Ruta das Tapas 5 Estrelas Pinchos cun sabor de cine -
DO VENRES 6 AO DOMINGO 15
Diversos establecementos

A Concellería de Promoción Económica e Turismo organiza, en colaboración co FICBUEU, a cuarta edición da Ruta das Tapas 5 Estrelas, que se desenvolverá entre o venres 6 e o domingo 15 de setembro coincidindo coa celebración do festival. Un total de 10 establecementos hostaleiros da vila participan desta iniciativa propoñendo un pincho vinculado ao mundo do cine.

LOCAL TAPA
A Cepa Sonrisas de una noche de verano
Aturuxo BOK La costilla de Adán
Cafetería Centro Social* 20.000 leguas de viaje submarino
Noite Tapas Orixe
O Pazo Men in black
Casa Quintela* Snatch. Cerdos y diamantes.
A Esmorga Chicken run
Volver* Volver
O Farol Las uvas de la ira
Tapería Sabor de Ons En el corazón del mar

Os petiscos teñen un prezo de 2 euros e o horario para degustalos será de 12 a 14 horas e de 20 a 22 horas. Os establecementos sinalados con * teñen horario expandido ata peche de cociña.

Establécense dous premios para os locais participantes: o Premio do Xurado Internacional, composto por cineastas convidados ao FICBUEU 2019, e o Premio do Público, que será outorgado a partir das valoracións que as e os comensais reflictan no folleto da Ruta das Tapas 5 Estrelas. A clientela terá ademais a posibilidade de gañar unha cea para dúas persoas. Para entrar neste sorteo, deberán completar o selado das cinco estrelas do cupón, ao ir degustando as diferentes propostas, e entregalo no despacho de billetes do FICBUEU.