz Amsterdam Bueu. 4/01/2023 – Shortcutz Amsterdam é unha das principais plataformas dos Países Baixos para o talento emerxente do cinema neerlandés, brindando oportunidades de exhibición, conectando cunha audiencia nacional e internacional e facilitando as relacións entre profesionais da industria. Cada […]

    03/01/2024
  • A Residencia FICBUEU recibe o apoio do Ministerio de Cultura

    A primeira edición do programa de mellora de guións de curtametraxe é un dos proxectos beneficiarios das axudas para a acción e promoción cultural. Bueu, 14 de decembro de 2023 – A dirección xeral das industrias culturais, propiedade intelectual e cooperación, dependente do Ministerio de Cultura, publicou hoxe a resolución definitiva das axudas para a […]

    14/12/2023
O teu carriño 0
Non hai produtos na cesta!
Continuar comprando
0
Skip to content