FERMATA

As esperanzas de Martín en manter a relación cos seus amigos da universidade esfúmanse. Tras un verán no que apenas compartiron vivencias, este grupo de amigos comeza a ser consciente de que unha nova fase está a punto de chegar, o seu último curso na universidade e o seu último ano xuntos. Ademais, Martín dáse conta de que Daniela, a rapaza da que está namorado, marcha nuns días a traballar a Xapón e non ten pensado volver en moito tempo.