Sesión reservada ás escolas infantís.

O FICBUEU 2018 contará cunha sesión de proxección destinada aos máis pequenos, froito da irmandade tecida con El Meu Primer Festival de Cinema, un festival internacional audiovisual para nenos e nenas de entre 2 e 12 anos, celebrado principalmente na cidade de Barcelona e que procura ser una xanela para a exhibición de obras inéditas ou dificilmente visibles en pantallas comerciais, contribuíndo á difusión dun cinema plural e creativo. Impulsado pola Asociación Cultural MODIband, o principal obxectivo do festival é entreter, educar, estimular a imaxinación e espertar o espírito crítico, creando un espazo de participación e diálogo onde os máis pequenos sexan os protagonistas.

Mércores 11 e Venres 13
RITA ET CROCODILE RITA E O CROCODILO SIRI MELCHIOR 2017 / FRANCIA / 5 MIN -

Rita e o seu fiel amigo o crocodilo descobren a importancia de permanecer unidos ante a adversidade.

LEMON & ELDERFLOWER LEMON E ELDEFLOWER ILENIA COTARDO 2017 / REINO UNIDO / 3 MIN -

Dous irmáns colibrís intentan emprender o seu primeiro voo. Traballar en equipo axudaraos a converter un defecto na maior virtude.

DEVOCHKA, DRAKON Y PAPA UNHA ZORRA, UN DRAGÓN E PAPÁ EVGENIYA JIRKOVA 2016 / RUSIA / 3 MIN -

Unha nena converte a súa zorra nun dragón e un val nun bosque encantado. En que converterá ao seu pai?

COUCOULEURS COUCOULEURS OANA LACROIX 2018 / SUÍZA / 7 MIN -

Nun bosque habitado por aves dunha única cor, todos ocupan un lugar predeterminado. Pero, que pasa cando un paxaro é de dúas cores?

JE MANGERAIS BIEN UN ENFANT COMERÍAME UN NENO ANNE-MARIE BALAŸ 2016 / FRANCIA / 4 MIN -

Un bo día, Achille decide que non quere comer máis plátanos. Teno claro: quere comerse un neno.

UROK PLAVANIYA LECCIÓN DE NATACIÓN TATYANA OKRUZHNOVA 2017 / RUSIA / 3 MIN -

Nunha praia moi concorrida, un rapaz queda marabillado coas fazañas que un vello mariñeiro lle conta sobre as súas habilidades como nadador. Pero, será quen de demostrarllas?

BETWEEN THE LINES ENTRE LIÑAS MARIA KONEVA 2017 / RUSIA / 4 MIN -

Unha cebra percorre a sabana na procura dun compañeiro. Cando por fin o atopa, deixa a todo o mundo boquiaberto coa súa peculiar danza a ritmo de jazz.

ANT FORMIGA JULIA OCKER 2018 / ALEMAÑA / 4 MIN -

Quen di que o traballo non pode ser divertido? Unha formiga amósanos que, con creatividade, todo pode mellorar.

MILES AWAY MOI LONXE BARBARA BRUNNER 2018 / SUÍZA / 4 MIN -

Con imaxinación todo é posible, incluso acabar nun parque de atraccións cunha árbore como acompañante.


Consulta aquí o programa completo do festival Volver arriba