Xurados
Nieves Febrer
Profesora, investigadora e fotógrafa musical.
Doutora en Comunicación Audiovisual pola Universidade de Valladolid, licenciada en Belas Artes e en Antropoloxía Social e Cultural. Actualmente é profesora de Imaxe e Fotografía na Universidade Nebrija, pero impartiu docencia en materias de grao, máster e doutorado noutros centros: Universidade de Valladolid, Universidade Camilo José Cela ou Universidade Alfonso X El Sabio. Como investigadora, publicou artigos sobre teoría da imaxe, etnomusicoloxía, análise cinematográfico, teoría fílmica feminista, cine e semiótica e estudos de xénero, entre outros temas. Dende o 2006 é cofundadora da produtora audiovisual LaCasaDigital, onde se centra na fotografía de eventos musicais e escenográficos.
Suso López
Produtor audiovisual e profesor.
Graduado en enxeñería industrial na Universidade da Coruña e na Università Degli Studio de Genova, traballa actualmente como produtor audiovisual, director comercial e docente. Dende Gaitafilmes, produtora da que é socio fundador, ou como freelance, colabora no desenvolvemento de varias longas de ficción e documentais. Produciu múltiples obras xunto co director Andrés Goteira, entre elas o seu debut na longametraxe baixo o título DHOGS, polo que gañou o premio Mestre Mateo á Mellor Dirección de Produción. No eido das curtametraxes produciu obras de directores como Dani Viqueira, como Limbo e La Penumbra ou Felix Brixel, co que realizou Ulises. Ao longo da súa carreira tamén ten organizado algúns eventos culturais como o festival M de Cine e o festival de xogos e música Meirendas.
Anxos Fazáns
Directora de cine
Formada en Comunicación Audiovisual na Universidade de Vigo, continuou os seus estudos cun Máster en Dirección de Cine na ESCAC e un Máster en Arte Contemporáneo, Creación e Investigación na UVigo. Comeza a súa carreira na dirección coas curtas Direcciones, Nacer en septiembre e Área. A estación violenta é a súa primeira longametraxe, unha adaptación da novela homónima de Jabois coa que consegue a programación en varios festivais internacionais, como o Festival de Cine Europeo de Sevilla e o BAFICI de Buenos Aires, así como a candidatura a oito galardóns nos Premios Mestre Mateo. Continúa o seu paso por festivais dous anos despois coa curta Analóxica, presente en seccións competitivas do BAFICI e Curtocircuíto. Actualmente está a traballar na curta Habitar e na súa segunda película, Las Líneas Discontinuas.
