Sección formada polos 22 traballos máis valorados, que serán os que compitan polos premios.

Directores, produtores, actores e artistas das curtametraxes da Sección Internacional estarán presentes no FICBUEU. A partir do luns 10 estarán no Centro Social do Mar para presentar o seu traballo antes das proxeccións das 19:45 e das 22:00.
De luns a venres, ás 21:15, estes invitados tamén estarán presentes no Punto de Encontro, onde participarán en coloquios cos asistentes. Estas conversas serán moderadas por Severiano Casalderrey e contarán con tradutores para facilitar a participación do público.

 

Luns 10 ás 19:45 e ás 22:00
CHASSE ROYALE CHASSE ROYALE Lise Akoka & Romane Gueret 2016 / FRANCIA / 28 min. - Angélique Gernez, Eddhy Dupont, Dhalia Humbert.

Angélique, de 13 anos, vive cos seus múltiples irmáns no suburbio de Valenciennes. Un día, no colexio, ofrécenlle asistir a unha audición para unha película.

HEYVAN ANIMAL Bahram & Bahman Ark 2017 / IRÁN / 15 min. - Davoud Noorpoor

Un home que quere pasar a fronteira disfrázase de carneiro.

DEPENDENT DEPENDENTE Phil Sheerin 2017 / REINO UNIDO / 18 min. - Jack Willis, Victoria May, Sébastien Hardy, Mark Smalley.

Josh vive nun centro de acollida para menores, lonxe da súa nai. Un día recibe unha chamada dela e el escapa do centro para rescatala. Pero o que ela quere non era o que Josh esperaba…

VIHTA ODIO François Bierry 2017 / FRANCIA-BÉLXICA / 21 min. - Wim Willaert, Jean-Benoit Ugeux, Olivier Bonjour, Jérémie Petrus.

Serge e catro compañeiros de traballo son convidados polo seu novo xefe a pasar o día nun balneario.


Consulta aquí el programa completo del festival Volver arriba