MÁIS ALÓ DO FESTIVAL
ÁREA SOCIAL, DIVULGACIÓN AUDIOVISUAL…Con sede na vila de Bueu, a Asociación Cinematográfica FICBUEU é unha entidade cultural sen ánimo de lucro que exerce o seu labor no eido audiovisual. Esta nace en 2016, ao carón do FICBUEU, converténdose na súa entidade organizadora. Co paso dos anos, a estrutura da asociación foise profesionalizando, incorporando persoal permanente, o que posibilita que poidamos promover numerosas accións ao longo do ano, todas elas directamente relacionadas co cinema.
Así, desenvolvemos sesións de proxeccións, presentacións e coloquios, charlas formativas, obradoiros de creación e actividades culturais de diversa índole; na maioría dos casos en colaboración con outras institucións ou colectivos, tanto de carñacter público como privado.
Todo este traballo estructurase en catro liñas de actuación: os obradoiros de creación da Área Social FICBUEU, o fomento do audiovisual nos centros educativos galegos, a participación noutros festivais de cinema e as colaboracións con eventos ou entidades culturais.
