Cultura e mecenado • FICBUEU

A Asociación FICBUEU é unha entidade sen ánimo de lucro cuxo principal obxectivo é o desenvolvemento de actividades relacionadas coa divulgación cinematográfica, principalmente o Festival Internacional de Cinema de Bueu.

Alén da financiación pública recibida, o FICBUEU destaca pola rede de apoios privados que conseguiu dende os seus orixes en 2008, un texido fundamental para a evolución e desenvolvemento do certame así coma do resto de proxectos da asociación.

Se tes interés en colaborar co FICBUEU e os seus proxetos, existen diferentes formas de contribuír para as que podemos facilitar máis información en info@ficbueu.com.

O FICBUEU conta co Selo de Cultura e Mecenado concedido polo Ministerio de Cultura y Deporte, a través da Unidade Cultura e Mecenado (dependente da Subdirección General de Promoción de Industrias Culturales y Mecenazgo), que ten como obxectivo avalar as institucións que o teñen, para fomentar o mecenado cultural, dando visibilidade aos proxectos que destaquen neste ámbito.

QUE É O MECENADO?

A RAE define o mecenado como “a protección ou axuda dispensadas a unha actividade cultural, artística ou científica”.

A contribución do sector privado na consecución de fins de interese xeral recoñécese na nosa normativa a través da Lei 49/2002, do 23 de decembro, de réxime fiscal das entidades sen fins lucrativos e dos incentivos fiscais ao mecenado. A efectos desta Lei, enténdese por mecenado a contribución privada ao financiamento de actividades de interese xeral.

QUE APORTACIÓNS PODEN FACERSE?

Donativos e donacións dinerarios, de bens ou de dereitos.
Cotas de afiliación a asociacións que non se correspondan co dereito a percibir unha prestación presente ou futura.
A constitución dun dereito real de usufructo sobre bens, dereitos ou valores, realizada sen contraprestación
Donativos ou donacións de bens que formen parte do Patrimonio Histórico Español, que estén inscritos no rexistro de BIC ou Inventario Xeral.
Donativos o donacións de bens culturais de calidade garantizada en favor de entidades que persigan entre os seus fins a realización de actividades museísticas e o fomento e difusión do patrimonio histórico artístico.

QUEN PODE BENEFICIARSE?

As fundacións.
As asociacións declaradas de utilidade pública.
As organizacións non gobernamentais de desenvolvemento ás que se refire a Lei 23/1998, do 7 de xullo, de Cooperación Internacional para o Desenvolvemento.
As delegacións de fundacións estranxeiras inscritas no Rexistro de Fundacións.
As federacións e asociacións das entidades sen fins lucrativos ás que se refiren os parágrafos anteriores.
O Estado, as Comunidades Autónomas e as Entidades Locais, así como os Organismos autónomos do Estado e das entidades autónomas de carácter análogo das Comunidades Autónomas e das Entidades Locais.
As universidades públicas e os colexios maiores adscritos ás mesmas.
O Instituto Cervantes, o Institut Ramon Llull e as demais institucións con fins análogos das Comunidades Autónomas con lingua oficial propia.
Os Organismos Públicos de Investigación dependentes da Administración Xeral do Estado.
Outras entidades recollidas nas Disposicións Adicionales da Lei.

Cada ano a Lei de Presupostos Xerais do Estado establece unha serie de actividades prioritarias de mecenado. As donacións en favor destas actividades obteñen unha deducción dun 5% adicional aos incentivos fiscais xerais.

QUE INCENTIVOS FISCAIS EXISTEN PARA AS DOAZÓNS REALIZADAS POR PERSOAS FÍSICAS?

Micromecenazgo: os primeiros 150 euros doados teñen unha dedución do 80% na cota íntegra do IRPF.
A cantidade doada que exceda de 150 euros ten unha dedución do 35% na cota.
Fidelización: nas doazóns poderase aplicar unha dedución do 40% (no canto do 35% xeneral) sempre que se efectuaron donativos pola mesma ou maior cantidade á mesma entidade nos dous períodos impositivos inmediatos anteriores.
A dedución ten un límite do 10% da base liquidable no IRPF.

QUE INCENTIVOS FISCAIS EXISTEN PARA AS DOAZÓNS REALIZADAS POR PERSOAS XURÍDICAS?

A cantidade doada ten unha dedución na cota do Imposto de Sociedades do 35%.
Fidelización nas doazóns: poderase aplicar unha dedución do 40% (no canto do 35% xeneral) sempre que se efectuaron donativos pola mesma ou maior cantidade á mesma entidade nos dous períodos impositivos inmediatos anteriores.
A dedución ten un límite do 10% da base impoñible do período impositivo. As cantidades que excedan deste límite poderanse aplicar nos períodos impositivos que conclúan nos dez anos inmediatos e sucesivos.

EN QUE SE TRADUCEN A EFECTOS PRÁCTICOS?

Se unha persoa física doa 150 euros a unha entidade non lucrativa que está entre as posibles receptoras de mecenado:

O contribuínte deduce 120 euros (o 80% da cota) no seu IRPF.
É dicir, o custo dunha doazón de 150 euros é realmente de 30 euros. Por tanto, a entidade elixida recibe 150 euros, dos cales 30 veñen do doante e 120 son unha subvención indirecta de Facenda

Se doa 500 euros:

Dos primeiros 150 euros dedúcese o 80%, polo que o contribuínte recupera 120 euros.
Dos restantes 350 euros dedúcese o 35%, polo que o contribuínte recupera 122,5 euros.
Por tanto, en total o contribuínte recupera 242,5 euros.

Se doa 500 euros e trátase dunha doazón fidelizada:

Dos primeiros 150 euros dedúcese o 80%, polo que o contribuínte recupera 120 euros.
Dos restantes 350 euros dedúcese o 40%, polo que o contribuínte recupera 140 euros.
Por tanto, en total o contribuínte recupera 260 euros.

Se doa 500 euros a unha actividade prioritaria de mecenado e trátase dunha doazón fidelizada:

Dos primeiros 150 euros dedúcese o 85% (a porcentaxe habitual aumenta un 5%), polo que o contribuínte recupera 127,5 euros.
Dos restantes 350 euros dedúcese o 45% (o 35% habitual aumenta un 5% por fidelidade na doazón e outro 5% por tratarse dunha actividade prioritaria de mecenado), polo que o contribuínte recupera 157,5 euros.
Por tanto, en total o contribuínte recupera 285 euros.

Para máis información, consúltese a Lei 49/2002, do 23 de decembro, de réxime fiscal das entidades sen fins lucrativos e dos incentivos fiscais ao mecenado.