Xurados
Silvia Lobo
Produtora e distribuidora de cinema.
Formada en Comunicación Audiovisual, Produción de cinema e Dereito, e especializada en Propiedade Intelectual. Silvia Lobo traballou en Sony Pictures (AXN), Pirámide Films, CineCiutat, Future Lighthouse e Morena Films. Dende 2019 exerce como responsable de Distribución e Ventas de Elamedia Estudios, distribuíndo máis de 25 películas entre as que se atopan Trinta Lumes, El despertar de las Hormigas, Lúa Vermella ou La vida era eso. Ademais, colabora como Consultora en Estratexia e Ventas con outras distribuidoras como Paco Poch Cinema e Surtsey Films, imparte docencia en másters de Produción e Distibución en España, forma parte do MAFIZ como programadora de WIP España no Festival de Cine de Málaga e ten exercido como xurado en Comisión de Axudas Públicas..
Manuel Monzón
Produtor executivo.
Licenciouse en Ciencias Económicas na Universidade de Barcelona e iniciou a súa carreira cinematográfica no Grupo Filmax, deseñando e xestionando coproducións internacionais como Fragile, El perfume ou The machinist. En 2006 converteuse en produtor executivo de Notro Films (Vértice 360º), producindo longametraxes como Océanos ou La habitación de Fermat, e catro anos despois fundou Monzon Films, participando nas obras Red Lights ou Grand Piano. Actualmente é produtor executivo de A Contracorriente Films e traballou en producións premiadas como La Librería ou El ciudadano ilustre.
Mihai Chirilov
Director artístico, crítico de cine e membro da Academia de Cine Europeo.
Chirilov ten unha importante traxectoria como director artístico de varios festivais, como o Festival Internacional de Cine de Transilvania (TIFF), do que tamén é cofundador, e o Making Waves Romanian Film Festival de Nueva York, participando tamén como xurado de festivais como o Teddy Jury da Berlinale, Hong Kong, Karlovy Vary, Chicago, San Francisco, Palm Springs ou Moscú. É tamén comisario de programas de cine romanés no estranxeiro, sendo o máis recente un para o Jacob Burns Film Center de Pleasantville, Nueva York. Ademais, é autor de artigos, ensaios e libros sobre cinema como Lars von Trier: The Films, the Women, the Ghosts e New Romanian Cinema: del camarada Ceaușescu al señor Lăzărescu, dos que é coautor.
