SOPHIA DE MELLO BREYNER ANDRESEN

Realizada no marco dunha serie de documentais sobre grandes personalidades da arte e a cultura portuguesa, esta curtametraze funciona como un rexistro dobre. En primeiro lugar, acompaña a ilustre poeta e a súa familia en pequenos momentos no fogar, mentres a súa voz se funde coa paisaxe costeira da rexión do Algarve. Por outra parte, trátase da ópera prima de João César Monteiro, e a forte presenza do mar como elemento evocativo e dramático serve como anuncio do que o director despregaría ao longo da súa filmografía.