Seccións competitivas
O FRÍO
PABLO DOPAZO – 2024 / ESPAÑA (GALICIA)
O FRÍO
PABLO DOPAZO – 2024 / ESPAÑA (GALICIA)
Chema traballa nun mercado de abastos dunha pequena cidade no noroeste de España. O seu día comeza cedo; leva pedidos, arrastra caixas de xeo e peixe, transporta paquetes de marisco. Despois dun duro día de traballo, volve a casa. Pero esta tarde recibe unha chamada que perturba a súa vida normal; é o pasado que volve.
LEMON TREE / LIMOEIRO
RACHEL WALDEN – 2023 / Estados Unidos
LEMON TREE / LIMOEIRO
RACHEL WALDEN – 2023 / Estados Unidos
Nunha festa de Halloween, un pai rouba o coello dun mago para impresionar o seu fillo de dez anos. A emoción do pequeno roubo desaparece rapidamente cando o neno ten que asumir a responsabilidade de levar de volta a casa sans e salvos o seu pai, a el mesmo e á mascota.
L’ÉTÉ DES CHALEURS / O VERÁN DA CALOR
MARIE-PIER DUPUIS – 2023 / CANADÁ
L’ÉTÉ DES CHALEURS / O VERÁN DA CALOR
MARIE-PIER DUPUIS – 2023 / CANADÁ
Un caloroso día de verán. Unha casa a medio equipar. Unha nai que precisa espazo para respirar e unha nena que precisa espazo para existir. A medida que a calor da tarde se volve opresiva, o tempo parece moverse de maneira completamente diferente para cada unha.
3 MWh
MARIE-MAGDALENA KOCHOVÁ – 2024 / República Checa
3 MWh
MARIE-MAGDALENA KOCHOVÁ – 2024 / República Checa
Un traballador dunha planta nuclear obsesionado coas contas estableceu un límite máximo da electricidade que desexa consumir. A enerxía que lle debera ter durado o resto da súa vida estase esgotando paseniñamente obrigándoo a decidir o seu uso final. “3 MWh” é un poema fílmico sobre o decrecemento e amosa que pasaría se o home deixara de poñerse no centro da natureza.
IF YOU ARE HAPPY / SE ES FELIZ
PHOEBE ARNSTEIN – 2023 / Reino Unido
IF YOU ARE HAPPY / SE ES FELIZ
PHOEBE ARNSTEIN – 2023 / Reino Unido
Unha muller loita contra as presións da maternidade e utiliza un xogo infantil nun grupo local de nais para desafogar a súa rabia, desencadeando unha inesperada reacción en cadea.
EL SOLDAO / O “SOLDAO”
ALEJANDRO CABRERA – 2023 / ESPAÑA
EL SOLDAO / O “SOLDAO”
ALEJANDRO CABRERA – 2023 / ESPAÑA
Retrato de Francisco, andaluz emigrado, que cada ano volve ao seu pobo natal en Córdoba. Desta vez atopa a casa familiar baleira tras a morte da súa nai. Unha historia íntima e persoal onde se indaga na despoboación rural ao tempo que tentamos descubrir como nos constrúen os lugares que xa só existen en nós.
AVEC L’HUMANITÉ QUI CONVIENT / COA HUMANIDADE AXEITADA
KACPER CHECINSKI – 2023 / FRANCIA
AVEC L’HUMANITÉ QUI CONVIENT / COA HUMANIDADE AXEITADA
KACPER CHECINSKI – 2023 / FRANCIA
Nunha oficina de emprego en proceso de reestruturación, Hélène, a subdirectora, recibe un correo electrónico alarmante dunha muller desesperada e desempregada. A muller ameaza con matarse nas instalacións da axencia. Coa axuda do seu equipo, Hélène tenta desentrañar as disfuncións internas que orixinaron o caso para evitar o irreparable. O tempo aprema.
PREOPERATIONAL MODEL / MODELO PREOPERACIONAL
PHILIP ULLMAN – 2024 / PAÍSES BAIXOS
PREOPERATIONAL MODEL / MODELO PREOPERACIONAL
PHILIP ULLMAN – 2024 / PAÍSES BAIXOS
En Modelo Preoperacional, a princesa antropomórfica Sophie e a súa doncela Jessica prepáranse para un novo día na corte real. A loita de Sophie por desempeñar o seu papel impulsa ás dúas protagonistas cara diante e cara atrás no tempo, a través de mundos e identidades, na procura dunha maneira de vivir xuntas.
ET SI LE SOLEIL PLONGEAIT DANS L’OCÉAN DE NUES / E SE O SOL SE SOMERXERA NUN OCÉANO DE NUBES
WISSAM CHARAF – 2023 / FRANCIA, LÍBANO
ET SI LE SOLEIL PLONGEAIT DANS L’OCÉAN DE NUES / E SE O SOL SE SOMERXERA NUN OCÉANO DE NUBES
WISSAM CHARAF – 2023 / FRANCIA, LÍBANO
Beirut, Líbano. Nas obras do paseo marítimo, Raed, o garda de seguridade, debe impedir que os paseantes accedan á beiramar. Con todo, conforme o horizonte se volve cada día máis asfixiante pola construción, Raed ten encontros peculiares – simples soños ou símbolos dos seus desexos?
FRIALDAD / FRIALDADE
ANDREA SÁNCHEZ – 2024 / ESPAÑA, ANDORRA
FRIALDAD / FRIALDADE
ANDREA SÁNCHEZ – 2024 / ESPAÑA, ANDORRA
Pode un país que tamén é un enorme resort de vacacións converterse no escenario ideal dun relato de terror? Cando as avenidas se baleiran e o fervor comercial remite, algo se revolve nas entrañas de Andorra.
OBRAZA / RESENTIMENTO
GLEB OSATINSKI – 2024 / LITUANIA, ESTADOS UNIDOS
OBRAZA / RESENTIMENTO
GLEB OSATINSKI – 2024 / LITUANIA, ESTADOS UNIDOS
Como calquera adolescente, Yasha, de 17 anos, rebélase contra a autoridade, pero na Ucraína soviética dos anos 90 algunhas das forzas opositoras son máis perigosas que outras. Cando Yasha chega ao límite, os seus impulsos descontrolados lévano ao precipicio dun dano irreparable.
UN TROU DANS LA POITRINE / UN BURATO NO PEITO
ALEXANDRA MYOTTE, JEAN-SÉBASTIEN HAMEL – 2023 / CANADÁ
UN TROU DANS LA POITRINE / UN BURATO NO PEITO
ALEXANDRA MYOTTE, JEAN-SÉBASTIEN HAMEL – 2023 / CANADÁ
Nun barrio marxinal, Zoé e o seu irmán pequeno Théo están abandonados á súa sorte. Nos albores da adolescencia, Zoé é unha exaltada bola de ira, atormentada por un terror interior. Théo, aínda un neno, foxe da realidade cara un mundo de fantasía. Nun sofocante día de verán, os dous nenos terán que encarar o núcleo problemático da súa relación se non queren perderse un ao outro.
IN THE GARDEN OF TULIPS / NO XARDÍN DOS TULIPÁNS
JULIA ELIHU – 2023 / ESTADOS UNIDOS
IN THE GARDEN OF TULIPS / NO XARDÍN DOS TULIPÁNS
JULIA ELIHU – 2023 / ESTADOS UNIDOS
En plena guerra Irán-Irak, Caroline fai unha última viaxe en coche co seu pai á campiña iraní.
RUÍDO DA PELE / RUÍDO DA PEL
GUSTAVO MILAN – 2023 / BRASIL
RUÍDO DA PELE / RUÍDO DA PEL
GUSTAVO MILAN – 2023 / BRASIL
Durante as vacacións de Pascua, a relación íntima entre un neno de 12 años e a súa nai chega ao fin cando o neno experimenta o seu primeiro despertar sexual.
HABITAR / HABITAR
ANXOS FAZÁNS – 2023 / ESPAÑA (GALICIA)
HABITAR / HABITAR
ANXOS FAZÁNS – 2023 / ESPAÑA (GALICIA)
Pode un corpo ser unha casa? Que é un fogar? Habitar trata de dar resposta a estas preguntas sobre a construción das nosas identidades a través do retrato íntimo de persoas transxénero e non binarias de Galicia.
SAAB / SAAB
LIISBETH KALA – 2023 / ESTONIA
SAAB / SAAB
LIISBETH KALA – 2023 / ESTONIA
Saab investiga a estética do aburrimento e os estados de lentitude no contexto da poética cotiá. Que se sente ao capturar sentimentos e estados de ánimo nunha cámara? Que ocorre cando se di tan pouco e se sente tanto?
THE MIRACLE / O MILAGRE
NIENKE DEUTZ – 2023 / BÉLXICA, FRANCIA, PAÍSES BAIXOS
THE MIRACLE / O MILAGRE
NIENKE DEUTZ – 2023 / BÉLXICA, FRANCIA, PAÍSES BAIXOS
O Milagre, un lugar onde o sol sempre brilla, con infinitas oportunidades para relaxarse e comida en abundancia. Mais, como te relacionas cun lugar que te confronta constantemente coas cousas que non tes?
HABLO DĖSNIS / A LEI DE HUBBLE
ARNAS BALČIŪNAS – 2023 / LITUANIA
HABLO DĖSNIS / A LEI DE HUBBLE
ARNAS BALČIŪNAS – 2023 / LITUANIA
Un rapaz mudo loita por encaixar no seu novo traballo na construción. As tensións aumentan entre os traballadores cando un compañeiro sofre unha grave lesión.
FAIRE UN ENFANT / FACER UN BEBÉ
ERICK KAMALA – 2023 / CANADÁ
FAIRE UN ENFANT / FACER UN BEBÉ
ERICK KAMALA – 2023 / CANADÁ
Despois de moitos anos xuntos, unha parella decide ter descendencia. Ao longo dos seus incansables esforzos, a parella intenta manter o seu amor e unidade. Facer un bebé é unha comedia dramática minimalista que ofrece unha visión agridoce da vida dunha parella, coas súas dúbidas, desafíos e a súa resiliencia.
AUNQUE ES DE NOCHE / AÍNDA QUE É DE NOITE
GUILLERMO GARCÍA LÓPEZ – 2023 / ESPAÑA, FRANCIA
AUNQUE ES DE NOCHE / AÍNDA QUE É DE NOITE
GUILLERMO GARCÍA LÓPEZ – 2023 / ESPAÑA, FRANCIA
Na Cañada, o asentamento irregular máis grande de Europa, non hai luz desde hai máis dun ano. Á luz do lume, entre lendas sobre un posible futuro, Toni, un rapaz de trece anos, descobre que o seu mellor amigo Nasser marcha para sempre.
SCIARABALLA / SCIARABALLA
MINO CAPUANO – 2023 / ITALIA
SCIARABALLA / SCIARABALLA
MINO CAPUANO – 2023 / ITALIA
Darío, recentemente xubilado, sofre inexplicables ataques de pranto. Un día decide visitar ao seu fillo Mimmo, que acaba de empezar a traballar fóra da casa. Mimmo, avergoñado pola inesperada intrusión, evita o encontro. Darío pasa entón o día con Clara e Mirco, compañeiros de piso de Mimmo. Ao final do día, pai e fillo reúnense e falan do seu medo común ao futuro.
CROSS MY HEART AND HOPE TO DIE / XÚROCHO POLA MIÑA VIDA
SAM MANACSA – 2023 / FILIPINAS
CROSS MY HEART AND HOPE TO DIE / XÚROCHO POLA MIÑA VIDA
SAM MANACSA – 2023 / FILIPINAS
Mila sofre mentres segue sen cobrar no traballo e un interese amoroso convértese nunha fonte de consolo a través das constantes chamadas telefónicas. Pero unha promesa de esperanza tamén pode conducir á traxedia e a tristes cancións de amor.
IL COMPLEANNO DI ENRICO / O ANIVERSARIO DE ENRICO
FRANCESCO SOSSAI – 2023 / FRANCIA, ALEMAÑA
IL COMPLEANNO DI ENRICO / O ANIVERSARIO DE ENRICO
FRANCESCO SOSSAI – 2023 / FRANCIA, ALEMAÑA
Decembro de 1999. Lembro que, no medio da ansiedade do efecto 2000, fun ao aniversario de Enrico, un rapaz que vivía coa súa familia nunha vella e illada granxa.
WANDER TO WONDER / WANDER TO WONDER
NINA GANTZ – 2023 / PAÍSES BAIXOS, FRANCIA, BÉLXICA
WANDER TO WONDER / WANDER TO WONDER
NINA GANTZ – 2023 / PAÍSES BAIXOS, FRANCIA, BÉLXICA
Mary, Billybud e Fumbleton son tres actores humanos en miniatura que actúan nunha serie de televisión infantil dos anos oitenta chamada Wander to Wonder. Despois da morte do creador da serie, quedan sós no estudio. Cos seus traxes deteriorándose pouco a pouco e a súa fame crecente, seguen facendo episodios cada vez máis estraños para os seus fans.
PLATÓNICO, PLATÓNICA / PLATÓNICO, PLATÓNICA
XACIO BAÑO – 2024 / ESPAÑA (GALICIA)
PLATÓNICO, PLATÓNICA / PLATÓNICO, PLATÓNICA
XACIO BAÑO – 2024 / ESPAÑA (GALICIA)
A nosa relación coa creación de imaxes parte do amor: a un momento, a unha persoa, a unha paisaxe, a un estado emocional. Coa súa multiplicación, os motivos polos que as facemos resultan cada vez máis difusos. Estar máis que ser. Encontrámonos nun momento de encrucillada histórica e evolutiva. Hoxe xa non podemos confiar nos nosos ollos. Coa chegada da Intelixencia Artificial debemos comezar a dubidar de todo. Platónico, platónica é un ensaio audiovisual sobre as imaxes, o amor e a súa verdade. Porque sen amor non hai imaxe.
SCHLAFSAND / LAGAÑA
ELIAS BÖTTICHER – 2024 / SUÍZA
SCHLAFSAND / LAGAÑA
ELIAS BÖTTICHER – 2024 / SUÍZA
Unha viaxe desde un glaciar suízo en decadencia ata a cidade, internándose nunha mina a ceo aberto onde os escavadores de carbón enxordecen de maneira incesante.
KEYHOLE / PECHADURA
JURI KRUTII – 2023 / ESTONIA
KEYHOLE / PECHADURA
JURI KRUTII – 2023 / ESTONIA
A medida que Anastassia madura e comeza a tomar decisións propias, as intencións e desexos da súa apaixonada nai van quedando apartados. Entre tantos desacordos, un asunto máis serio xorde para cambialo todo. O relato explora dous recordos distantes da mesma experiencia traumática, e narra o transitar dunha familia desde a súa relación amorosa ata unha traxedia inesperada, desde a cal deberán forxar a esperanza que lles permitirá continuar a través da dor.
LA GRANDE ARCHE / O GRAN ARCO
CAMILLE AUTHOUART – 2023 / FRANCIA
LA GRANDE ARCHE / O GRAN ARCO
CAMILLE AUTHOUART – 2023 / FRANCIA
O barrio da Defensa, nos arrabaldes de París, é o máis grande museo ao aire libre de Europa, contando con case 70 obras de arte monumentais, dispersas por todo o distrito. Sentada entre as patas da xigantesca Araña Vermella, pregúntome como non me dera conta antes.
2720 / 2720
BASIL DA CUNHA – 2023 / PORTUGAL, SUÍZA
2720 / 2720
BASIL DA CUNHA – 2023 / PORTUGAL, SUÍZA
Un barrio clandestino de Lisboa esperta coa noticia dunha violenta redada policial, ocorrida a noite anterior. Camila, unha nena de 7 anos, vai á procura do seu irmán. Está preocupada. O seu irmán desapareceu. Ao mesmo tempo, Jysone ten présa: despois de 6 anos na cadea e 5 semanas en liberdade, Jysone atopou, por fin, traballo e sabe que non pode chegar tarde. Busca a alguén que o poida levar mentres percorre as rúas do barrio, onde se cruza con amigos e coñecidos, que o atrasan aínda máis. O destino dos nosos dous protagonistas acabará cruzándose da peor maneira posible.