A sección Panorama define o complemento perfecto para as nosas seccións competitivas. É por iso que a posibilidade de seguir ampliando horizontes atopa aquí unha xanela máis á que asomarse. Dezasete novas oportunidades de alcance internacional que nos achegan a outras tantas historias imperecedoiras. Deste xeito, podemos seguir corroborando como o cinema se pode converter nunha fonte inesgotable de afondamento sobre o mundo, mais tamén unha importante ferramenta para coñecernos a nós mesmos.

 

Martes 11 ás 18:00h
DOUGGY DOUGGY Matvey Fiks 2017 / EE.UU-RUSIA-SRI LANKA / 19 min. - Douglas Bottomley.

Nunha equina esquecida de Brooklyn, Douggy traballa como condutor de guindastres. Pasa as súas dúas últimas noites de traballo esperando ansiosamente unha chamada.

PÉPÉ LE MORSE AVÓ MORSA Lucrèce Andreae 2017 / FRANCIA / 15 min. -

Nunha praia ventosa e nubrada, a avoa está rezando, a nai está berrando, as irmás pasan de todo, Lucas está só. O avó era un tipo raro, agora está morto.

CRÈME DE MENTHE CREMA DE MENTA Jean-Marc E. Roy 2017 / CANADÁ / 23 min. - Charlotte Aubin, Macha Limonchik, Fred-Eric Salvail.

Renée volve a casa para o funeral do seu pai. Obrigada a baleirar a súa vivenda, atópase cun enorme desastre: o seu pai fora un acaparador.

THE SOUND O SON Antony Petrou 2017 / REINO UNIDO / 15 min. - Joseph Mawle, Hannah Saxby, Sienna Guillory.

Beth vive unha vida tranquila cos seus pais no rural. Un día, a súa nai comeza a escoitar un son misterioso que ninguén máis escoita e que axiña se converterá nunha fonte de frustración e dor.


Consulta aquí el programa completo del festival Volver arriba