Escolma de traballos feitos en Galicia, ou por galegos, nos últimos dous anos.

As directoras e directores dalgunhas das curtas da Sección Galicia R estarán presentes no festival o sábado 7 de setembro.

Ás 20:30 horas, no Auditorio do Centro Social do Mar, presentarán e darán paso á proxección das curtametraxes.

Ás 22:00 horas, no Punto de Encontro, participarán nun coloquio cos asistentes.

Sábado 7 ás 20:30
CANDO MAMÁ PECHOU AS CAIXAS CANDO MAMÁ PECHOU AS CAIXAS ARANCHA BRANDÓN 2018 / ESPAÑA / 16 min. - Delia Brandón

O peche do negocio familiar e a despedida dunha etapa. Un reto de superación
entre o po e as crises que ten lugar cando a nai da directora debe cambiar de vida e
seguir adiante con máis de 50 anos. Un documental sobre a familia, o traballo en familia e a importancia de atoparse a si mesmos.

SOY UNA TUMBA SON UNHA TUMBA KHRIS CEMBE 2018 / ESPAÑA / 13 min. - Miguel de Lira, Fernando Pérez Rey, Álex Ferreiro

Como de costume, un neno observa escondido ao seu pai descargar tabaco de contrabando no medio da noite. Pero esta noite non é tabaco.

MARUSÍA MARUSÍA PEDRO SANCHO 2019 / ESPAÑA / 13 min. - Antonio Durán “Morris”, Fran Paredes, Mercedes Paz, Bertrán Labraña.

Juan e Pedro, dous perdedores que non pasan polo seu mellor momento, apuran o último licor café no bar da Socia. Fartos da súa situación, decidirán vingarse do sistema tomando a decisión máis absurda das súas vidas: voar un barco situado na rotonda máis concorrida do seu barrio.

HOMOMAQUIA HOMOMAQUIA DAVID FIDALGO 2019 / ESPAÑA / 14 min. -

Homomaquia presenta un mundo onde os seres humanos son tratados como estes tratan aos animais, establecendo unha forte metáfora sobre a tauromaquia.
Poñéndoos no papel do toro, Homomaquia representa a vida deste, coa súa crudeza, a súa violencia, a súa falta de liberdade incluso á hora do apareamento, utilizando a súa sexualidade só e función de intereses especulativos. É unha denuncia ao maltrato e un grito de liberdade.

LA NOCHE A NOITE MARTÍN ROMERO 2018 / ESPAÑA / 11 min. -

Un Home Lobo e unha Muller Lúa encóntranse unha cálida noite de verán nos arredores dun gran lago. A paixón xorde entre eles e inmediatamente comezan unha idílica relación amorosa, pero un feito inesperado fará que nada volva ser igual.

16 DE DECEMBRO 16 DE DECEMBRO ÁLVARO GAGO 2019 / ESPAÑA / 14 min - Cris Iglesias, Javier Valcarce, Fran Pérez, Diego Abad, Ruth Boente, Martín Duplá

Sábado. Cae a noite. O balón móvese rápido dun lado ao outro. Os corpos procuran introducirse nos ocos que deixa a defesa. Lucía, vintecinco anos, sae de adestrar a balonmán e vai a buscar ao seu irmán en moto baixo as luces dunha cidade que cree coñecer.


Consulta aquí o programa completo do festival Volver arriba