Coa intención de ter o maior impacto posible na distribución das obras que conforman a programación do Festival Internacional de Cinema de Bueu, cada ano establecemos contacto con outros festivais de cinema.
A través deste traballo levamos a cabo tanto presentacións do Caderno FICBUEU como sesións de proxección, nas que adoitamos a programar os filmes que conformaron o palmarés ou promocionar obras de produción galega, así como outro tipo de proxectos.
Así mesmo, formamos parte de Proxecta – Coordinadora Galega de Festivais de Cinema, sendo un dos socios fundadores e participando activamente na xunta directiva dende a súa constitución.
