A sección Panorama define o complemento perfecto para as nosas seccións competitivas. É por iso que a posibilidade de seguir ampliando horizontes atopa aquí unha xanela máis á que asomarse. Dezasete novas oportunidades de alcance internacional que nos achegan a outras tantas historias imperecedoiras. Deste xeito, podemos seguir corroborando como o cinema se pode converter nunha fonte inesgotable de afondamento sobre o mundo, mais tamén unha importante ferramenta para coñecernos a nós mesmos.

 

Xoves 13 ás 18:00h
ANDRO ANDRO Tornike Gogrichiani 2017 / XEORXIA / 25 min. - Andro Japaridze, Dato Roinishvili, Gaga Shishinashvili, Lili Khuriti.

Un arquitecto desempregado, Andro, vai a Turquía co seu fillo Dato para vender bens de segunda man. Na estrada recollen a un autostopista turco, Taner. Este encontro converte esta viaxe inofensiva nunha serie de eventos desafortunados.

APIA ARIA Myrsini Aristidou 2017 / CHIPRE-GRECIA-FRANCIA / 14 min. - Audrey Giacomini, Chryssa Platsatoura, Takis Spiridakis.

Aria está a esperar polo seu pai para unha clase de conducir. Pero cando por fin chega non é para a clase. Desde ese momento, Aria debe coidar dun inmigrante chino que non fala grego nin inglés.

LEJLA LEJLA Stijn Bouma 2017 / BOSNIA-HERZEGOVINA-PAÍSES BAIXOS / 22 min. - Lejla Hadzic, Vedad Terzic, Slobodan Cabakovic.

Lejla é una moza que se sente atrapada na súa vida, traballando nun restaurante de comida rápida e coidando do seu pai. Un día coñece a Vedad e namóranse.

IDIOTUL O IDIOTA Alexandru Ranta 2017 / ROMANÍA / 12 min. - Valeriu Andriuta, Liana Petrescu, Liviu Cheloiu, Corina Druc.

No mercado de árbores de Nadal, Marius ofrécese a mercar unha árbore para unha nena e logo leva a nena, a súa nai e mais a árbore a casa. Alí atópanse con Costi, que non aprecia a xenerosidade de Marius.


Consulta aquí el programa completo del festival Volver arriba