Please ensure Javascript is enabled for purposes of website accessibility O FICBUEU adicaralle a súa «Retrospectiva» a Jonas Mekas, o fundador do cinema de vangarda estadounidense

Novas do festival

← Volver

O FICBUEU adicaralle a súa «Retrospectiva» a Jonas Mekas, o fundador do cinema de vangarda estadounidense

FICBUEU

BUEU. 19.06.24. O Festival Internacional de Cinema de Bueu achegará esta ano ao público a figura e a obra de Jonas Mekas (1922-2019), cineasta experimental, axitador cultural, e pai do cinema de vangarda estadounidense. O FICBUEU adicaralle a súa sección «Retrospectiva». Durante o festival, que se celebra entre os días 6 e 21 de setembro, proxectarase unha escolma de 8 curtas da autoría de Mekas ademais da correspondencia fílmica que mantivo co realizador José Luis Guerín. O FICBUEU quere propoñerlle ao seu público unha revisión crítica da obra do realizador ao que lle adica, ademais, o seu Caderno #5.

O festival acada a súa décimo sétima edición cunha programación na que volverá amosar unha escolma dalgunhas das curtametraxes máis interesantes e innovadoras das realizadas en todo o mundo nos últimos tempos. Coa aproximación á figura de Mekas, o Festival aposta por volver a ollada sobre un creador que, alén da súa obra fílmica, foi un dinamizador clave do cinema experimental creando publicacións e iniciativas adicadas á súa promoción, divulgación ou estudo. 

O Festival adícalle a Mekas o seu Caderno#5

Figura fundamental na historia do cinema, Jonas Mekas foi seguido e admirado por outras grandes voces da revolución cultural dos anos 60s do pasado século coma Jean-Paul Sartre, Allen Ginsberg, Andy Warhol o Susan Sontag.

 

De Lituania a Nova York

Nado en Lituania en 1922, Jonas Mekas comezou a explorar o cinema de vangarda logo de que chegou a Nova York tras 10 anos preso nun campo de concentración nazi. Co tempo, desempeñaría un papel substancial no movemento do Novo Cinema Americano entre as décadas dos anos sesenta e setenta.

Mekas converteuse nun incansable protector dos cineastas independentes, avogando pola liberdade de expresión artística, cofundando a Film-Makers’ Cooperative, loitando contra a censura e dirixindo a súa mirada cara á emancipación das normas convencionais cinematográficas. Buscando a esencia do cinema, os seus esforzos culminaron na fundación da Anthology Film Arquives en 1970, museo, biblioteca e lugar de proxección adicado á promoción do cinema independente.

Continuaría facendo cinema experimental ata que cumpriu 80 anos. As súas películas exhibíronse, ademais de en salas de cinema, nalgúns dos museos máis importantes de Estados Unidos e Europa. As que poderá ver o público do FICBUEU foron feitas entre 1966 e o ano 2011. 

 

Retrospectiva e Caderno

Os filmes de Jonas Mekas combinan momentos cotiáns e significativos da vida desde un punto de vista moi próximo á poesía e ao documental. A escolma da súa obra que conforma este ano a sección «Retrospectiva» do FICBUEU propón un percorrido visual que amosa a relación do artista co seu contorno, acentuando o seu inconformismo.

Entre as películas de Mekas que se exhibirán en Bueu están a emblemática Cassis (1966), que desafía as convencións narrativas ao capturar a vida cotiá nunha secuencia ininterrompida de imaxes, ou o 365 DAY PROJECT, de 2007,  composto por unha curtametraxe feita durante cada día do ano.

O Caderno #5 do Festival Internacional de Cinema de Bueu volve sobre a figura de Mekas, o seu contexto, ou as súas achegas. É, tamén, unha interesante ventá de entrada á vangarda cultural neoiorquina dos anos 60s e 70s, na que Mekas ocupou un lugar destacado. A investigadora e docente Nieves Febrer, autora do Caderno, participará no FICBUEU para presentar o caderno e reflexionar, canda o público, sobre a obra de Mekas.

  • O FICBUEU abre a convocatoria de recepción de obras e presenta a súa 18ª edición.

    24/01/2025, Bueu. O Festival Internacional de Cinema de Bueu ten aberta a convocatoria de recepción de curtametraxes ata o 20 de abril. Como cada ano, o FICBUEU acollerá unha exquisita selección de obras chegadas de todo o mundo. Alén das proxeccións, o FICBUEU seguirá convidando ao público a participar en coloquios, encontros e actividades relacionadas […]

    2025-01-24
  • BUEU escolle a Mellor Curtametraxe Holandesa

    Bueu, 10/ 01/ 2025 – Shortcutz Amsterdam invita un ano máis ao público do FICBUEU a participar na elección da curtametraxe holandesa favorita do público. Shortcutz Amsterdam é un movemento internacional de curtametraxes que se converteu nunha das maiores plataformas dos Países Baixos para o cinema neerlandés. Esta plataforma brinda oportunidades de exhibición e conecta audiencias […]

    2025-01-10
  • O FICBUEU programa a súa primeira Noite de festivais en colaboración con outros certames internacionais

    Bueu, 20 de novembro de 2024 – O próximo 30 de novembro terá lugar no Centro Social de Bueu a primeira “Noite de festivais”. Un evento organizado polo FICBUEU baixo o seu programa de colaboracións internacionais no que achegarán ao público catro curtametraxes procedentes doutros catro certames.  As curtametraxes foron propostas polo Edimburgh Short Film […]

    2024-11-19
O teu carriño 0
Non hai produtos na cesta!
Continuar comprando
0
Ir o contido