Seccións competitivas
DANG WO WANG XIANG NI DE SHI HOU / MIRARASME
SHULI HUANG – 2022 / CHINA
Cando un mozo cineasta chino regresa á súa vila natal en busca de si mesmo, unha conversación longamente agardada coa súa nai somerxe a ambos nunha busca de aceptación e amor.
EL PERRO DE UN TORERO / O CAN DUN TOUREIRO
SANDRA ROMERO – 2022 / ESPAÑA
Na derruída plaza de touros de Écija (unha vila de Andalucía, en España) Jesús, un rapaz de once anos, xoga ao fútbol. El e os seus amigos pasan a tarde inventándose novas formas de gastar o tempo. Pero esa tarde vai ser diferente: vai matar a un home. Abandonado polos seus compañeiros, Jesús vai deixando a infancia atrás para entrar nun mundo adulto que aínda non está preparado para comprender.
SNOW IN SEPTEMBER / NEVE EN SETEMBRO
LKHAGVADULAM PUREV-OCHIR – 2022 / MONGOLIA, FRANCIA
Davka é un adolescente que vive nos decadentes edificios soviéticos de Ulán Bator. Coa súa compañeira de clase, Anuka, falan de manga e fan bromas sobre sexo. Cando Davka coñece a unha muller maior, as súas ideas sobre a intimidade e a súa visión das relacións vense obrigadas a cambiar.
LUZ NOCTURNA
KIM TORRES – 2022 / COSTA RICA
Un relato sobre a soidade narrado dende a intimidade de tres irmáns que están a piques de recibir unha das noticias máis difíciles da súa vida. Mentres tanto, a selva aséxaos pero tamén os acompaña.
MA MÈRE ET MOI / MIÑA NAI E EU
EMMA BRANDERHORST – 2023 / PAISES BAIXOS
Kees, de dezasete anos, quere liberarse da súa nai Lois e decide facer un curso de idiomas en Francia. Durante a súa “última” viaxe xuntas, Lois loita coa súa cambiante relación, mentres Kees non ve a hora de comenzar a súa propia aventura.
AQUERONTE
MANUEL MUÑOZ RIVAS – 2023 / ESPAÑA
A bordo dunha barcaza, unha serie de pasaxeiros cruzan un río de beira a beira. Algúns dos viaxeiros charlan, quizais para amenizar a viaxe e acelerar o tempo. Outros fican en silencio, observan aos seus descoñecidos compañeiros de viaxe ou contemplan a paisaxe. O traxecto sobre as augas parece prolongarse, a beira de destino aplázase inesperadamente, a magnitude do espazo difumínase.
THE FLYING SAILOR / O MARIÑEIRO VOADOR
AMANDA FORBIS E WENDY TILBY – 2022 / CANADÁ
Dous barcos chocan nun porto, unha explosión esnaquiza unha cidade e un mariñeiro voa polos aires. Cos oídos zumbándolle, o sangue latexándolle e as tripas revoltas, elévase por enriba do caos cara ao descoñecido. Unha audaz mestura de comedia, suspense e filosofía, “The Flying Sailor” é unha estimulante contemplación da marabilla e a fraxilidade da existencia.
DAPHNE
TONIA MISHIALI – 2022 / CHIPRE, GRECIA
Daphne, divorciada, vive co seu fillo de 10 anos, socialmente torpe, que apenas se comunica con ela. Traballa dende casa debido ás medidas restritivas da pandemia, polo que non ten ningunha outra interacción física. Rexístrase nunha aplicación de citas e vai cambiando de parella sexual, pero non parece estar satisfeita, polo menos non co que cría necesitar; ata que atopa un can ferido na rúa. Ata onde chegaría para volver a sentir afecto?
45TH PARALLEL / PARALELO 45
LAWRENCE ABU HAMDAN – 2022 / REINO UNIDO
Represéntase un monólogo nun edificio que habita a espesura dunha liña fronteiriza, contando historias de fronteiras permeables e impermeables, reflexionando sobre como a libre circulación, o libre coñecemento e o libre espazo están ameazados.
AIRHOSTESS-737 / AZAFATA-737
THANASIS NEOFOTISTOS – 2022 / GRECIA
Vanina, unha azafata de voo de 39 anos, traballa nun voo nacional nun Boeing-737. Quéixase do seu aparato de ortodoncia recén posto, nun intento tardío de conseguir un sorriso perfecto. O que realmente ten que facer é enfrontarse á súa nai, ausente dende sempre, cuxo cadáver está na zona de carga do avión.
ULISES
FÉLIX BRIXEL – 2022 / ESPAÑA
Ulises, que sofre un acusado trastorno psicomotor, é coidado polo seu irmán. Un día abandona a casa familiar e decide soterrarse vivo. O seu irmán, desesperado, atópao e convénceo para volver, pero xa non sabe que facer para protexelo.
SWEATSHOP GIRL / RAPAZA DE FÁBRICA
SELMA CERVANTES – 2022 / MÉXICO
Inés traballa como costureira nun taller onde periodicamente lle fan probas de embarazo. Cando queda embarazada, está segura de que o seu estado fará que a despidan. Fai todo o posible para mantelo en segredo.
MAGMA
LUCA MEISTERS – 2023 / PAISES BAIXOS
O mundo da introvertida pero feroz Esra deu un xiro. O seu pai quedou discapacitado tras un recente accidente de moto e, como consecuencia, tiveron que mudarse a un novo lugar. Loitando coas súas limitacións, o pai de Esra xa non é o home que ela coñeceu. No seu novo colexio, conta unha mentira que lle reporta moita atención positiva, pero da que é incapaz de prever as consecuencias. A dor, a ira e a vergoña que bulen no seu interior sairán inevitablemente á luz.
YMPYRÄN NELIÖIMISESTÄ / CADRAR O CÍRCULO
HANNA HOVITIE – 2023 / FINLANDIA
Square the Circle é unha pequena película circular sobre a viaxe de ida e volta dunha persoa ao universo (des)coñecido e dentro de si mesma, en busca dun sentido de pertenza. “Cadrar o círculo” é un intento de facer o imposible: mirar ao infinito, aceptar o paso perpetuo do tempo, sobrevivir a un longo e escuro inverno no norte de Europa ou atopar un lugar propio cando un non remata de encaixar. Ser un círculo nun mundo de cadrados.
ENDLESS SEA / MAR INFINITO
SAM SHAINBERG – 2022 / ESTADOS UNIDOS
Carol, de 70 anos, comeza un día normal só para descubrir que a súa medicación para o corazón duplicou o prezo. Asustada, pero non sen esperanza, ponse a buscar unha solución. Vai traballar, intenta pedir prestado a familiares e amigos, incluso fai un chamamento urxente á Administración da Seguridade Social, pero ao final vese obrigada a un acto desesperado de revolución.
INVINCIBLE / INVENCIBLE
VINCENT RENÉ-LORTIE – 2022 / CANADÁ
Inspirado nunha historia real, Invincible rememora as últimas 48 horas da vida de Marc-Antoine Bernier, un mozo de 14 anos que se ve confrontado coa súa urxente necesidade de liberdade.
RUOVESI
ANDREA ZAPATA-GIRAU – 2023 / ESPAÑA
Cecilia, supervivente da represión militar chilena, conxuga dende o seu desterro en Finlandia, loita interior e política, disgregación xeográfica e familiar. Ao seu lado, a súa neta Aava, ofrecéndolle un novo lugar dende o que aliviar, por un momento, a carga do seu persistente e fragmentado narrar. Baseado na vida de Silvia Eliana Aedo, que interpreta a Cecilia.
CIVIC / CÍVICO
DWAYNE LEBLANC – 2022 / ESTADOS UNIDOS
CIVIC é unha curtametraxe que segue a Booker na súa primeira viaxe de volta a casa, a South Central, L.A. despois de varios anos de exilio autoimposto. Sen ningún motivo claro, nin sequera unha advertencia, Booker regresa ao lugar que garda as súas orixes e a xente que o formou. Enmarcada case exclusivamente no interior dun coche, CIVIC segue os encontros fugaces e fragmentados de Booker polas súas antigas rúas.
ANANSI
AUDE N’GUESSAN FORGET – 2022 / FRANCIA
Eden, unha peiteadora afro, intenta superar as súas recorrentes dores de estómago polos seus propios medios. Ao non ser escoitada polo sistema sanitario, intenta coidar de si mesma. Cando as súas dores a alcanzan, a súa vida cotiá vólvese insoportable.
ALICIA FAI COUSAS
ÁNGEL SANTOS – 2023 / ESPAÑA
Alicia está obsesionada, metéuselle na cabeza que é aburrida, ou que está aburrida, ou quizá simplemente que todo é aburrido. Nós seguímola na súa obsesión, mentres se prepara para un casting, pensa se debería apuntarse a algún curso ou dubida se ir ou non ir a unha festa.
MO HARAWE – 2022 / ALEMAÑA, AUSTRIA, SOMALIA
WILL MY PARENTS COME TO SEE ME / VIRÁN OS MEUS PAIS A VERME
MO HARAWE – 2022 / ALEMAÑA, AUSTRIA, SOMALIA
Somalia. Unha muller policía senta no seu coche aparcado. Ao cabo dun intre, sae, pon a gorra de servizo e entra na prisión. Alí amencen horas decisivas para o mozo Farah. A maquinaria organizativa ponse en marcha ao seu redor. Farah é examinado por un médico, instruído polo alguacil e atendido por un imán. Farah agarda a visita dos seus pais.
“Como estás?” é a pregunta que todos lle fan ese día. Cada vez, “Ben” é a súa concisa resposta. Só cando á mañá seguinte a muller policía leva a Farah fóra da cidade, o indicible convértese nunha dolorosa realidade.
ICE MERCHANTS / COMERCIANTES DE XEO
JOÃO GONZALEZ – 2022 / PORTUGAL, FRANCIA, ESTADOS UNIDOS
Todos os días, un pai e o seu fillo saltan en paracaídas dende a súa vertixinosa casa fría, acaroada a un acantilado, para ir á vila en terra, moi lonxe, onde venden xeo que producen a diario.
DAS ANDERE ENDE DER STRAßE / O OUTRO EXTREMO DA RÚA
KÁLMÁN NAGY – 2022 / HUNGRÍA, AUSTRIA
Cando Ábel, de 9 anos, é agredido polo seu compañeiro Bence no colexio, o seu pai decide visitar aos pais deste para poñer fin ao constante acoso. Non obstante, a conversación non sae como agardaban e enfronta ao pai e fillo a un dilema moral.
ARQUITECTURA EMOCIONAL 1959
LEÓN SIMINIANI – 2022 / ESPAÑA
Velaquí a historia de amor de Sebas e Andrea, universitarios novatos, no curso 1958-1959. Velaquí como clase social e ideoloxía convértense en obstáculos… insuperables? Velaquí a arquitectura marcando, inadvertida, a liña de puntos que acabe dictando a súa emoción.
NEST / NIÑO
HLYNUR PÁLMASON – 2022 / ISLANDIA, DINAMARCA
Unha historia de irmáns que constrúen xuntos unha casa nunha árbore ao longo dun ano. Experimentamos a beleza e a brutalidade das estacións, mentres os seguimos a través das súas dificultades e momentos de alegría.
SANDWICH CAT
DAVID FIDALGO – 2022 / ESPAÑA
David vive só co seu gato, Sandwich Cat. Parecía un día calquera sen máis pero unha visita inesperada conduciralle a unha reflexión crucial para a humanidade.
STRANGE BEASTS / BESTAS ESTRAÑAS
DARCY PRENDERGAST – 2022 / AUSTRALIA
Strange Beasts é unha mirada ao meteórico ascenso e caída do Bacchus Marsh Lion Safari, contado a través dos ollos de Ron Prendergast, un coidador de grandes felinos que entón tiña 18 anos. Dende o seu auxe inicial ata o seu prolongado peche, o parque segue rodeado de misterio e folclore. Ata agora.
TENDER / TENRO
SAMM HODGES – 2022 / ESTADOS UNIDOS
Unha exploración da trampa xeracional da violencia machista no contexto da pobreza rural estadounidense. Cando JD non atopa a súa carteira, síntese desprezado. Ten medo de que lle falten ao respecto. Cando ten medo, vólvese aterrador. Descarga a súa carraxe sobre a súa moza e o fillo adolescente desta. O ciclo continúa. Damon enfróntase a unha elección imposible.