SECCIÓNS PARALELAS
REGEN / CHUVIA
JORIS IVENS, MANNUS FRANKEN – 1929 / HOLANDA
REGEN / CHUVIA
JORIS IVENS, MANNUS FRANKEN – 1929 / HOLANDA
Regen pódese definir como un poema cinematográfico composto por fotografías artísticas que captan a transformación da buliciosa paisaxe urbana e os efectos do fenómeno natural da chuvia antes, durante e despois da repentina chaparrada en Ámsterdam. A película mostra o xogo de luces e sombras sobre as superficies urbanas, os tranvías, as canles e a multitude.
MISÈRE AU BORINAGE / MISERIA NO BORINAGE
JORIS IVENS, HENRI STORCK – 1934 / BÉLXICA
MISÈRE AU BORINAGE / MISERIA NO BORINAGE
JORIS IVENS, HENRI STORCK – 1934 / BÉLXICA
Documental sobre unha folga de mineiros en Borinage, unha rexión do sudoeste de Bélxica. Misère au Borinage denuncia as durísimas condicións de vida dos traballadores desta comunidade a través de imaxes da súa loita, da destrución de artigos de consumo e das súas confrontacións.
INDONESIA CALLING / CHAMADA DE INDONESIA
JORIS IVENS – 1946 / AUSTRIA
INDONESIA CALLING / CHAMADA DE INDONESIA
JORIS IVENS – 1946 / AUSTRIA
Baixo o encargo dos holandeses de filmar a liberación de Indonesia de Xapón, Ivens caeu na conta de que os colonos non deixarían aos indonesios gobernarse a si mesmos, e rebelouse filmando en secreto para facer un documental que esixise a liberdade para o pobo. Unha película de estilo panfletario sobre as folgas portuarias que estouparon en Australia en solidariedade coa República de Indonesia, tras a decisión holandesa de enviar tropas e armas a Indonesia en 1945.
LE CIEL, LA TERRE / O CEO, A TERRA
JORIS IVENS – 1966 / FRANCIA
LE CIEL, LA TERRE / O CEO, A TERRA
JORIS IVENS – 1966 / FRANCIA
En plena guerra de Vietnam, este documental dá testemuño da resistencia do pobo vietnamita e de Indochina. Ivens comezou a filmar en 1965 as incursións americanas sobre Hanói, apoiando militarmente o exército de Vietnam do Sur contra o exército popular de Vietnam do Norte. Le Ciel, la Terre captura a resposta dos habitantes do campo, mediante a fabricación de trampas, os enfrontamentos e as manifestacións.
