INAUGURACIÓN CONCERTO / ÁREA SOCIAL -
VENRES 6, 20:00 H
CENTRO SOCIAL DO MAR

O 12º Festival Internacional de Curtametraxes de Bueu botará a andar o venres 6 de setembro ás 20:00 horas coa actuación de AJB Collective, a cargo de músicos da Asociación de Jazz de Bueu, nas inmediacións do Centro Social do Mar. O concerto está incluído no plan Pontegal da Deputación de Pontevedra.

Ás 20:30 horas terá lugar a inauguración institucional do certame, que dará paso á estrea das curtametraxes realizadas durante o último curso nos obradoiros da área Social do FICBUEU, apoiada pola Obra Social ’la Caixa’. Ademais, presentaranse dúas obras elaboradas nos obradoiros infantís impartidos na Asociación FICBUEU.

  • Laura e Esther. Asociación Con Eles (Vilagarcía).
  • Árbore caída. Fundación Secretariado Xitano (Vigo).
  • O sopro da morte. Xuntos Síndrome de Down (Pontevedra).
  • Aìcul. Obradoiros infantís da Asociación FICBUEU.
  • La pajarera. Obradoiros infantís da Asociación FICBUEU.

Tras o acto de apertura, sobre as 22:00 horas, terá lugar unha cata de viños, cortesía da IXP Ribeiras do Morrazo e acompañada cun pincho de O Pulpeiro. Será no Punto de Encontro do FICBUEU, situado na sala de exposicións Amalia Domínguez Búa, xusto antes do concerto de Caspervek Trio.